Mørk musikalsk meditasjon
Viddals kvartett skapar ein unik ensembleklang.
Mathilde Groos Viddal med Friensemblet på Nasjonal jazzscene.
Foto: Andreas Ulvo / mgviddal.com
Jazz
Mathilde Grooss Viddal:
Notre Dame – Meditations and Prayers
Mathilde Grooss Viddal, Bb-klarinett, bassklarinett, sopran- og tenorsaks; Hayden Powell, trompet; Børge-Are Halvorsen, tenorsaks; Øyvind Brække, trombone; Per Willy Aaserud, trompet og elektronikk. Losen Records LOS 245-2
Viddal held fram der ho slapp med Stabat Mater som kom i fjor. Hayden Powell på trompet erstattar fiolinisten Harpreet Bansal, elles er ensemblet det same. Musikken blei spelt inn i perioden 2013–2016. Besetninga på konsertbandet skifta gjennom desse åra, men kvartetten Viddal, Powell, Halvorsen og Brække gjorde ein del innspelingar i legendariske Rainbow Studio. Desse opptaka er supplerte med tre låtar frå eit konsertopptak i Færvik kyrkje på Tromøya, der Viddal og Aaserud spelar duo.
No er det norsk folkemusikk som står i sentrum, både sakral og profan. Det vil seia at repertoaret skifter mellom arrangerte salme-/folketonar og ein serie refleksjonar («Reflections» I–V) med skissemessige arrangement som utgangspunkt. Musikken forlèt aldri den meditative grunnstemninga, og arrangementa, som er gjorde kollektivt, er dynamiske og har alltid tanke for ensembleklangen.
Stemningane dei manar fram, kan vera både knuande og dystre, men det munnar alltid ut i melodisk vemod. Høgdepunktet er den pulserande «Reflections II» som raskt hintar mot «Det hev ei rosa sprunge». Denne salmen følgjer så i eit aldeles utsøkt arrangement. Dette er musikk for mørke kveldar.
Lars Mossefinn
Lars Mossefinn er lærar ved Voss gymnas og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Mathilde Grooss Viddal:
Notre Dame – Meditations and Prayers
Mathilde Grooss Viddal, Bb-klarinett, bassklarinett, sopran- og tenorsaks; Hayden Powell, trompet; Børge-Are Halvorsen, tenorsaks; Øyvind Brække, trombone; Per Willy Aaserud, trompet og elektronikk. Losen Records LOS 245-2
Viddal held fram der ho slapp med Stabat Mater som kom i fjor. Hayden Powell på trompet erstattar fiolinisten Harpreet Bansal, elles er ensemblet det same. Musikken blei spelt inn i perioden 2013–2016. Besetninga på konsertbandet skifta gjennom desse åra, men kvartetten Viddal, Powell, Halvorsen og Brække gjorde ein del innspelingar i legendariske Rainbow Studio. Desse opptaka er supplerte med tre låtar frå eit konsertopptak i Færvik kyrkje på Tromøya, der Viddal og Aaserud spelar duo.
No er det norsk folkemusikk som står i sentrum, både sakral og profan. Det vil seia at repertoaret skifter mellom arrangerte salme-/folketonar og ein serie refleksjonar («Reflections» I–V) med skissemessige arrangement som utgangspunkt. Musikken forlèt aldri den meditative grunnstemninga, og arrangementa, som er gjorde kollektivt, er dynamiske og har alltid tanke for ensembleklangen.
Stemningane dei manar fram, kan vera både knuande og dystre, men det munnar alltid ut i melodisk vemod. Høgdepunktet er den pulserande «Reflections II» som raskt hintar mot «Det hev ei rosa sprunge». Denne salmen følgjer så i eit aldeles utsøkt arrangement. Dette er musikk for mørke kveldar.
Lars Mossefinn
Lars Mossefinn er lærar ved Voss gymnas og fast jazzmeldar i Dag og Tid.
Fleire artiklar
Foto via Wikimedia Commons
«Hulda Garborg er ein av dei store, gløymde forfattarskapane i Noreg.»
Fuktmålaren syner at veggen er knuskturr. Er det truverdig?
Foto: Per Thorvaldsen
«Frykta er ein god læremeister. Eg sit no og les Byggforsk-artiklar om fukt for harde livet.»
Wako er Kjetil Mulelid, Simon Olderskog Albertsen, Bárdur Reinert Poulsen og Martin Myhre Olsen.
Foto: Eirik Havnes
Sprudlande samspel
Wako serverer ei heilakustisk jazzplate.
Sitrusmarinert kamskjel med estragon, lime og olivenolje.
Alle foto: Dagfinn Nordbø
«Måltidet skreid fram under både lågmælte og høglydte sukk og stønn.»
Stillinga i VM-kampen mellom Ding Liren og Gukesh var 4–4 etter 8 av 14 parti.
Foto: Eng Chin An / FIDE
Papiravisa