Mjuk medisinindustrimusikk
Sega gjev ut ein dose sedativ sjukehusspelmusikk.
Easy listening
Cedar Studios og Jack Le Breton:
Two Point Hospital
Sega
Strategispelet Two Point Hospital går ut på å byggje og drive eit privat sjukehus. Med enkle klikk gjer ein innkjøp av avansert medisinsk maskineri og hyrer personell som lækjer eksotiske sjukdomar som «light-headedness» (som gjer hovudet til lyspære) medan ein ser pengane rulle inn. No er musikken til spelet offisielt gjeven ut – utgjevaren, megaselskapet Sega, treng vel at fleire pengar rullar inn.
Det er tale om silkemjuk easy listening i klassisk Den rosa panteren-aktig hammondjazz-stil, ofte med bossa nova-rytmar og ekstremt diskré heismusikklydbilete. Det er fullstendig tannlaust og merkeleg roande. Somme hugsar kan hende midi-jazz-musikken i klassikaren Transport Tycoon. Dette er i same gate: Bakgrunnsmusikk med stor B og sedativ verknad.
Medan musikken er avslappande, er han svært uoriginal i sin mekanistiske appropriasjon av afro- og latinamerikansk musikk. Det ein driv med i sjølve spelet, er òg av luguber etisk karakter, særleg midt i ein pandemi parallelt med eit presidentkapplaup som har synt at trua på at ikkje alle er helsehjelp verdige i USA, sit katastrofalt djupt.
Nyleg kom det ei utvidingspakke til spelet, Off the Grid, som byd på vindkraft og andre grønkapitalistiske «løysingar». Sjå dokumentarfilmen Planet of the Humans – gratis på Youtube – om du vil ha ein (kanskje deprimerande) vekkjar om samspelet mellom «grøn» kraftindustri, subsidiar og klimaendringar. Smakebitar av Two Point Hospital-musikken er òg å finne der.
Rasmus Hungnes
Rasmus Hungnes er kunstnar, musikar og fast musikkmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Easy listening
Cedar Studios og Jack Le Breton:
Two Point Hospital
Sega
Strategispelet Two Point Hospital går ut på å byggje og drive eit privat sjukehus. Med enkle klikk gjer ein innkjøp av avansert medisinsk maskineri og hyrer personell som lækjer eksotiske sjukdomar som «light-headedness» (som gjer hovudet til lyspære) medan ein ser pengane rulle inn. No er musikken til spelet offisielt gjeven ut – utgjevaren, megaselskapet Sega, treng vel at fleire pengar rullar inn.
Det er tale om silkemjuk easy listening i klassisk Den rosa panteren-aktig hammondjazz-stil, ofte med bossa nova-rytmar og ekstremt diskré heismusikklydbilete. Det er fullstendig tannlaust og merkeleg roande. Somme hugsar kan hende midi-jazz-musikken i klassikaren Transport Tycoon. Dette er i same gate: Bakgrunnsmusikk med stor B og sedativ verknad.
Medan musikken er avslappande, er han svært uoriginal i sin mekanistiske appropriasjon av afro- og latinamerikansk musikk. Det ein driv med i sjølve spelet, er òg av luguber etisk karakter, særleg midt i ein pandemi parallelt med eit presidentkapplaup som har synt at trua på at ikkje alle er helsehjelp verdige i USA, sit katastrofalt djupt.
Nyleg kom det ei utvidingspakke til spelet, Off the Grid, som byd på vindkraft og andre grønkapitalistiske «løysingar». Sjå dokumentarfilmen Planet of the Humans – gratis på Youtube – om du vil ha ein (kanskje deprimerande) vekkjar om samspelet mellom «grøn» kraftindustri, subsidiar og klimaendringar. Smakebitar av Two Point Hospital-musikken er òg å finne der.
Rasmus Hungnes
Rasmus Hungnes er kunstnar, musikar og fast musikkmeldar
i Dag og Tid.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.