Mellom fragment og heilskap
Apneseth dreg vekslar på eit musikalsk A-lag.
Hardingefelespelar Erlend Apneseth har komponert musikken på albumet.
Foto: Oddleiv Apneseth
Jazz
Erlend Apneseth:
Fragmentarium
Erlend Apneseth, hardingfele; Stein Urheim, gitar, bouzouki og elektronikk, Anja Lauvdal, piano, synth og elektronikk; Hans Hulbækmo, trommer, perkusjon, munnharpe og fløyte; Fredrich Luhr Dietrichson, bass; Ida Løvlie Hidle, akkordion. HUBRO HUBROCD2629
Erlend Apneseth er kanskje den unge musikaren som med størst hell har late seg inspirera av folkemusikken og skapt ny frisk musikk. På skuldrene til nestorar som Nils Økland og Unni Løvlid rett nok, men like fullt har det vore spanande å følgja Apneseth, spesielt trioen med Stephan Meidell og Øyvind Hegg-Lunde.
Her er han i selskap med eit større ensemble med musikk urframført i Kongsberg kyrkje på festivalen i fjor og spelt inn Ål kulturhus kort tid etter. Apneseth har samla eit knippe profilerte musikarar som i ulike samanhengar har spelt saman før, mellom anna har alle unnateke Urheim spelt i det store frijazzbandet Skadedyr. Målet til Apneseth var å få ensemblet til å dra i same kreative lei «i hovudsak ved å ikkje vera for kontrollerande», seier Apneseth i pressemeldinga.
Apneseth har lukkast i den forstand at bandet er i fokus, men du er aldri tvil om kven som er med. Komposisjonane til Apneseth er noko meir enn fragment, men langt frå utskrivne partitur. Gjennom arrangementa er musikarane i vekslande grad med på å setja bumerket sitt på musikken. Arrangementa har noko friskt og uferdig ved seg, uferdig i den forstand at det på neste konsert vil dukka opp nye element i arrangementa som vil ta musikken i ei litt anna retning.
Eg saknar likevel at musikarane i endå sterkare grad utfordrar kvarandre. Fleire av låtane inviterer til det, mellom andre tittellåten og opningssporet «Gangar», men det blir med tilløpa. Mest vellukka i så måte er «Gruvene» og «Det mørknar». Spesielt førstnemnde er ei skikkeleg musikalsk reise.
Lars Mossefinn
Lars Mossefinn er lærar ved Voss gymnas og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Erlend Apneseth:
Fragmentarium
Erlend Apneseth, hardingfele; Stein Urheim, gitar, bouzouki og elektronikk, Anja Lauvdal, piano, synth og elektronikk; Hans Hulbækmo, trommer, perkusjon, munnharpe og fløyte; Fredrich Luhr Dietrichson, bass; Ida Løvlie Hidle, akkordion. HUBRO HUBROCD2629
Erlend Apneseth er kanskje den unge musikaren som med størst hell har late seg inspirera av folkemusikken og skapt ny frisk musikk. På skuldrene til nestorar som Nils Økland og Unni Løvlid rett nok, men like fullt har det vore spanande å følgja Apneseth, spesielt trioen med Stephan Meidell og Øyvind Hegg-Lunde.
Her er han i selskap med eit større ensemble med musikk urframført i Kongsberg kyrkje på festivalen i fjor og spelt inn Ål kulturhus kort tid etter. Apneseth har samla eit knippe profilerte musikarar som i ulike samanhengar har spelt saman før, mellom anna har alle unnateke Urheim spelt i det store frijazzbandet Skadedyr. Målet til Apneseth var å få ensemblet til å dra i same kreative lei «i hovudsak ved å ikkje vera for kontrollerande», seier Apneseth i pressemeldinga.
Apneseth har lukkast i den forstand at bandet er i fokus, men du er aldri tvil om kven som er med. Komposisjonane til Apneseth er noko meir enn fragment, men langt frå utskrivne partitur. Gjennom arrangementa er musikarane i vekslande grad med på å setja bumerket sitt på musikken. Arrangementa har noko friskt og uferdig ved seg, uferdig i den forstand at det på neste konsert vil dukka opp nye element i arrangementa som vil ta musikken i ei litt anna retning.
Eg saknar likevel at musikarane i endå sterkare grad utfordrar kvarandre. Fleire av låtane inviterer til det, mellom andre tittellåten og opningssporet «Gangar», men det blir med tilløpa. Mest vellukka i så måte er «Gruvene» og «Det mørknar». Spesielt førstnemnde er ei skikkeleg musikalsk reise.
Lars Mossefinn
Lars Mossefinn er lærar ved Voss gymnas og fast jazzmeldar i Dag og Tid.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.