Lovano overraskar
Marilyn Crispell spelar med ein sjeldan autoritet.
Joe Lovano (t.h.) då han spelte saman med Nathan East på Grammy-utdelinga i 2015. I mai spelar han med Trio Tapestry i Oslo.
Foto: John Shearer / AP / NTB scanpix
Jazz
Joe
Lovano:
Trio Tapestry
Joe Lovano, tenorsaks, tárogató og gongar; Marilyn Crispell, piano; Carmen Castaldi, trommer og perkusjon.
ECM 2615
Det vekte oppsikt då Art Ensemble of Chicago i 1978 gav ut Nice Guys på ECM. Bandet var det minst ECMske som tenkjast kunne. Joe Lovano har ei historie som medmusikant på mang ei innspeling på det tyske merket, men Trio Tapestry er faktisk den første innspelinga i eige namn for Manfred Eicher. Lovano har nemleg heilt sidan 1991 vore ein trugen Blue Note-artist.
Nye sider
Ein skal ikkje gjera dette poenget større enn det er, men Joe Lovano viser her sider ved seg som ein ikkje har høyrt mykje til før, men det kjem i stor grad av samarbeidet med pianisten Marilyn Crispell. Også Carmen Castaldi, som Lovano har samarbeidd med før, tilfører musikken ein klangleg dimensjon som ikkje er det eg først og fremst assosierer med Lovano. Sjølv om det er ei atypisk Lovano-innspeling, er musikken likevel fascinerande på sitt melankolske vis, og undervegs avslører Lovano seg – på fordelaktig vis.
Lysande augneblink
Alle elleve låtane er skrivne av Lovano, men i slike musikalske møte blir magien oftast skapt når ensemble omarbeider utgangspunktet. Ein slik lysande augneblink er «Rare Beauty» der dei skiftevis står fremst i lydbiletet, og komposisjonen får ny farge og karakter. Den mektige pianoklangen og det harmoniske fundamentet til Crispell får fram dei friaste assosiasjonane hjå Lovano. I sitt 67. år er det fint å kunna overraska seg sjølv og fansen.
Lars Mossefinn
Lars Mossefinn er lærar ved Voss gymnas og fast jazzmeldar i
Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Joe
Lovano:
Trio Tapestry
Joe Lovano, tenorsaks, tárogató og gongar; Marilyn Crispell, piano; Carmen Castaldi, trommer og perkusjon.
ECM 2615
Det vekte oppsikt då Art Ensemble of Chicago i 1978 gav ut Nice Guys på ECM. Bandet var det minst ECMske som tenkjast kunne. Joe Lovano har ei historie som medmusikant på mang ei innspeling på det tyske merket, men Trio Tapestry er faktisk den første innspelinga i eige namn for Manfred Eicher. Lovano har nemleg heilt sidan 1991 vore ein trugen Blue Note-artist.
Nye sider
Ein skal ikkje gjera dette poenget større enn det er, men Joe Lovano viser her sider ved seg som ein ikkje har høyrt mykje til før, men det kjem i stor grad av samarbeidet med pianisten Marilyn Crispell. Også Carmen Castaldi, som Lovano har samarbeidd med før, tilfører musikken ein klangleg dimensjon som ikkje er det eg først og fremst assosierer med Lovano. Sjølv om det er ei atypisk Lovano-innspeling, er musikken likevel fascinerande på sitt melankolske vis, og undervegs avslører Lovano seg – på fordelaktig vis.
Lysande augneblink
Alle elleve låtane er skrivne av Lovano, men i slike musikalske møte blir magien oftast skapt når ensemble omarbeider utgangspunktet. Ein slik lysande augneblink er «Rare Beauty» der dei skiftevis står fremst i lydbiletet, og komposisjonen får ny farge og karakter. Den mektige pianoklangen og det harmoniske fundamentet til Crispell får fram dei friaste assosiasjonane hjå Lovano. I sitt 67. år er det fint å kunna overraska seg sjølv og fansen.
Lars Mossefinn
Lars Mossefinn er lærar ved Voss gymnas og fast jazzmeldar i
Dag og Tid.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Rune Slagstad på veg inn til Finansdepartementet i november i fjor.
Foto: Dag og Tid
Fylgjene av konkurransestaten
Rune Slagstad syner korleis venstresida lenge har gløymt røtene og prinsippa sine. Der andre held seg til vande spor, gjenetablerer han vona om at vi kan finne ut av kva som er viktigast å diskutere.
Jean-Marie Le Pen døydde 7. januar, 96 år gamal.
Foto: Stephane Mahe / Reuters / NTB
Ein politisk krigar har falle
Jean-Marie Le Pen (1928–2025) vart ein nybrotsmann for all høgrepopulisme i dag.
Papiravisa