Kropp og sjel
Kaitlyn Aurelia Smith lèt deg kople av, utan å skru av hjernen heilt.
Kanskje velgjerande er ordet, tenkte eg nyleg, då eg nok ein gong lytta til «Remembering», andresporet på Kaitlyn Aurelia Smiths nye album, The Mosaic of Transformation.
Bak den suggestive låttittelen skjuler det seg eit stykke musikk som tindrar av undring, som opnar seg mot verda i ein omfamnande gest. Lat att auga, og tometersavstanden mellom kroppane våre opphøyrer, for ei stakka stund, i høyretelefonane, i alle fall.
Den globale unntakstilstanden har ført med seg så mangt, også av ulike kulturelle behov som har gjort seg gjeldande på grunn av ein omfattande isolasjon som for somme har vore ei påkjenning. Skal ein kaste seg over TV-serien ein aldri har hatt nok tid til å sjå? Er det no ein finn fram kokken i seg?
I straumen av kulturelle tips finn vi også dei som er eigna til å late oss finne ro. Sommaren 2019 publiserte Los Angeles Times ei liste med tips under tittelen «The best music to help you fall asleep». Då saka vart nypublisert for litt sidan, var tittelen utvida med påhenget «and combat coronavirus anxiety».
Ikkje uventa løfta fleire av dei utbrende Los Angeles-journalistane fram ulike former for meditativ musikk, i det uklare landskapet mellom ambient og new age, for kven treng ikkje av og til å sone ut i eit lydlandskap som kjennest mildt og uavgrensa?
Los Angeles er Smiths heimby, og The Mosaic of Transformation kunne fort ha funne ein plass i artikkelen. Gjennom fleire plater har artisten, som vaks opp med heimeskule i den nordvestre delen av USA, studerte musikk i Boston og fann vegen til den vedunderlege verda av analoge synthar og (kanskje uunngåeleg) California, laga ein undrande avkoplingsmusikk for sjel og kropp, med aukande merksemd, særleg rundt EARS (2016) og The Kid (2017).
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
