Kollegial type
Stundom fekk Jan Willem de Vriend fram det beste ved bergensfilharmonikarane.
Den nederlandske fiolinisten og dirigenten Jan Willem de Vriend.
Foto: Marcel van den Broek
Konsert
Ludwig van Beethoven, Maja Ratkje:
Symfoni nr. 5 og nr. 6; Paragraf 112
Bergen Filharmoniske Orkester; dir.: Jan Willem de Vriend. Grieghallen, torsdag 19. september
Nederlandske Jan Willem de Vriend er ingen sjeldan gjest i Noreg. Han er Stavanger Symfoniorkesters artist in residence denne sesongen, og i mars neste år leier han Bergen Nasjonale Operas påkosta, fullsceniske produksjon av W.A. Mozarts La clemenza di Tito med Bergen Filharmoniske Orkester (BFO). Kor godt kjem han overeins med dette orkesteret? Beethoven-konserten i Grieghallen torsdag førre veke gav ein god peikepinn om kva bergensarane kan venta seg til våren.
Frå orkestergrava
Eg kjenner de Vriend frå plateinnspelingar med andre orkester, fyrst og fremst med det briljante Combattimento Consort Amsterdam, som han grunnla og spelte fiolin i frå 1982 fram til det blei nedlagt for fem år sidan. Sjølv om dette ensemblet nytta moderne instrument, fekk det godt fram den tidsriktige klangen, fraseringa og artikulasjonen i 1600- og 1700-talsmusikken.
De Vriend har altså røynsle med gamal musikk spelt på moderne instrument. Det merka me i måten han leidde BFO på. Som dirigent er han ikkje av den subjektive sorten som nyttar orkesteret som «sitt instrument». Han er meir den kollegiale typen, ein formidlar mellom partituret og orkestermusikarane – som fiolinist kjem han jo sjølv frå rekkjene deira.
Lagnadssymfonien
Å dempa den subjektive patosen når ein dirigerer Beethovens symfoniar, har eg elles sansen for: Dei er jo i seg sjølv så metta av sinnsrørslene til komponisten. Konserten byrja med «Lagnadssymfonien», Symfoni nr. 5 i c-moll, op. 67. Beethoven syner her korleis han med eit bitte lite motiv – det bankande, fire tonar lange «lagnadsmotivet» – greier å skapa vid, symfonisk heilskap. I den teknisk krevjande fyrstesatsen tok det litt tid før dirigent og orkester var heilt samstemde. Men frå og med repetisjonen av eksposisjonen (fyrstesatsens fyrste del) stemde samspelet; dei ulike laga i det fleirstemde blei tydelege, og ein veldig energi bygde seg opp.
Med sigersfanfaren i sistesatsen kom den endelege kraftutløysinga, eit parti som både med tanke på teknikk og uttrykk var det absolutte høgdepunktet denne kvelden. Slik sett kom dei litt i skuggen, dei solide tolkingane av Maja Ratkjes stutte Paragraf 112, ei instrumental tonesetjing av Grunnlovens «miljøparagraf», og Beethovens linne «Pastoralesymfoni», Symfoni nr. 6 i F-dur, op. 68. Hadde det ikkje vore lurare å la konserten byrja med desse to stykka? I alle høve: Kombinasjonen av de Vriend og BFO har eg tru på, særleg når dei har fått meir tid saman fram mot Mozart-premieren i Grieghallen i mars.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Konsert
Ludwig van Beethoven, Maja Ratkje:
Symfoni nr. 5 og nr. 6; Paragraf 112
Bergen Filharmoniske Orkester; dir.: Jan Willem de Vriend. Grieghallen, torsdag 19. september
Nederlandske Jan Willem de Vriend er ingen sjeldan gjest i Noreg. Han er Stavanger Symfoniorkesters artist in residence denne sesongen, og i mars neste år leier han Bergen Nasjonale Operas påkosta, fullsceniske produksjon av W.A. Mozarts La clemenza di Tito med Bergen Filharmoniske Orkester (BFO). Kor godt kjem han overeins med dette orkesteret? Beethoven-konserten i Grieghallen torsdag førre veke gav ein god peikepinn om kva bergensarane kan venta seg til våren.
Frå orkestergrava
Eg kjenner de Vriend frå plateinnspelingar med andre orkester, fyrst og fremst med det briljante Combattimento Consort Amsterdam, som han grunnla og spelte fiolin i frå 1982 fram til det blei nedlagt for fem år sidan. Sjølv om dette ensemblet nytta moderne instrument, fekk det godt fram den tidsriktige klangen, fraseringa og artikulasjonen i 1600- og 1700-talsmusikken.
De Vriend har altså røynsle med gamal musikk spelt på moderne instrument. Det merka me i måten han leidde BFO på. Som dirigent er han ikkje av den subjektive sorten som nyttar orkesteret som «sitt instrument». Han er meir den kollegiale typen, ein formidlar mellom partituret og orkestermusikarane – som fiolinist kjem han jo sjølv frå rekkjene deira.
Lagnadssymfonien
Å dempa den subjektive patosen når ein dirigerer Beethovens symfoniar, har eg elles sansen for: Dei er jo i seg sjølv så metta av sinnsrørslene til komponisten. Konserten byrja med «Lagnadssymfonien», Symfoni nr. 5 i c-moll, op. 67. Beethoven syner her korleis han med eit bitte lite motiv – det bankande, fire tonar lange «lagnadsmotivet» – greier å skapa vid, symfonisk heilskap. I den teknisk krevjande fyrstesatsen tok det litt tid før dirigent og orkester var heilt samstemde. Men frå og med repetisjonen av eksposisjonen (fyrstesatsens fyrste del) stemde samspelet; dei ulike laga i det fleirstemde blei tydelege, og ein veldig energi bygde seg opp.
Med sigersfanfaren i sistesatsen kom den endelege kraftutløysinga, eit parti som både med tanke på teknikk og uttrykk var det absolutte høgdepunktet denne kvelden. Slik sett kom dei litt i skuggen, dei solide tolkingane av Maja Ratkjes stutte Paragraf 112, ei instrumental tonesetjing av Grunnlovens «miljøparagraf», og Beethovens linne «Pastoralesymfoni», Symfoni nr. 6 i F-dur, op. 68. Hadde det ikkje vore lurare å la konserten byrja med desse to stykka? I alle høve: Kombinasjonen av de Vriend og BFO har eg tru på, særleg når dei har fått meir tid saman fram mot Mozart-premieren i Grieghallen i mars.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?
Teikning: May Linn Clement
17. mai-pengar
«Mor mi viser meg telefonen og at ho har vipsa Oskar og Tomas. Det er irriterande å sjå på ein mobil som andre held i.»
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.