Klang av klassekamp
Sleaford Mods lagar arbeidarklassemusikk av klasse.
Sleaford Mods er ein duo med musikar Andrew Fearn (t.v.) og vokalist Jason Williamson.
Foto: Rough Trade Records
Elektronisk/ Rock
Sleaford Mods:
All That Glue
Rough Trade Records
«Music for the masses, I’m out classed here mate.» Slik startar «Mcflurry», første låt på den britiske elektropunkduoen Sleaford Mods’ første samleplate.
Musikken kan ved første øyrekast framstå som enkel, men under dei repeterande rytmane og konsise basslinene ligg lag på lag med hypnotiske elektroniske lydar og ymse samplingar av til dømes dommarfløyter, telefonsamtalar og innbrotsalarmen frå huset ved sida av studioet. Og i sentrum for det heile står velferdsrådgivaren og kyllingslakteriarbeidaren Jason Williamsons slampoesiaktige vokal.
Williamson formidlar for det meste bodskapen gjennom spoken word, som den britiske arbeidarklassens svar på Gil Scott-Heron. I dokumentarfilmen Bunch Of Kunst (2017) hevdar han at han ganske enkelt talar om det som opptek han, og at å bli kalla «folkets røyst» kjennest litt vel grandiost. Men det er nettopp det ærlege her som appellerer til så mange. Ved å tale på stream-of-consciousness-pub-aktig vis om meiningslause jobbar og absurde arbeidsavklaringsmøte, rører han ved nerven i det politiske Storbritannia.
Stundom kan det virke som om det herskar ei tru på at vi har eit klasselaust samfunn her i Noreg. Men måten den middelaldrande, norske kvinna på Rema 1000 her om dagen aggressivt beordra tre bygningsarbeidarar (og berre dei) til å vaske hendene, tyder på noko anna. «Kor gamle er de, ti år?» sa ho på engelsk. «Beklagar», svara dei med rotnorsk austlandsaksent, og kvinna sank ned i ei myr av sine eigne fordommar om klasse og europeisk etnisitet. Ikkje ver slik. Høyr på Sleaford Mods og bli vis.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk/ Rock
Sleaford Mods:
All That Glue
Rough Trade Records
«Music for the masses, I’m out classed here mate.» Slik startar «Mcflurry», første låt på den britiske elektropunkduoen Sleaford Mods’ første samleplate.
Musikken kan ved første øyrekast framstå som enkel, men under dei repeterande rytmane og konsise basslinene ligg lag på lag med hypnotiske elektroniske lydar og ymse samplingar av til dømes dommarfløyter, telefonsamtalar og innbrotsalarmen frå huset ved sida av studioet. Og i sentrum for det heile står velferdsrådgivaren og kyllingslakteriarbeidaren Jason Williamsons slampoesiaktige vokal.
Williamson formidlar for det meste bodskapen gjennom spoken word, som den britiske arbeidarklassens svar på Gil Scott-Heron. I dokumentarfilmen Bunch Of Kunst (2017) hevdar han at han ganske enkelt talar om det som opptek han, og at å bli kalla «folkets røyst» kjennest litt vel grandiost. Men det er nettopp det ærlege her som appellerer til så mange. Ved å tale på stream-of-consciousness-pub-aktig vis om meiningslause jobbar og absurde arbeidsavklaringsmøte, rører han ved nerven i det politiske Storbritannia.
Stundom kan det virke som om det herskar ei tru på at vi har eit klasselaust samfunn her i Noreg. Men måten den middelaldrande, norske kvinna på Rema 1000 her om dagen aggressivt beordra tre bygningsarbeidarar (og berre dei) til å vaske hendene, tyder på noko anna. «Kor gamle er de, ti år?» sa ho på engelsk. «Beklagar», svara dei med rotnorsk austlandsaksent, og kvinna sank ned i ei myr av sine eigne fordommar om klasse og europeisk etnisitet. Ikkje ver slik. Høyr på Sleaford Mods og bli vis.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.