Kaviar og fiskebollar
Hjå Ole Bull ventar ein det uventa.
Utsnitt frå måleriet «Livsfasane» (ca. 1835) av Caspar David Friedrich (1774–1840).
CD
Ole Bull:
Stages of Life
Annar Follesø, fiolin; Wolfgang Plagge, klaver; Kringkastingsorkesteret; dir.: Eun Sun Kim. 2L 2020
Å setja seg ned med eit nytt Ole Bull-album er som å bli invitert til ein fleirrettars middag hjå ein eksentrisk herremann. Du veit aldri kva som blir servert eller i kva for rekkjefylgje einskildrettane kjem. Dessutan varierer det gastronomiske nivået på rettane: Russisk kaviar kan bli fylgd av Vesteraalens fiskeboller.
Stages of Life er eit slikt album. Under leiing av den koreanske dirigenten Eun Sun Kim spelar Kringkastingsorkesteret og den briljante fiolinisten Annar Follesø her fem gløymde Bull-verk som har det sams at dei er svært ueinsarta.
Livsfasar
Albumtittelen er henta frå målarstykket på framsida av CD-en, «Livsfasane» av den tyske romantikaren Caspar David Friedrich, som syner menneske og skip i kveldssol ved Austersjø-kysten. Menneska er i kvar sin periode i livet, noko seglskipa speglar att. Er det dei ulike livsfasane Bull var i då han laga stykka på plata, det her blir alludert til? Eller er det dei ulike fasane i «liva» til sjølve stykka? Som utprega improvisasjonsmusikar og utøvarkomponist endra han nemleg ofte komposisjonane sine frå gong til gong, alt etter framføringssituasjonen.
Det einaste me kan venta oss hjå Bull, er altså det uventa. Einskapen og utviklinga av dei kompositoriske ideane hans er annleis enn hjå store romantiske komponistar, til dømes den jamgamle R. Schumann. Bull hadde aldri hatt skikkeleg komposisjonsundervising, men røynsla som utøvar gjorde han god på det å byggja opp spenningar i musikken. Eit døme er Largo posato e Rondò capriccioso, som Bull spelte fyrste gong i Ständetheater i Praha, i operahuset der W.A. Mozart dryge seksti år føreåt hadde urframført sin Don Giovanni. Bull endra både verk og verknamn fleire gonger dei neste tiåra; i Christiania året etter heitte det Åndehilsen. Men på plata er det altså teke utgangspunkt i den opphavlege 1841-versjonen.
Tom og Jerry
Byrjinga er blytung, med sukkande motiv i treblåsarane over bankande d-moll-akkordar – ein ypparleg start på eit gravferdsstykke, altså. (Somme vil merka likskapen både med den dystre ouverturen til Mozarts nemnde opera og innleiinga til rekviemet hans, som begge også går i d-moll.) Men ingen veit kvar «Bullen» hoppar, for etter at solofiolinen har gripe opp sukkemotivet frå treblåsarane, bykser han fyrst over i eitt heseblesande Tom og Jerry-aktig parti, før han landar på noko cancanaktig, som kunne vore frå ein varietéscene i Paris.
Både solisten Follesø og orkesteret spelar med innleving og overskot på plata. Imponerande er også arbeidet pianisten og komponisten Wolfgang Plagge har gjort med å fullføra ufullstendige parti i partitura.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
CD
Ole Bull:
Stages of Life
Annar Follesø, fiolin; Wolfgang Plagge, klaver; Kringkastingsorkesteret; dir.: Eun Sun Kim. 2L 2020
Å setja seg ned med eit nytt Ole Bull-album er som å bli invitert til ein fleirrettars middag hjå ein eksentrisk herremann. Du veit aldri kva som blir servert eller i kva for rekkjefylgje einskildrettane kjem. Dessutan varierer det gastronomiske nivået på rettane: Russisk kaviar kan bli fylgd av Vesteraalens fiskeboller.
Stages of Life er eit slikt album. Under leiing av den koreanske dirigenten Eun Sun Kim spelar Kringkastingsorkesteret og den briljante fiolinisten Annar Follesø her fem gløymde Bull-verk som har det sams at dei er svært ueinsarta.
Livsfasar
Albumtittelen er henta frå målarstykket på framsida av CD-en, «Livsfasane» av den tyske romantikaren Caspar David Friedrich, som syner menneske og skip i kveldssol ved Austersjø-kysten. Menneska er i kvar sin periode i livet, noko seglskipa speglar att. Er det dei ulike livsfasane Bull var i då han laga stykka på plata, det her blir alludert til? Eller er det dei ulike fasane i «liva» til sjølve stykka? Som utprega improvisasjonsmusikar og utøvarkomponist endra han nemleg ofte komposisjonane sine frå gong til gong, alt etter framføringssituasjonen.
Det einaste me kan venta oss hjå Bull, er altså det uventa. Einskapen og utviklinga av dei kompositoriske ideane hans er annleis enn hjå store romantiske komponistar, til dømes den jamgamle R. Schumann. Bull hadde aldri hatt skikkeleg komposisjonsundervising, men røynsla som utøvar gjorde han god på det å byggja opp spenningar i musikken. Eit døme er Largo posato e Rondò capriccioso, som Bull spelte fyrste gong i Ständetheater i Praha, i operahuset der W.A. Mozart dryge seksti år føreåt hadde urframført sin Don Giovanni. Bull endra både verk og verknamn fleire gonger dei neste tiåra; i Christiania året etter heitte det Åndehilsen. Men på plata er det altså teke utgangspunkt i den opphavlege 1841-versjonen.
Tom og Jerry
Byrjinga er blytung, med sukkande motiv i treblåsarane over bankande d-moll-akkordar – ein ypparleg start på eit gravferdsstykke, altså. (Somme vil merka likskapen både med den dystre ouverturen til Mozarts nemnde opera og innleiinga til rekviemet hans, som begge også går i d-moll.) Men ingen veit kvar «Bullen» hoppar, for etter at solofiolinen har gripe opp sukkemotivet frå treblåsarane, bykser han fyrst over i eitt heseblesande Tom og Jerry-aktig parti, før han landar på noko cancanaktig, som kunne vore frå ein varietéscene i Paris.
Både solisten Follesø og orkesteret spelar med innleving og overskot på plata. Imponerande er også arbeidet pianisten og komponisten Wolfgang Plagge har gjort med å fullføra ufullstendige parti i partitura.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Fleire artiklar
Teikning: May Linn Clement
Historieforvanskingar
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.