Musikk
Irene Tillung i XL-format fungerer
Tillung har teke med seg det sarte melodiske frå trioane sine.
Som proff musikar har Irene Tillung stort sett halde seg til dei intime besetningane. Trioane Maar (med Ellen Brekken og Pernille Frøholm) og Tindra (med Åshild Vetrhus og Jorunn Marie Kvernberg) er båe institusjonar i folkemusikkleiren.
No kastar ho seg ut på djupt vatn. Den som inkje vågar, inkje vinn. Ein tentett med seks strykarar er ikkje ei vanleg besetning. Tillung har skrive og arrangert all musikken. Alle ni komposisjonane har forankring i folkemusikktradisjonar. Det vekslar mellom «lydarslåttar» og det rytmiske – stort sett kjent og kjært, men også litt meir intrikat, som i «Aobakle». Som oftast nyttar Tillung strykarane til å skapa dynamikk og/eller utvida den klanglege paletten, men ho kan òg nytta delar av orkesteret i nydelege melodiske flettverk, som i den elegant oppbygde «Djerve steg» og den vemodige «Neomarsj», der Pål Hausken syner kvifor han er eit naturleg val på trommer til slik musikk.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
