Hylling til klassisk jazzkvartett
Cecilie Grundt har funne ein perfekt makker i Vigleik Storaas.
Cecilie Grundt har ein Getz-liknande tone i tenorsaksofonen.
Foto: Torgrim Melhuus
Jazz
Cecilie Grundt:
Order And Chaos
Cecilie Grundt, saksofon; Vigleik Storaas, piano; David Andersson, bass; Martin Mellem, trommer.
AMP Music & Records AT065
Det er lite kaos på Cecilie Grundts andre utgjeving i eige namn. Materialet kan rubriserast som moderne mainstream. Ho har komponert sju av dei åtte låtane, og alle kan seiast å vera inspirerte av musikken til legender som John Coltrane, Wayne Shorter, Sonny Rollins og Joe Henderson, og det desse gjorde på Blue Note og Impulse på 1960-talet. Plata er ei hylling til den klassiske jazzkvartetten, ei verdig hylling, kan ein leggja til.
Sjølv om Grundt har skrive mange flotte, tidstypiske låtar, så er fundamentet låtane skapar for improvisasjon, det mest verdfulle. Grundt og Storaas har ein herleg kjemi. Dei er lyttande, held tilbake og går aldri i vegen for kvarandre. Likevel er dei til tider intrikat og alltid smakfullt samhandlande. I den Henderson-inspirerte «Hypnosia» sprudlar det av samspelet mellom dei to. Her slepp også trommeslagar Mellem til, men rollen hans er til liks med bassist Andersson å halda pulsen i gang. Det gjer dei på drivande, men diskré vis.
Grundt er ein fin melodikar med ein matt Getz-liknande tone i tenorsaksen. Ho har alt anna enn ein ekstrovert spelestil. Likevel fangar ho og held merksemda mi på sitt stillfarne vis. Order And Chaos er fleire hakk opp frå debutplata.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Cecilie Grundt:
Order And Chaos
Cecilie Grundt, saksofon; Vigleik Storaas, piano; David Andersson, bass; Martin Mellem, trommer.
AMP Music & Records AT065
Det er lite kaos på Cecilie Grundts andre utgjeving i eige namn. Materialet kan rubriserast som moderne mainstream. Ho har komponert sju av dei åtte låtane, og alle kan seiast å vera inspirerte av musikken til legender som John Coltrane, Wayne Shorter, Sonny Rollins og Joe Henderson, og det desse gjorde på Blue Note og Impulse på 1960-talet. Plata er ei hylling til den klassiske jazzkvartetten, ei verdig hylling, kan ein leggja til.
Sjølv om Grundt har skrive mange flotte, tidstypiske låtar, så er fundamentet låtane skapar for improvisasjon, det mest verdfulle. Grundt og Storaas har ein herleg kjemi. Dei er lyttande, held tilbake og går aldri i vegen for kvarandre. Likevel er dei til tider intrikat og alltid smakfullt samhandlande. I den Henderson-inspirerte «Hypnosia» sprudlar det av samspelet mellom dei to. Her slepp også trommeslagar Mellem til, men rollen hans er til liks med bassist Andersson å halda pulsen i gang. Det gjer dei på drivande, men diskré vis.
Grundt er ein fin melodikar med ein matt Getz-liknande tone i tenorsaksen. Ho har alt anna enn ein ekstrovert spelestil. Likevel fangar ho og held merksemda mi på sitt stillfarne vis. Order And Chaos er fleire hakk opp frå debutplata.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?