Honky Tonk-mannen
Harald Thune har spelt inn dei beste songane sine på ny.
Harald Thune har fått med seg eit A-lag i studio.
Foto: Haraldthune.no
Country / Americana
HARALD THUNE:
The Backbounceability of Humans
FAJo Music
Når ein ball sprett tilbake, heiter det på engelsk «to bounce back». Den som reiser seg raskt etter å ha gått på ein smell, har backbounceability. Thune har gått på ein og annan smell, men no slår han tilbake.
Heilt sidan han i trettenårsalderen spelte Johnny Cash-låtar på Nesodden, har Thune halde Cash-fana høgt. I roots- og americanamiljøet i Oslo sidan åttitalet og på klubbane i Live Music Capital of the World, Austin i Texas. Denny Freeman frå Austin, bandleiar for Bob Dylan tidleg på 2000-talet, sa ein gong til meg: «Harold Toon from Oslo. He’s good!»
Men Thune har enno ikkje slått igjennom som plateartist.
På sitt sjette album sidan debuten i 1994 har han plukka ut dei beste songane han har skrive, spelt dei inn på ny og med meir tidsmessig retrosound. Med seg i studio har han musikarar frå det norske A-laget, med Raga Rockers-gitaristen Eivind Staxrud i spissen. Staxrud er samstundes produsent saman med Kai Andersen, eigaren av Athletic Sound Studio i Halden, der plata er spelt inn.
Gitarlyden er herleg twangy. Richard Gjems på munnspel gir ein bluesaura til plata, og det eminente steelgitarspelet kjem frå Tore Blesterud, som har falle ut av krediteringa. Det har ikkje skjedd med Rita Eriksen, kvinnerøysta i den sterke duetten «Mr. & Mrs.».
Rett inn i sjangeren til Conway Twitty og Loretta Lynn med tåredrypande songar om tapt kjærleik, utruskap og alkoholisme:
«I couldn’t care less, if you stayed in the bar/ I couldn’t care less, if you got run over by a car/ I couldn’t care less/ if you stopped bein’ my man.»
Til takta av ein Texas Waltz i mjuk musikalsk innpakking blir desperasjonen svarthumoristisk.
Plata vekslar mellom det vare og det røffe. I det rockabillyaktige opningssporet «Hello Trouble» endar vår mann i baren med «…Hello bartender, my long lost friend/ I fell off the wagon again/ stack ‘em up, I’m goin’ down...». «Mr. Truckdriver» er ein fornikla rockar på veg heim på atten hjul i opptakt til den avsluttande «Vesla». Ein angrande mann som til tonane frå lagnadstunge mariachi-horn har mista alt.
«Så lei meg Vesla, jeg har vært en dårlig fyr/ satt alt det fineste jeg hadde over styr.»
Harald Thune – Mr. Honky Tonk Man i Noreg.
Øyvind Pharo
Øyvind Pharo er forlagsredaktør og fast skribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Country / Americana
HARALD THUNE:
The Backbounceability of Humans
FAJo Music
Når ein ball sprett tilbake, heiter det på engelsk «to bounce back». Den som reiser seg raskt etter å ha gått på ein smell, har backbounceability. Thune har gått på ein og annan smell, men no slår han tilbake.
Heilt sidan han i trettenårsalderen spelte Johnny Cash-låtar på Nesodden, har Thune halde Cash-fana høgt. I roots- og americanamiljøet i Oslo sidan åttitalet og på klubbane i Live Music Capital of the World, Austin i Texas. Denny Freeman frå Austin, bandleiar for Bob Dylan tidleg på 2000-talet, sa ein gong til meg: «Harold Toon from Oslo. He’s good!»
Men Thune har enno ikkje slått igjennom som plateartist.
På sitt sjette album sidan debuten i 1994 har han plukka ut dei beste songane han har skrive, spelt dei inn på ny og med meir tidsmessig retrosound. Med seg i studio har han musikarar frå det norske A-laget, med Raga Rockers-gitaristen Eivind Staxrud i spissen. Staxrud er samstundes produsent saman med Kai Andersen, eigaren av Athletic Sound Studio i Halden, der plata er spelt inn.
Gitarlyden er herleg twangy. Richard Gjems på munnspel gir ein bluesaura til plata, og det eminente steelgitarspelet kjem frå Tore Blesterud, som har falle ut av krediteringa. Det har ikkje skjedd med Rita Eriksen, kvinnerøysta i den sterke duetten «Mr. & Mrs.».
Rett inn i sjangeren til Conway Twitty og Loretta Lynn med tåredrypande songar om tapt kjærleik, utruskap og alkoholisme:
«I couldn’t care less, if you stayed in the bar/ I couldn’t care less, if you got run over by a car/ I couldn’t care less/ if you stopped bein’ my man.»
Til takta av ein Texas Waltz i mjuk musikalsk innpakking blir desperasjonen svarthumoristisk.
Plata vekslar mellom det vare og det røffe. I det rockabillyaktige opningssporet «Hello Trouble» endar vår mann i baren med «…Hello bartender, my long lost friend/ I fell off the wagon again/ stack ‘em up, I’m goin’ down...». «Mr. Truckdriver» er ein fornikla rockar på veg heim på atten hjul i opptakt til den avsluttande «Vesla». Ein angrande mann som til tonane frå lagnadstunge mariachi-horn har mista alt.
«Så lei meg Vesla, jeg har vært en dårlig fyr/ satt alt det fineste jeg hadde over styr.»
Harald Thune – Mr. Honky Tonk Man i Noreg.
Øyvind Pharo
Øyvind Pharo er forlagsredaktør og fast skribent i Dag og Tid.
Fleire artiklar
Foto: NTB
«Arne Paasche Aasen var ein av dei mest produktive poetane i Noreg.»
Denne havsvala har fått ring kring beinet og skal snart flyge av garde. Mykje står att å lære om arten, som særleg sjømenn har møtt inntil nyleg.
Foto: Lars Tore Mubalegh-Håvardsholm
Julefuglen i augustnatta
Havsvala tel blant dei minste sjøfuglane i verda. Ho er omtrent stor som ein sporv, men kan leve lenger enn tretti år.
Angela Merkel vart forbundskanslar i 2005.
Foto: Michael Sohn / AP / NTB
Angela Merkel har mykje å læra oss om korleis politikk vert hamra ut – med fornuft.
Finansminister og leiar for Senterpartiet Trygve Slagsvold Vedum på landsstyremøtet i år. Partiet har falle kraftig på dei nyaste meiningsmålingane.
Foto: Thomas Fure / NTB
– Populisme er ikkje noko å vere redd for
Trass i dårlege meiningsmålingar har statssekretær Skjalg Fjellheim trua på at Senterpartiet har den beste politikken for Noreg.
Ein mann trakkar på ein plakat av Bashar al-Assad i Damaskus.
Foto: Amr Abdallah Dalsh / Reuters / NTB
Uviss lagnad for Syria
Det store spørsmålet no er kva som vil skje framover i Syria, etter at opposisjonen overraskande fort tok over heile det regimekontrollerte Syria nesten utan militær motstand.
Papiravisa