Helsing Mark
Mark Kozelek har laga plate saman med Petra Haden.
Gitarist, songar og plateprodusent Mark Kozelek har komponert mesteparten av musikken på albumet saman med fiolinist og songar Petra Haden.
Foto: Caldo Verde Records
Rock
Mark Kozelek og Petra Haden:
Joey Always Smiled
Caldo Verde / Border
«Parakeet Prison», opningssporet på det nye albumet Joey Always Smiled, stadfestar eit inntrykk som har gjort seg gjeldande i seinare år, nemleg at Mark Kozelek no ser vel så mykje på seg sjølv som ein forteljar som ein låtskrivar eller songar.
Snakkesong
Kozelek er nemleg i endå større grad enn før som ein fritt assosierande kronikør over veven av tankar og minne som utgjer eit menneskeliv. Han kan bryte ut i song, men mykje av tida snakkar han, rett og slett, og går slik inn i ein rik rocketradisjon av «snakkesong».
Dette er eit uttrykk Kozelek meistrar til fulle, for sjølv om «Parakeet Prison» klokkar inn på snart 17 minutt, sporar det aldri heilt av, og dei indre samanhengane mellom det som vert fortalt, kjennest motiverte, tydelege og rette. Nok ein gong vekslar Kozelek mellom det (svart) humoristiske og det melankolske, og det ganske så saumlaust, slik at lyttaren får vere med på noko av ei kjenslemessig reise innanfor dei vide rammene av ein såpass omfangsrik komposisjon.
Sjølv om Kozelek har skrive alle tekstane på Joey Always Smiled sjølv, med unntak av ein eksotisk og radikal coverversjon av Huey Lewis-hiten «The Power of Love», er mesteparten av musikken denne gongen komponert saman med Petra Haden, som også er med som vokalist. Godt er det, for elles kunne det ha vorte i overkant mykje Kozelek. Haden er ein markant musikar og vokalist.
Joey Always Smiled er i det heile prega av få, men viktige, samarbeid, og akkurat «Parakeet Prison» er det Ben Boye, som er med på tangentar og trommemaskiner på albumet, som har laga musikken til. Sentral for låten er også skodespelaren Kevin Corrigan, som vert invitert inn mot slutten for også å fortelje, eit grep som fungerer godt.
Livet på vegen
I aukande grad framstår Kozeleks musikalske prosjekt med dette også som dokumentasjon, som ein rapport frå livet på vegen. Joey Always Smiled er spelt inn over ein periode på to år, i fjor og i år, i heile sju byar, og har dermed noko omflakkande ved seg, som om det var ei samling postkort eller telefonsamtalar det dreidde seg om. Materialet er ekspansivt: fantastiske «1983 Era MTV is the Soundtrack to Outcasts Being Bullied by Jocks» får vare i nesten 20 minutt, og det er ikkje ofte ei plate med sju songar har ei samla speletid på vel 70 minutt.
Ein kan lett sjå føre seg at nett det fort kunne ha vorte eit problem, men når det dreier seg om ein forteljar av Kozeleks kaliber, vert det likevel ikkje det. Kanskje etablerer han likevel ein ny måte å lytte på, med platene han lagar for tida. Å gå med Joey Always Smiled på øyra er litt som å gå og lytte til ei lydbok, ei som er rik på både anekdotar og refleksjon, og då har vel artisten fått det slik han ville.
Øyvind Vågnes
Øyvind Vågnes er forfattar og fast musikkskribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock
Mark Kozelek og Petra Haden:
Joey Always Smiled
Caldo Verde / Border
«Parakeet Prison», opningssporet på det nye albumet Joey Always Smiled, stadfestar eit inntrykk som har gjort seg gjeldande i seinare år, nemleg at Mark Kozelek no ser vel så mykje på seg sjølv som ein forteljar som ein låtskrivar eller songar.
Snakkesong
Kozelek er nemleg i endå større grad enn før som ein fritt assosierande kronikør over veven av tankar og minne som utgjer eit menneskeliv. Han kan bryte ut i song, men mykje av tida snakkar han, rett og slett, og går slik inn i ein rik rocketradisjon av «snakkesong».
Dette er eit uttrykk Kozelek meistrar til fulle, for sjølv om «Parakeet Prison» klokkar inn på snart 17 minutt, sporar det aldri heilt av, og dei indre samanhengane mellom det som vert fortalt, kjennest motiverte, tydelege og rette. Nok ein gong vekslar Kozelek mellom det (svart) humoristiske og det melankolske, og det ganske så saumlaust, slik at lyttaren får vere med på noko av ei kjenslemessig reise innanfor dei vide rammene av ein såpass omfangsrik komposisjon.
Sjølv om Kozelek har skrive alle tekstane på Joey Always Smiled sjølv, med unntak av ein eksotisk og radikal coverversjon av Huey Lewis-hiten «The Power of Love», er mesteparten av musikken denne gongen komponert saman med Petra Haden, som også er med som vokalist. Godt er det, for elles kunne det ha vorte i overkant mykje Kozelek. Haden er ein markant musikar og vokalist.
Joey Always Smiled er i det heile prega av få, men viktige, samarbeid, og akkurat «Parakeet Prison» er det Ben Boye, som er med på tangentar og trommemaskiner på albumet, som har laga musikken til. Sentral for låten er også skodespelaren Kevin Corrigan, som vert invitert inn mot slutten for også å fortelje, eit grep som fungerer godt.
Livet på vegen
I aukande grad framstår Kozeleks musikalske prosjekt med dette også som dokumentasjon, som ein rapport frå livet på vegen. Joey Always Smiled er spelt inn over ein periode på to år, i fjor og i år, i heile sju byar, og har dermed noko omflakkande ved seg, som om det var ei samling postkort eller telefonsamtalar det dreidde seg om. Materialet er ekspansivt: fantastiske «1983 Era MTV is the Soundtrack to Outcasts Being Bullied by Jocks» får vare i nesten 20 minutt, og det er ikkje ofte ei plate med sju songar har ei samla speletid på vel 70 minutt.
Ein kan lett sjå føre seg at nett det fort kunne ha vorte eit problem, men når det dreier seg om ein forteljar av Kozeleks kaliber, vert det likevel ikkje det. Kanskje etablerer han likevel ein ny måte å lytte på, med platene han lagar for tida. Å gå med Joey Always Smiled på øyra er litt som å gå og lytte til ei lydbok, ei som er rik på både anekdotar og refleksjon, og då har vel artisten fått det slik han ville.
Øyvind Vågnes
Øyvind Vågnes er forfattar og fast musikkskribent i Dag og Tid.
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?