Hegge gjer det igjen
Revitalisert 60-talsjazz spekka med solistiske godbitar.
Jazz
Hegge
Feeling
Jonas Kullhammar, tenorsaks; Martin Myhre Olsen, alt- og sopransaks; Vigleik Storaas, piano; Bjørn Marius Hegge, bass; Håkon Mjåset Johansen, trommer. PARTICULAR RECORDINGS COLLECTIVE p!26
Debuten til kvintetten Hegge, Vi är ledsna men du får inte längre vara barn (2017), vekte oppsikt. Utgjevinga vann Spellemannprisen det året. Oppfølgjaren er ute no, og oppskrifta er som sist: seks komposisjonar av bassist og bandleiar Bjørn Marius Hegge som hentar inspirasjon frå både souljazzen og Ornette Coleman på 60-talet, Keith Jarretts kvartettar på 70-talet og Louis Moholo og andre sørafrikanarar frå det legendariske bandet The Blue Notes. I tillegg har dei med ein ballade av både Storaas og Kullhammar. Det er godt med kvilepuls innimellom.
Humoren er aldri langt unna hjå Hegge, enten det er snakk om ein liten vri på tema, arrangementsdetaljar, plateomslag eller låttitlar, men det er med stort alvor dei går laus på materialet, og her er vidt rom for improvisasjon. Dei leverer så det gneistrar ved kvart høve. Dei to saksofonistane er oftast i elden, naturlegvis. Båe saksofonistane briljerer på «New Bromance» og «Bouncing With Myself», og Storaas har fleire gylne augneblinkar, men er på sitt aller mest overtydande i tittelkuttet og ikkje minst «Changes No Time». Hegge har eit fint kor på «9-16» og «Changes No Time», men elles utgjer han eit perfekt komp saman med Mjåset Johansen. Ingen svingar så elegant og uanstrengt som Mjåset Johansen, og det gjer han også her.
Ein blir i godt humør av å høyra på Hegge.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Hegge
Feeling
Jonas Kullhammar, tenorsaks; Martin Myhre Olsen, alt- og sopransaks; Vigleik Storaas, piano; Bjørn Marius Hegge, bass; Håkon Mjåset Johansen, trommer. PARTICULAR RECORDINGS COLLECTIVE p!26
Debuten til kvintetten Hegge, Vi är ledsna men du får inte längre vara barn (2017), vekte oppsikt. Utgjevinga vann Spellemannprisen det året. Oppfølgjaren er ute no, og oppskrifta er som sist: seks komposisjonar av bassist og bandleiar Bjørn Marius Hegge som hentar inspirasjon frå både souljazzen og Ornette Coleman på 60-talet, Keith Jarretts kvartettar på 70-talet og Louis Moholo og andre sørafrikanarar frå det legendariske bandet The Blue Notes. I tillegg har dei med ein ballade av både Storaas og Kullhammar. Det er godt med kvilepuls innimellom.
Humoren er aldri langt unna hjå Hegge, enten det er snakk om ein liten vri på tema, arrangementsdetaljar, plateomslag eller låttitlar, men det er med stort alvor dei går laus på materialet, og her er vidt rom for improvisasjon. Dei leverer så det gneistrar ved kvart høve. Dei to saksofonistane er oftast i elden, naturlegvis. Båe saksofonistane briljerer på «New Bromance» og «Bouncing With Myself», og Storaas har fleire gylne augneblinkar, men er på sitt aller mest overtydande i tittelkuttet og ikkje minst «Changes No Time». Hegge har eit fint kor på «9-16» og «Changes No Time», men elles utgjer han eit perfekt komp saman med Mjåset Johansen. Ingen svingar så elegant og uanstrengt som Mjåset Johansen, og det gjer han også her.
Ein blir i godt humør av å høyra på Hegge.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.