Gitarspel i postapokalypsen
Musikken i Sonys storsatsing byd på ambient og gitarbasert americana.
Filmmusikk
Gustavo Santaolalla og Mac
Quayle:
The Last Of Us Part II (original soundtrack)
Sony
Spelet The Last Of Us Part II byd på ein unik spelmekanikk, nemleg det å lære å spele kassegitar. Om lag ein gong per akt i den intense, interaktive soga lyt ein legge gevær og granatar bort, ta gitaren fatt og sveipe og gnukke på berøringsdelen av handkontrollen medan ein vel akkordar med ein av styrespakane. Ikkje så rart, då, kanskje, at musikken til spelet har blitt vurdert ei separat utgjeving verdig.
Musikken er komponert av Mac Quayle, kjend for musikken i sci-fi-serien Mr. Robot, og argentinske Gustavo Santaolalla, som står bak musikken i filmar som Brokeback Mountain og Babel. Sistnemnde bidreg med gitarorientert, ørkenaktige americana-musikk, gjerne med steelgitar, banjo eller fele i bakgrunnen. Quayle durar på med bekmørk og basstung orkesterambient som resonerer i veggar og ristande vindaugsruter, og dei to stilane sklir inn i kvarandre på dystert harmonisk vis.
Soga i spelet resonerer òg med tida vi lever i, og er langt på veg eit framifrå døme på korleis spel kan vere eit rikt og annleis medium for historieforteljing. Det heile går føre seg i ei framtid der eit virus som påverkar nervesystemet (som det òg ser ut til at koronaviruset kan gjere uavhengig av alder og helsetilstand), har ramma brorparten av menneskeætta og drepe eller gjort dei om til deformerte zombie-aktige monstrum, og dei gjenlevande lever i uforsonlege politiske og religiøse fraksjonar, tragisk nok med parallellar til røynda.
Diverre inneheld spelet òg nokre svært uheldige analogiar til Palestina–Israel-konflikten som syner korleis ubevisste fordommar kan snike seg inn i eit kreativt verk og sulke det til. Forfattar-regissøren er, ikkje tilfeldig, eksil-israelsk. Musikken, på si side, er det ikkje noko gale med.
Rasmus Hungnes
Rasmus Hungnes er musikar, kunstnar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Filmmusikk
Gustavo Santaolalla og Mac
Quayle:
The Last Of Us Part II (original soundtrack)
Sony
Spelet The Last Of Us Part II byd på ein unik spelmekanikk, nemleg det å lære å spele kassegitar. Om lag ein gong per akt i den intense, interaktive soga lyt ein legge gevær og granatar bort, ta gitaren fatt og sveipe og gnukke på berøringsdelen av handkontrollen medan ein vel akkordar med ein av styrespakane. Ikkje så rart, då, kanskje, at musikken til spelet har blitt vurdert ei separat utgjeving verdig.
Musikken er komponert av Mac Quayle, kjend for musikken i sci-fi-serien Mr. Robot, og argentinske Gustavo Santaolalla, som står bak musikken i filmar som Brokeback Mountain og Babel. Sistnemnde bidreg med gitarorientert, ørkenaktige americana-musikk, gjerne med steelgitar, banjo eller fele i bakgrunnen. Quayle durar på med bekmørk og basstung orkesterambient som resonerer i veggar og ristande vindaugsruter, og dei to stilane sklir inn i kvarandre på dystert harmonisk vis.
Soga i spelet resonerer òg med tida vi lever i, og er langt på veg eit framifrå døme på korleis spel kan vere eit rikt og annleis medium for historieforteljing. Det heile går føre seg i ei framtid der eit virus som påverkar nervesystemet (som det òg ser ut til at koronaviruset kan gjere uavhengig av alder og helsetilstand), har ramma brorparten av menneskeætta og drepe eller gjort dei om til deformerte zombie-aktige monstrum, og dei gjenlevande lever i uforsonlege politiske og religiøse fraksjonar, tragisk nok med parallellar til røynda.
Diverre inneheld spelet òg nokre svært uheldige analogiar til Palestina–Israel-konflikten som syner korleis ubevisste fordommar kan snike seg inn i eit kreativt verk og sulke det til. Forfattar-regissøren er, ikkje tilfeldig, eksil-israelsk. Musikken, på si side, er det ikkje noko gale med.
Rasmus Hungnes
Rasmus Hungnes er musikar, kunstnar og fast musikkmeldar i Dag og Tid.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.