Gamalt på nytt
Jeff Goldblum byr på heller tannlaust kjendiseri i swingjazzformat.
Jazz
Jeff Goldblum & The Mildred Snitzer
Orchestra:
The Capitol Studio
Sessions
Decca / Universal
Jeff Goldblum har visstnok spelt jamleg med swingjazzorkesteret sitt på ein bar i Los Angeles i eit par tiår, men debutplata kom først ut no nettopp. Her er det hovudsakleg pianotangentane den kjende skodespelaren trakterer. Unntaket er på «Me And My Shadow», ein standardlåt som kan hende er mest kjend i Rat Packs versjon frå 1962, og i denne nostalgiens høgtid, jola, er faktisk «Christmas with the Rat Pack», saman med Ella Fitzgeralds «A Swinging Christmas» og Vince Guaraldis Knøttene-jolesongar, på lista over denne meldarens mogelegvis litt skuldige gleder. Elles i året blir det ikkje mykje swing på desse trommehinnene, så kvifor ikkje nytte høvet til å undersøkje kva den 66 år gamle kjendisen har å bidra med til dette fossilet av ein musikksjanger?
Jau, godtokke, er svaret. Det er tale om ein «live i studio»-affære, komplett med applaus, latter og kvasikomisk koseprat innimellom nye (men knapt nyskapande) versjonar av velkjende standardlåtar. Sjølv om mykje av salsargumentet er «sjå, han kan spele piano òg», er det ikkje virtuositet Goldblum er ute etter å vise fram her.
Og det er like greitt – dette er enkelt og greitt ei rekke kjende låtar framførte med ein kjendis som bandleiar. Mot slutten av «Me And My Shadow»-nummeret knurrar Jurassic Park-stjerna som ein nusseleg, liten dinosaur, men det er ikkje til å kome bort frå at dette er heller tannlause greier. Det var vel ikkje anna å vente heller. Originalitet får ein leite etter annanstads.
Rasmus Hungnes
Rasmus Hungnes er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Jeff Goldblum & The Mildred Snitzer
Orchestra:
The Capitol Studio
Sessions
Decca / Universal
Jeff Goldblum har visstnok spelt jamleg med swingjazzorkesteret sitt på ein bar i Los Angeles i eit par tiår, men debutplata kom først ut no nettopp. Her er det hovudsakleg pianotangentane den kjende skodespelaren trakterer. Unntaket er på «Me And My Shadow», ein standardlåt som kan hende er mest kjend i Rat Packs versjon frå 1962, og i denne nostalgiens høgtid, jola, er faktisk «Christmas with the Rat Pack», saman med Ella Fitzgeralds «A Swinging Christmas» og Vince Guaraldis Knøttene-jolesongar, på lista over denne meldarens mogelegvis litt skuldige gleder. Elles i året blir det ikkje mykje swing på desse trommehinnene, så kvifor ikkje nytte høvet til å undersøkje kva den 66 år gamle kjendisen har å bidra med til dette fossilet av ein musikksjanger?
Jau, godtokke, er svaret. Det er tale om ein «live i studio»-affære, komplett med applaus, latter og kvasikomisk koseprat innimellom nye (men knapt nyskapande) versjonar av velkjende standardlåtar. Sjølv om mykje av salsargumentet er «sjå, han kan spele piano òg», er det ikkje virtuositet Goldblum er ute etter å vise fram her.
Og det er like greitt – dette er enkelt og greitt ei rekke kjende låtar framførte med ein kjendis som bandleiar. Mot slutten av «Me And My Shadow»-nummeret knurrar Jurassic Park-stjerna som ein nusseleg, liten dinosaur, men det er ikkje til å kome bort frå at dette er heller tannlause greier. Det var vel ikkje anna å vente heller. Originalitet får ein leite etter annanstads.
Rasmus Hungnes
Rasmus Hungnes er musikar og fast musikkmeldar i Dag og Tid.
Fleire artiklar
Foto: NTB
«Arne Paasche Aasen var ein av dei mest produktive poetane i Noreg.»
Denne havsvala har fått ring kring beinet og skal snart flyge av garde. Mykje står att å lære om arten, som særleg sjømenn har møtt inntil nyleg.
Foto: Lars Tore Mubalegh-Håvardsholm
Julefuglen i augustnatta
Havsvala tel blant dei minste sjøfuglane i verda. Ho er omtrent stor som ein sporv, men kan leve lenger enn tretti år.
Angela Merkel vart forbundskanslar i 2005.
Foto: Michael Sohn / AP / NTB
Angela Merkel har mykje å læra oss om korleis politikk vert hamra ut – med fornuft.
Finansminister og leiar for Senterpartiet Trygve Slagsvold Vedum på landsstyremøtet i år. Partiet har falle kraftig på dei nyaste meiningsmålingane.
Foto: Thomas Fure / NTB
– Populisme er ikkje noko å vere redd for
Trass i dårlege meiningsmålingar har statssekretær Skjalg Fjellheim trua på at Senterpartiet har den beste politikken for Noreg.
Ein mann trakkar på ein plakat av Bashar al-Assad i Damaskus.
Foto: Amr Abdallah Dalsh / Reuters / NTB
Uviss lagnad for Syria
Det store spørsmålet no er kva som vil skje framover i Syria, etter at opposisjonen overraskande fort tok over heile det regimekontrollerte Syria nesten utan militær motstand.
Papiravisa