Frisk musikk frå svenskegrensa
Engerdal byr på effektivt samspel mellom fele og munnspel/trøorgel i dansemusikken.
FOLKEMUSIKK
Lillebo & Stubsveen:
Engerdal
Ta:lik
Heilt aust i Østerdalen, på grensa til Sverige, ligg Engerdal. Ikkje det mest kjende folkemusikkområdet for dei fleste av oss, men med denne plata får det rike musikklivet i dalen velfortent merksemd.
Unge musikarar
Dei unge musikarane Sigrid Stubsveen (fele) og Anders Lillebo (munnspel og trøorgel) vidarefører dansemusikk som dei har henta frå mellom anna O.M. Sandviks bok Østerdalsmusikken og arkivopptak. Dei spelar både eldre dansetypar som polsk og runnom, runddansmusikk og eit par bruremarsjar.
I motsetnad til mange yngre musikarar som lagar samspelsversjonar av folkemusikk, finst det ikkje lån frå andre stilartar her. Det er slåttane i rein form som vert spela, utan improvisasjonar eller mellomspel. Anten Lillebo spelar munnspel eller trøorgel, har han utforma arrangementa slik at dei ligg tett opp til det rytmiske og harmoniske som alt ligg i felespelet. Dei to instrumenta høyrest slik sett ut som ei stor fele med utvida klangspekter. Fottrampinga er tydeleg høyrleg og understrekar det sterke rytmiske aspektet ved musikken.
Eldre kjelder
I staden for å gjera folkemusikken til konsertmusikk, eller ei slags kunstform, er dette spel som held seg tett opp til framføringsmåtane til eldre kjelder, og som er effektiv dansemusikk. Men likevel er det gjevande å lyda på utan å dansa til, for det er heile tida snakk om velspelte og gode melodiar.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
FOLKEMUSIKK
Lillebo & Stubsveen:
Engerdal
Ta:lik
Heilt aust i Østerdalen, på grensa til Sverige, ligg Engerdal. Ikkje det mest kjende folkemusikkområdet for dei fleste av oss, men med denne plata får det rike musikklivet i dalen velfortent merksemd.
Unge musikarar
Dei unge musikarane Sigrid Stubsveen (fele) og Anders Lillebo (munnspel og trøorgel) vidarefører dansemusikk som dei har henta frå mellom anna O.M. Sandviks bok Østerdalsmusikken og arkivopptak. Dei spelar både eldre dansetypar som polsk og runnom, runddansmusikk og eit par bruremarsjar.
I motsetnad til mange yngre musikarar som lagar samspelsversjonar av folkemusikk, finst det ikkje lån frå andre stilartar her. Det er slåttane i rein form som vert spela, utan improvisasjonar eller mellomspel. Anten Lillebo spelar munnspel eller trøorgel, har han utforma arrangementa slik at dei ligg tett opp til det rytmiske og harmoniske som alt ligg i felespelet. Dei to instrumenta høyrest slik sett ut som ei stor fele med utvida klangspekter. Fottrampinga er tydeleg høyrleg og understrekar det sterke rytmiske aspektet ved musikken.
Eldre kjelder
I staden for å gjera folkemusikken til konsertmusikk, eller ei slags kunstform, er dette spel som held seg tett opp til framføringsmåtane til eldre kjelder, og som er effektiv dansemusikk. Men likevel er det gjevande å lyda på utan å dansa til, for det er heile tida snakk om velspelte og gode melodiar.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.