Fridom og sjølvdisiplin
Truverdig blanding av impulsar frå indisk tradisjonsmusikk og vestleg alternativ musikk.
Torstein Lavik Larsen og Fredrik Rasten er duoen Pip.
Pressefoto
Samtidsmusikk
Pip:
Possible Worlds
Sofa
For tida kjem det ut mykje ny musikk som er samansett av element frå ulike stilartar. Ofte er det noko søkt over desse eksperimenta og samanblandingane, og dei er slett ikkje alltid vellukka.
Den norske duoen Pip, som er Torstein Lavik Larsen på trompet, samplar og synth og Fredrik Rasten på gitarar og elektronikk, har òg henta med seg litt av kvart frå den mangfaldige musikalske verda: Improvisasjon er ein viktig arbeidsmetode, men ikkje som i jazz eller rock, der improvisasjonen ofte er virtuos og poserande. Strukturmessig kan dette minna om minimalisme, men er meir flytande og mindre hektisk en den notebaserte minimalismen. Her er mykje som kan minna om Brian Enos ambient, men likevel mykje som gjer at det læt annleis. Her er stillferdig trompet og reinstemte gitarar tydeleg til stades i lydbiletet. Musikken er stillferdig, men ikkje utflytande. Det er stramt komponert, men ikkje strengt og hektisk.
Plata inneheld eitt timelangt spor, innspelt i eitt strekk utan pålegg eller vesentlege endringar. Ved å lyda på denne plata vert ein del av ein musikalsk tilstand der ting endrar seg langsamt utan dramatiske brot. Ein kan nytta slik musikk på ulike vis. Anten kan ein gje seg over til det draumeaktige og søvndyssande, eller ein kan nyta dei små detaljane og langsame endringane, på same måten som når ein ser «sakte-TV» eller byrjar å studera detaljar i eit naturfenomen.
Pip, det vil seie Larsen og Rasten, meistrar den vanskelege balansegangen det er å laga musikk som er behageleg og mjuk samstundes som han er stramt komponert. Dessutan er det ein fin balanse mellom det attkjennelege – til dømes lyden av trompet eller gitar – og lydar ein ikkje utan vidare kan kategorisera.
Sigbjørn Apeland
Sigbjørn Apeland er musikar, musikkvitar og fast musikk
meldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Samtidsmusikk
Pip:
Possible Worlds
Sofa
For tida kjem det ut mykje ny musikk som er samansett av element frå ulike stilartar. Ofte er det noko søkt over desse eksperimenta og samanblandingane, og dei er slett ikkje alltid vellukka.
Den norske duoen Pip, som er Torstein Lavik Larsen på trompet, samplar og synth og Fredrik Rasten på gitarar og elektronikk, har òg henta med seg litt av kvart frå den mangfaldige musikalske verda: Improvisasjon er ein viktig arbeidsmetode, men ikkje som i jazz eller rock, der improvisasjonen ofte er virtuos og poserande. Strukturmessig kan dette minna om minimalisme, men er meir flytande og mindre hektisk en den notebaserte minimalismen. Her er mykje som kan minna om Brian Enos ambient, men likevel mykje som gjer at det læt annleis. Her er stillferdig trompet og reinstemte gitarar tydeleg til stades i lydbiletet. Musikken er stillferdig, men ikkje utflytande. Det er stramt komponert, men ikkje strengt og hektisk.
Plata inneheld eitt timelangt spor, innspelt i eitt strekk utan pålegg eller vesentlege endringar. Ved å lyda på denne plata vert ein del av ein musikalsk tilstand der ting endrar seg langsamt utan dramatiske brot. Ein kan nytta slik musikk på ulike vis. Anten kan ein gje seg over til det draumeaktige og søvndyssande, eller ein kan nyta dei små detaljane og langsame endringane, på same måten som når ein ser «sakte-TV» eller byrjar å studera detaljar i eit naturfenomen.
Pip, det vil seie Larsen og Rasten, meistrar den vanskelege balansegangen det er å laga musikk som er behageleg og mjuk samstundes som han er stramt komponert. Dessutan er det ein fin balanse mellom det attkjennelege – til dømes lyden av trompet eller gitar – og lydar ein ikkje utan vidare kan kategorisera.
Sigbjørn Apeland
Sigbjørn Apeland er musikar, musikkvitar og fast musikk
meldar i Dag og Tid.
Fleire artiklar
Isbilar er ikkje noko nytt, men heller ikkje nokon garanti for kvalitet.
Foto via Wikimedia Commons
Isbilen spelar høgt, men taper på kvalitet.
Kor mykje vatn er det eigentleg mogleg å ha i ein iskrem og framleis få han til å likne ein fløyteis?
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.