Frenetisk sentimentalitet
Squarepusher lagar nostalgimusikk med analogt utstyr.
Squarepusher alias Tom Jenkinson.
Foto: Donald Milne
Elektronisk
Squarepusher:
Be Up A Hello
Warp
Records
Tom Jenkinson, betre kjend som Squarepusher, ein britisk veteran innan elektronisk musikk, har dei siste åra gjennomført ei rekke eksperimentelle prosjekt med andre siktemål enn å få folk til å løfte på dansefoten. Eit døme er livebandet Shobaloader One, som spelte tolkingar av Squarepusher-låtmateriell som ein kanskje skulle ha trudd berre kunne bli framførte av førehandsprogrammert datamaskineri; eit anna er All Night Chroma, laga med pipeorgelet i Royal Festival Hall i London; Solo Electric Bass 1 er ei relativt rolig liveplate spelt inn på Jazz à la Villette-festivalen i 2007.
Retrofuturistisk
På albumet Be Up A Hello har Jenkinson gått tilbake til start og plukka fram att det analoge utstyret han brukte på tidlige plater i 90-åra. Medan opningsspora «Oberlove» og «Hitsonu» har eit sentimentalt preg med fokus på melodi, kunne låta «Nervelevers» («nervespakar») vore lydsporet til ei intens actionscene i ein dystopisk framtidsfilm frå 80-åra. Her er det som om medvitet til lyttaren til dels blir kontrollert lik ein marionett, og dei hektiske synthesizertrillene vert framførte med ryggvirvlane som tangentar og hjernestammen som modulasjonshjul. Balladen «Detroit People Mover» har òg eit distinkt retrofuturistisk preg, men er rørande i kjenslemessig forstand meir enn det som har med dans å gjere.
Medrivande
På Be Up A Hello er det samanstillinga av stundom nærast klisjéaktig, kjenslevart melodisk materiale og det maskinelle og rytmisk frenetiske som står i sentrum. Det kan vere ganske medrivande – dersom ein er i humør til musikk med vekslande stemning.
Rasmus Hungnes
Rasmus Hungnes er kunstnar, trommeslagar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk
Squarepusher:
Be Up A Hello
Warp
Records
Tom Jenkinson, betre kjend som Squarepusher, ein britisk veteran innan elektronisk musikk, har dei siste åra gjennomført ei rekke eksperimentelle prosjekt med andre siktemål enn å få folk til å løfte på dansefoten. Eit døme er livebandet Shobaloader One, som spelte tolkingar av Squarepusher-låtmateriell som ein kanskje skulle ha trudd berre kunne bli framførte av førehandsprogrammert datamaskineri; eit anna er All Night Chroma, laga med pipeorgelet i Royal Festival Hall i London; Solo Electric Bass 1 er ei relativt rolig liveplate spelt inn på Jazz à la Villette-festivalen i 2007.
Retrofuturistisk
På albumet Be Up A Hello har Jenkinson gått tilbake til start og plukka fram att det analoge utstyret han brukte på tidlige plater i 90-åra. Medan opningsspora «Oberlove» og «Hitsonu» har eit sentimentalt preg med fokus på melodi, kunne låta «Nervelevers» («nervespakar») vore lydsporet til ei intens actionscene i ein dystopisk framtidsfilm frå 80-åra. Her er det som om medvitet til lyttaren til dels blir kontrollert lik ein marionett, og dei hektiske synthesizertrillene vert framførte med ryggvirvlane som tangentar og hjernestammen som modulasjonshjul. Balladen «Detroit People Mover» har òg eit distinkt retrofuturistisk preg, men er rørande i kjenslemessig forstand meir enn det som har med dans å gjere.
Medrivande
På Be Up A Hello er det samanstillinga av stundom nærast klisjéaktig, kjenslevart melodisk materiale og det maskinelle og rytmisk frenetiske som står i sentrum. Det kan vere ganske medrivande – dersom ein er i humør til musikk med vekslande stemning.
Rasmus Hungnes
Rasmus Hungnes er kunstnar, trommeslagar og fast musikkmeldar i Dag og Tid.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.