Fredsæl samansmelting
Vilde Tuvs super-sag-synthar og gripande blokkfløytetonar gir ein etterlengta sonisk klem i isolasjonsalderen.
Musikken til Vilde Tuv læt ikkje som noko anna, meiner Rasmus Hungnes.
Foto: Kobie Nel
Elektronisk musikk
Vilde Tuv:
Melting Songs
Poesy
På den spellemannominerte solodebuten D’ meg frå 2016 viste enkeltpersonorkesteret Vilde Tuv den sjeldsynte evna ho har til å veve saman ord og melodiar som rører ved hjartet. På andrealbumet Melting Songs, som kjem ut i dag, har ho lagt stemma til sides og tatt grep om blokkfløyta.
Audmjukt
Tuvs uttrykk er audmjukt og fritt for undertrykkjande perfeksjonisme. Mange av synthesizermelodiane er spelte med super-sag-lydar, ei bølgjeform ein ofte høyrer i euforisk dansemusikk. Lydane har ein intensitet og ei lett skeivstemming som passar – perfekt – til den menneskelege anden i fløytespelet, og sjølv utan ord kommuniserer musikken ei klar kjensle av heilskap og fellesskap.
Friske pust, luftige syntharpeggioar, songbollar og feltopptak frå uana landskap vispar synapsane saman til ein søt og lett medvitssubstans, og lyttaren blir til ein kommunikant under ein elektroorganisk altargang akkompagnert av andektig, altoppslukande ambient.
Unikt
Musikken er unik og læt ikkje heilt som noko anna, men stundom minnast eg Ray Lynchs silkemjuke new age-synthmusikk, Constance Dembys mikstur av klassisk-, tradisjons- og space-musikk, og den guamske hyperpop- og new-age-rapartisten Shamanes leikne lydlappverk.
Omslagsbiletet, ein collage der fossefall og røter er fletta saman, flora og fauna og kropp og skog og sjel blir eitt, hestar vassar i kvist og kvas, og nisseaktige skikkelsar kikar fram frå humusen, er ei treffande visualisering av Melting Songs: ei grenseoppløysande oppleving som gjer meg både god og salig.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk musikk
Vilde Tuv:
Melting Songs
Poesy
På den spellemannominerte solodebuten D’ meg frå 2016 viste enkeltpersonorkesteret Vilde Tuv den sjeldsynte evna ho har til å veve saman ord og melodiar som rører ved hjartet. På andrealbumet Melting Songs, som kjem ut i dag, har ho lagt stemma til sides og tatt grep om blokkfløyta.
Audmjukt
Tuvs uttrykk er audmjukt og fritt for undertrykkjande perfeksjonisme. Mange av synthesizermelodiane er spelte med super-sag-lydar, ei bølgjeform ein ofte høyrer i euforisk dansemusikk. Lydane har ein intensitet og ei lett skeivstemming som passar – perfekt – til den menneskelege anden i fløytespelet, og sjølv utan ord kommuniserer musikken ei klar kjensle av heilskap og fellesskap.
Friske pust, luftige syntharpeggioar, songbollar og feltopptak frå uana landskap vispar synapsane saman til ein søt og lett medvitssubstans, og lyttaren blir til ein kommunikant under ein elektroorganisk altargang akkompagnert av andektig, altoppslukande ambient.
Unikt
Musikken er unik og læt ikkje heilt som noko anna, men stundom minnast eg Ray Lynchs silkemjuke new age-synthmusikk, Constance Dembys mikstur av klassisk-, tradisjons- og space-musikk, og den guamske hyperpop- og new-age-rapartisten Shamanes leikne lydlappverk.
Omslagsbiletet, ein collage der fossefall og røter er fletta saman, flora og fauna og kropp og skog og sjel blir eitt, hestar vassar i kvist og kvas, og nisseaktige skikkelsar kikar fram frå humusen, er ei treffande visualisering av Melting Songs: ei grenseoppløysande oppleving som gjer meg både god og salig.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?