Forseinka helsing
frå L.A.
Isobel Campbell måtte kjempe for å få ut den nye plata si.
Isobel Campbell har flytta frå Glasgow til Los Angeles.
Pressefoto
Rock
Isobel
Campbell:
There Is No Other
Cooking Vinyl
Folk på motorvegen, folk på kjøpesenteret – dei liknar maur på marsj, utan tid å miste.
Det meiner i alle fall Isobel Campbell, i «Ant Life», på det nye albumet There Is No Other. Og så, held ho fram, i siste strofe, frå eine augneblunken til neste, er vi borte: «Remember fun?»
Konflikt
Det er ei stund sidan vi sist høyrde nytt solomateriale frå Campbell. Ho var ikkje meir enn 19 då ho dukka opp i Belle & Sebastian. Rett før tusenårsskiftet tok ho så sin eigen veg og laga to plater under namnet The Gentle Waves, etterfølgt av to soloplater under eige namn, men det har gått 14 år sidan den siste av dei kom ut. Fleire lesarar vil kjenne til samarbeidet med Mark Lanegan på tre album som kom ut i perioden 2006–2010.
Sidan den gong har Campbell flytta frå Glasgow til Los Angeles, gifta seg og arbeidd med dette nye albumet, som frustrerande nok har vorte ståande på vent på grunn av rettslege konfliktar med eit plateselskap, noko som førte henne inn i ei djup krise. Det eldste materialet på dette albumet vart til for ei god stund sidan.
Inspirasjon
There Is No Other er dermed utfallet av ein lang kamp, men det høyrer ein lite av i sjølve musikken, som har noko forsonande mildt og drøymande over seg. Om nokon kjem til å strekkje seg etter ordet «meditativt», er dei heller ikkje på villspor, for pressemeldinga som følgjer utgivinga, kan fortelje at tittelen kom til Campbell då ho oppdaga nett meditasjonen. «There is no other» er visstnok ei helsing som stammar frå mayakulturen.
There Is No Other peikar likevel i fleire andre retningar enn dette. Somme vil kanskje verte overraska over at den einaste komposisjonen som ikkje er Campbells eigen, er Tom Pettys «Runnin’ Down A Dream» (frå Full Moon Fever, 1989), ei fin tolking som får opp temperaturen litt, utan at det vert for heitt heller.
Flyttinga til Los Angeles har elles fått Campbell til å skrive «City of Angels», og også «Boulevard», som tematiserer dei massive sosiale problema som plagar byen. Los Angeles har ein massiv underhaldningsindustri, men mange har ingen stad å bu. Også straumen med bilar som manar fram tankar om maur i «Ant Life», tippar eg ho har sett her.
Øyvind Vågnes
Øyvind Vågnes er forfattar og fast musikkskribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock
Isobel
Campbell:
There Is No Other
Cooking Vinyl
Folk på motorvegen, folk på kjøpesenteret – dei liknar maur på marsj, utan tid å miste.
Det meiner i alle fall Isobel Campbell, i «Ant Life», på det nye albumet There Is No Other. Og så, held ho fram, i siste strofe, frå eine augneblunken til neste, er vi borte: «Remember fun?»
Konflikt
Det er ei stund sidan vi sist høyrde nytt solomateriale frå Campbell. Ho var ikkje meir enn 19 då ho dukka opp i Belle & Sebastian. Rett før tusenårsskiftet tok ho så sin eigen veg og laga to plater under namnet The Gentle Waves, etterfølgt av to soloplater under eige namn, men det har gått 14 år sidan den siste av dei kom ut. Fleire lesarar vil kjenne til samarbeidet med Mark Lanegan på tre album som kom ut i perioden 2006–2010.
Sidan den gong har Campbell flytta frå Glasgow til Los Angeles, gifta seg og arbeidd med dette nye albumet, som frustrerande nok har vorte ståande på vent på grunn av rettslege konfliktar med eit plateselskap, noko som førte henne inn i ei djup krise. Det eldste materialet på dette albumet vart til for ei god stund sidan.
Inspirasjon
There Is No Other er dermed utfallet av ein lang kamp, men det høyrer ein lite av i sjølve musikken, som har noko forsonande mildt og drøymande over seg. Om nokon kjem til å strekkje seg etter ordet «meditativt», er dei heller ikkje på villspor, for pressemeldinga som følgjer utgivinga, kan fortelje at tittelen kom til Campbell då ho oppdaga nett meditasjonen. «There is no other» er visstnok ei helsing som stammar frå mayakulturen.
There Is No Other peikar likevel i fleire andre retningar enn dette. Somme vil kanskje verte overraska over at den einaste komposisjonen som ikkje er Campbells eigen, er Tom Pettys «Runnin’ Down A Dream» (frå Full Moon Fever, 1989), ei fin tolking som får opp temperaturen litt, utan at det vert for heitt heller.
Flyttinga til Los Angeles har elles fått Campbell til å skrive «City of Angels», og også «Boulevard», som tematiserer dei massive sosiale problema som plagar byen. Los Angeles har ein massiv underhaldningsindustri, men mange har ingen stad å bu. Også straumen med bilar som manar fram tankar om maur i «Ant Life», tippar eg ho har sett her.
Øyvind Vågnes
Øyvind Vågnes er forfattar og fast musikkskribent i Dag og Tid.
Fleire artiklar
Teikning: May Linn Clement
Historieforvanskingar
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.