Folkeleg og finurleg Fløgstad
Gabriel Fliflet tek Fløgstad på kornet.
Musikarane Jorun Marie Kvernberg (t.v.), Gabriel Fliflet og Berit Opheim utgjer Trio Alde.
Pressefoto
I romanane til Kjartan Fløgstad finn ein med ujamne mellomrom dikt som byr seg fram til komponistar. Tonesetjingane har det etter kvart vorte mange av, og i 2018 kom ei samling av desse, Sandharpesongar. Gabriel Fliflet var sjølvsagt representert der.
Fliflet har tonesett Fløgstad både på Valseria (2013) og Sevje (2017). På Himlaleite er det berre Fløgstad som gjeld. Her presenterer han saman med Kvernberg og Opheim ni songar i tillegg til to instrumentalar.
Fløgstad bevegar seg elegant frå det eine stilnivået til det andre, og allusjonane kjem tett. Fliflet er på mange måtar ein musikalsk parallell til Fløgstad. Han kan i eine augneblinken uttrykkja seg sart og sårt for i neste å svinga seg opp med kraft og patos. Han låner fritt og elegant frå norsk, britisk og balkansk folkemusikk og er det næraste ein kjem ein moderne valsekonge.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
