Fleinvær og Hole i samspel
Holes solobassprosjekt er ein kunstnarleg tour de force.
Sigurd Hole spelte inn plata i Fleinvær.
Foto: I.J. Biermann
Jazz / samtids-
musikk
Sigurd Hole:
Lys / Mørke
Sigurd Hole, bass.
ELVESANG ELVESANG005
Me som har fått tenåra noko på avstand, minnest den sitrande gleda ved å spela ei ny vinylplate med eit forseggjort omslag på fanget. Den doble gleda ved å utforska så vel musikk som omslag sit djupt i. Med Lys / Mørke har Sigurd Hole trigga desse ungdomsminna, sjølv om eg har lytta til ein CD. Eg kan ikkje minnast sist eg kom over ei utgjeving som er så gjennomarbeidd på alle plan.
Heftet har innsiktsfulle tekstar av både Hole og David Rothenberg, tre dikt av den japanske buddhistmunken Eihei Dogen og fantastiske foto frå innspelingsstaden Fleinvær. Alt saman er formgjeve på vakraste vis av Jonas Sjøvaag. Heldigvis gjer musikken eit like sterkt inntrykk som omslaget.
Lydteknikar Audun Strype gjer etter mitt syn alltid bra arbeid, men her har han hatt ei spesiell utfordring i mikrofonoppsettet. Hole hadde ein idé om at musikken som blei skapt, skulle vera eit «samspel» mellom kontrabassens mangfaldige register og dei skiftande naturlege lydane på Fleinvær, både bølgjer, vind og regn. Å miksa dette saman til ein heilskap som fungerer, har sikkert vore krevjande.
Dei 18 låtane (fordelte på to CD-ar) er med eitt unnatak improvisasjonar. Unnataket er ei majestetisk tolking av salmen «Eg veit i himmelrik ei borg». Improvisasjonane utforskar kontrabassen, både klangregisteret og speleteknikkar. Sjølv om det Hole gjer, er teknisk vanskeleg, vert musikken aldri berre ei virtuos oppvising. Han har noko på hjartet som kjem fram litt etter litt. Størst utbytte får ein ved å lytta til musikken in extenso.
Lars Mossefinn
Lars Mossefinn er lærar ved Voss gymnas og fast jazzmeldar i
Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz / samtids-
musikk
Sigurd Hole:
Lys / Mørke
Sigurd Hole, bass.
ELVESANG ELVESANG005
Me som har fått tenåra noko på avstand, minnest den sitrande gleda ved å spela ei ny vinylplate med eit forseggjort omslag på fanget. Den doble gleda ved å utforska så vel musikk som omslag sit djupt i. Med Lys / Mørke har Sigurd Hole trigga desse ungdomsminna, sjølv om eg har lytta til ein CD. Eg kan ikkje minnast sist eg kom over ei utgjeving som er så gjennomarbeidd på alle plan.
Heftet har innsiktsfulle tekstar av både Hole og David Rothenberg, tre dikt av den japanske buddhistmunken Eihei Dogen og fantastiske foto frå innspelingsstaden Fleinvær. Alt saman er formgjeve på vakraste vis av Jonas Sjøvaag. Heldigvis gjer musikken eit like sterkt inntrykk som omslaget.
Lydteknikar Audun Strype gjer etter mitt syn alltid bra arbeid, men her har han hatt ei spesiell utfordring i mikrofonoppsettet. Hole hadde ein idé om at musikken som blei skapt, skulle vera eit «samspel» mellom kontrabassens mangfaldige register og dei skiftande naturlege lydane på Fleinvær, både bølgjer, vind og regn. Å miksa dette saman til ein heilskap som fungerer, har sikkert vore krevjande.
Dei 18 låtane (fordelte på to CD-ar) er med eitt unnatak improvisasjonar. Unnataket er ei majestetisk tolking av salmen «Eg veit i himmelrik ei borg». Improvisasjonane utforskar kontrabassen, både klangregisteret og speleteknikkar. Sjølv om det Hole gjer, er teknisk vanskeleg, vert musikken aldri berre ei virtuos oppvising. Han har noko på hjartet som kjem fram litt etter litt. Størst utbytte får ein ved å lytta til musikken in extenso.
Lars Mossefinn
Lars Mossefinn er lærar ved Voss gymnas og fast jazzmeldar i
Dag og Tid.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Papiravisa