Farkost i solgangsbris
Hullyboo er lågmælte, men har verkeleg noko på hjartet.
Jazz
Hullyboo:
Farkost
Jakob Eri Myhre, trompet; Tore Brunborg, saksofon; Marius Hirth Klovning, gitar; Bjørnar Kaldefoss Tveite, bass; Mats Mæland Jensen, trommer
Øra Fonogram OF143
Primus motor Marius Klovning har hatt det travelt med Skadedyr, Bogue Chitto og soloplate, så ein oppfølgjar til Hullyboo-debuten Bønner og flesk (2012) har late venta på seg. Den store endringa er at bandet har gått frå å vera trio til å bli kvintett. Debutplata hadde gjestemusikarar, men då var musikken skriven for besetninga gitar, bass og trommer. No er all musikk komponert for kvintett, og det er blåsarane som heile tid formulerer temaa. Det er med andre ord ein grunnleggjande transformasjon bandet har gått gjennom.
Komplekst
Musikken til Hullyboo anno 2019 er meir kompleks både rytmisk og harmonisk. Opningssporet «Varkala», ført i pennen av Myhre, byrjar med eit stakkato 4/4-komp på gitaren som innleiingsvis fungerer som underlag for eit melodiøst tema på trompet og saks, men etter kvart utviklar rytmeseksjonen eit ganske komplekst bakteppe for ein kollektiv improvisasjonssekvens av blåsarane langt unna utgangspunktet. Klovning nyttar seg dels av dei same kompositoriske grepa i «Periferi».
Ujålete
Inspirasjonskjeldene er mange. Masqualero og Kenny Wheeler var dei to først assosiasjonane som melde seg. I Mæland Jensens sjarmerande «Fredag» finn ein ei tydeleg sørafrikansk åre, men det musikalske brygget til Hullyboo har mange smakar, og det blir servert på ein tiltalande ujålete måte. Bandet pressar seg ikkje på, men du vil ha att for å følgja ei venleg oppmoding frå Hullyboo.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Hullyboo:
Farkost
Jakob Eri Myhre, trompet; Tore Brunborg, saksofon; Marius Hirth Klovning, gitar; Bjørnar Kaldefoss Tveite, bass; Mats Mæland Jensen, trommer
Øra Fonogram OF143
Primus motor Marius Klovning har hatt det travelt med Skadedyr, Bogue Chitto og soloplate, så ein oppfølgjar til Hullyboo-debuten Bønner og flesk (2012) har late venta på seg. Den store endringa er at bandet har gått frå å vera trio til å bli kvintett. Debutplata hadde gjestemusikarar, men då var musikken skriven for besetninga gitar, bass og trommer. No er all musikk komponert for kvintett, og det er blåsarane som heile tid formulerer temaa. Det er med andre ord ein grunnleggjande transformasjon bandet har gått gjennom.
Komplekst
Musikken til Hullyboo anno 2019 er meir kompleks både rytmisk og harmonisk. Opningssporet «Varkala», ført i pennen av Myhre, byrjar med eit stakkato 4/4-komp på gitaren som innleiingsvis fungerer som underlag for eit melodiøst tema på trompet og saks, men etter kvart utviklar rytmeseksjonen eit ganske komplekst bakteppe for ein kollektiv improvisasjonssekvens av blåsarane langt unna utgangspunktet. Klovning nyttar seg dels av dei same kompositoriske grepa i «Periferi».
Ujålete
Inspirasjonskjeldene er mange. Masqualero og Kenny Wheeler var dei to først assosiasjonane som melde seg. I Mæland Jensens sjarmerande «Fredag» finn ein ei tydeleg sørafrikansk åre, men det musikalske brygget til Hullyboo har mange smakar, og det blir servert på ein tiltalande ujålete måte. Bandet pressar seg ikkje på, men du vil ha att for å følgja ei venleg oppmoding frå Hullyboo.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Sveinung Rotevatn (V), som ser opp, talte ikkje under behandlinga av den nye abortlova 3. desember. Den som gjekk fram til talarstolen flest gonger, var Marian Hussein (SV).
Foto: Thomas Fure / AP / NTB
Mors liv i salen
Debatten vi fekk høyre då den nye abortlova blei behandla tysdag, strekte seg frå 10.00 til 14.30, frå 1915 til framtida og frå fosteret til den store verda.
President Joe Biden (f. 1942) og statsminister Jonas Gahr Støre (f. 1960) stiller opp til familiefoto på Nato-toppmøtet i Washington i år.
Foto: Javad Parsa / NTB
Å fjerne Støre no vil vere ei panikkhandling som skaper fleire problem enn det løyser for Arbeidarpartiet.
Ein demonstrant med gassmaske protesterer i Tblisi 2. desember mot at den nye regjeringa vil leggja vekk EU-søknaden.
Foto: Irakli Gedenidze / Reuters / NTB
«Med unntak av presidenten har ikkje demonstrantane i Georgia stor tiltru til politikarane.»
Statsminister Michel Barnier på veg til talarstolen i den franske nasjonalforsamlinga 4. desember, der han vart kasta i eit mistillitsvotum frå eit klårt fleirtal.
Foto: Sarah Meyssonnier / Reuters / NTB
PARIS: Frankrike er i uvisse om framtida etter regjeringskrise.
Opprørarar frå islamistgruppa Hayat Tahrir al-Sham ved Aleppo 29. november. Den største byen i Syria fall raskt da opprørarane gjekk til åtak.
Foto: Mahmoud Hasano / Reuters / NTB
Papiravisa