Folkemusikk / Jazz

Trondheim Jazz Orchestra med Sofia Järnberg og Olav Luksengård Mjelva:

Trondheim Jazz
Orchestra

Olav Luksengård Mjelva, hardingfele; Sofia Järnberg, vokal; Jens Linell og Tor Haugerud, trommer og perkusjon; Ole Morten Vågan, bass; Alexander Zethson, piano; Lucy Railton, cello; Kari Rønnekleiv, fele og hardingfele; Eivind Lønning, trompet; Espen Reinertsen, saksofonar og bassklarinett; Eirik Hegdal, saksofonar, klarinett og bassklarinett. HEILO HCD7342

Byrjinga på samarbeidet mellom den svenske vokalisten Sofia Järnberg og den norske spelemannen Olav Luksengård Mjelva byrja med eit møte på Hagenfesten i Dalarna for ti år sidan.

Urframføringa fann stad på Vossa Jazz i 2012, og minnest eg rett, var det eit produkt som ikkje hadde fått den siste finpussen, som blei framført. Etter nokre rundar på ymse festivalscenar har ideen til Järnberg kome tydeleg fram.

Detaljar

«Som om vi höll ett förstoringsglas över musiken för att hitta detaljerna och sprida ut dem över en större ensemble», skriv Jernberg på omslaget. Det tradisjonelle låtmaterialet er utgangspunktet, men arrangørane Järnberg, Zethson og Lene Grenager har gjort mykje meir enn å halda eit «förstoringsglas över musiken». Arrangørane har late seg inspirera og teke musikken i ulike retningar, men med full respekt for utgangspunktet.

Tilpassing

Trondheim Jazz Orchestra har nok ein gong tilpassa besetningen til prosjektet og spelar som dei aldri skulle gjort anna enn å spela slik musikk.

Dei realiserer potensialet i musikken og tilfører han mykje reint solistisk. Hallinglåtten «Skøren» oppsummerer på fortreffeleg vis alt som er bra med dette prosjektet.

Lars Mossefinn

Lars Mossefinn er lærar ved Voss gymnas og fast jazzmeldar i
Dag og Tid.