Disiplinerte energiutladingar
Moon Relay har spelt inn ei plate utan daudpunkt.
Samtidsmusikk
Moon Relay:
Imi
Hubro
Den tredje plata til den norske kvartetten Moon Relay er sett saman av cirka sju minuttar lange instrumentalspor der ein kan merka impulsar frå bandmedlemenes mangfaldige røynsler frå dei meir eksperimentelle utgåvene av rock og jazz, men òg frå meir populære musikkformer som surf, disco og funk.
Rytmen er stram og effektiv og kan mange stader minna om trommemaskinar og technoestetikk, men her er alle instrumenta spelte på konvensjonelt vis. Det er nettopp den svært godt gjennomførte balansen mellom kraftfull energi og tilbakehalden presisjon som gjer denne musikken så suggererande. Låtane, som har titlar av typen «–#/#^», har ein jamn og kraftig beat i høgt tempo, oftast i dansbar 4/4-takt. Melodiane er bygde opp av korte riff snarare enn songbare melodiar, og sjølv om det er to gitaristar i bandet, er det aldri tale om virtuose improviserte gitarsoloar eller berrlegging av solistens kjensleliv. Eit anna element som pregar lydbiletet, er parti av støy, elektronisk og sampla klangflater som breier seg langsamt inn og ut over den hardslåande motorliknande framdrifta.
På mange måtar kan denne ekstremt disiplinerte og kraftfulle musikken minna om platene progrockbandet King Crimson laga frå 1981 og framover, då dei la om stilen frå det symfoniske og drøymeaktige til ein teknisk komplisert og disiplinert stil. Men der King Crimson dyrkar rytmisk kompleksitet og virtuos teknikk, er Moon Relay meir prega av post-punken og new wave-musikkens vektlegging av det enkle og effektive.
Og effektivt er dette: Det finst ikkje daudpunkt på plata – heller ikkje dei få og korte stillferdige partia, for dei er med på å gje plata ei heilskapleg form. Dette er eit uvanleg godt gjennomført prosjekt der høgenergi frå disco, techno og punk på underleg vis smeltar saman med samtidsmusikkens kontrollerte verktenking.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Samtidsmusikk
Moon Relay:
Imi
Hubro
Den tredje plata til den norske kvartetten Moon Relay er sett saman av cirka sju minuttar lange instrumentalspor der ein kan merka impulsar frå bandmedlemenes mangfaldige røynsler frå dei meir eksperimentelle utgåvene av rock og jazz, men òg frå meir populære musikkformer som surf, disco og funk.
Rytmen er stram og effektiv og kan mange stader minna om trommemaskinar og technoestetikk, men her er alle instrumenta spelte på konvensjonelt vis. Det er nettopp den svært godt gjennomførte balansen mellom kraftfull energi og tilbakehalden presisjon som gjer denne musikken så suggererande. Låtane, som har titlar av typen «–#/#^», har ein jamn og kraftig beat i høgt tempo, oftast i dansbar 4/4-takt. Melodiane er bygde opp av korte riff snarare enn songbare melodiar, og sjølv om det er to gitaristar i bandet, er det aldri tale om virtuose improviserte gitarsoloar eller berrlegging av solistens kjensleliv. Eit anna element som pregar lydbiletet, er parti av støy, elektronisk og sampla klangflater som breier seg langsamt inn og ut over den hardslåande motorliknande framdrifta.
På mange måtar kan denne ekstremt disiplinerte og kraftfulle musikken minna om platene progrockbandet King Crimson laga frå 1981 og framover, då dei la om stilen frå det symfoniske og drøymeaktige til ein teknisk komplisert og disiplinert stil. Men der King Crimson dyrkar rytmisk kompleksitet og virtuos teknikk, er Moon Relay meir prega av post-punken og new wave-musikkens vektlegging av det enkle og effektive.
Og effektivt er dette: Det finst ikkje daudpunkt på plata – heller ikkje dei få og korte stillferdige partia, for dei er med på å gje plata ei heilskapleg form. Dette er eit uvanleg godt gjennomført prosjekt der høgenergi frå disco, techno og punk på underleg vis smeltar saman med samtidsmusikkens kontrollerte verktenking.
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?
Teikning: May Linn Clement
17. mai-pengar
«Mor mi viser meg telefonen og at ho har vipsa Oskar og Tomas. Det er irriterande å sjå på ein mobil som andre held i.»
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.