Den nye kunsten
Ensemble Gilles Binchois framfører Guillaume de Machauts epokegjerande mellomaldermesse med jamn og lett flyt.
CD
Guillaume de Machaut:
Messe de Nostre Dame
Ensemble Gilles Binchois; dir.: Dominique Vellard. Cantus 1999/Brilliant Classics 2011
Ars nova («den nye kunsten») kallar me komposisjonsskulen som oppstod i Frankrike i byrjinga av 1300-talet. Det nye ved han var at den polyfone (fleirstemmige) vokalmusikken for fyrste gong oppnådde ein teknisk kompleksitet og eit klangleg uttrykk av typen me i dag gjerne oppfattar som «vakker» musikk. Ikkje det at komposisjonsskulen føreåt, ars antiqua, («den gamle kunsten») frå 1200-talet, ikkje var vakker. Men han kling mykje meir arkaisk og ru, utan den melodiske flyten og den meir metta harmonikken ars nova-musikken har.
Verkomgrep
Dei nye uttrykksmåtane ars nova-stilen gav, heng saman med utviklinga av ein ny og meir grannsam måte å notera rytmane på. For gjennom den såkalla «mensuralnotasjonen» kunne tidsverdien og tonehøgda til notane fastslåast nøyaktig. Dette gav komponistane ein annan kontroll over musikken – notane var ikkje lenger berre ein peikepinn på kva som skulle syngast, men formidla så mykje informasjon at me kan byrja å tala om «verk» skapte av «individuelle kunstnarar».
Denne nye individualiteten syner seg i verka til den franske musikaren, poeten og presten Guillaume de Machaut (1300–1377), som var den fremste ars nova-komponisten.
Lyrisk kontratenor
Ei legendarisk innspeling av Machauts Messe de Nostre Dame blei gjort av Ensemble Gilles Binchois i 1999. (Original-CD-en er vanskeleg å få tak i, men plateselskapet Brilliant Classics kom med ei billeg nyutgjeving i 2011.) Musikkhistorisk er dette mellomalderverket viktig: Så vidt me veit, er ho den fyrste polyfone tonesetjinga av alle dei faste messeledda i gudstenesta som er gjort av éin komponist. Likevel er det mykje me ikkje veit om stykket. Kva tid og i kva samanheng blei det til? Fekk komponisten nokon gong høyra det sjølv? Og korleis blei det framført i samtida?
Ein educated guess i høve sistnemnde gjev Ensemble Gilles Binchois på denne plata, som læt klangleg overtydande. Toppstemma i den firestemmige satsen blir sungen av den lyriske kontratenoren Andreas Scholl, som då innspelinga blei gjort, var på sitt beste, medan den stabile bassen Jacques Bona gjev solid harmonisk støtte til ensemblet. Saman får dei fint fram den jamne, lette flyten hjå Machaut, den som ikkje berre kom til å prega renessansens vokalpolyfoni dei neste to hundreåra, men vart eit ideal for kormusikken fram til vår tid.
Sjur Haga Bringeland
Sjur Haga Bringeland er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
CD
Guillaume de Machaut:
Messe de Nostre Dame
Ensemble Gilles Binchois; dir.: Dominique Vellard. Cantus 1999/Brilliant Classics 2011
Ars nova («den nye kunsten») kallar me komposisjonsskulen som oppstod i Frankrike i byrjinga av 1300-talet. Det nye ved han var at den polyfone (fleirstemmige) vokalmusikken for fyrste gong oppnådde ein teknisk kompleksitet og eit klangleg uttrykk av typen me i dag gjerne oppfattar som «vakker» musikk. Ikkje det at komposisjonsskulen føreåt, ars antiqua, («den gamle kunsten») frå 1200-talet, ikkje var vakker. Men han kling mykje meir arkaisk og ru, utan den melodiske flyten og den meir metta harmonikken ars nova-musikken har.
Verkomgrep
Dei nye uttrykksmåtane ars nova-stilen gav, heng saman med utviklinga av ein ny og meir grannsam måte å notera rytmane på. For gjennom den såkalla «mensuralnotasjonen» kunne tidsverdien og tonehøgda til notane fastslåast nøyaktig. Dette gav komponistane ein annan kontroll over musikken – notane var ikkje lenger berre ein peikepinn på kva som skulle syngast, men formidla så mykje informasjon at me kan byrja å tala om «verk» skapte av «individuelle kunstnarar».
Denne nye individualiteten syner seg i verka til den franske musikaren, poeten og presten Guillaume de Machaut (1300–1377), som var den fremste ars nova-komponisten.
Lyrisk kontratenor
Ei legendarisk innspeling av Machauts Messe de Nostre Dame blei gjort av Ensemble Gilles Binchois i 1999. (Original-CD-en er vanskeleg å få tak i, men plateselskapet Brilliant Classics kom med ei billeg nyutgjeving i 2011.) Musikkhistorisk er dette mellomalderverket viktig: Så vidt me veit, er ho den fyrste polyfone tonesetjinga av alle dei faste messeledda i gudstenesta som er gjort av éin komponist. Likevel er det mykje me ikkje veit om stykket. Kva tid og i kva samanheng blei det til? Fekk komponisten nokon gong høyra det sjølv? Og korleis blei det framført i samtida?
Ein educated guess i høve sistnemnde gjev Ensemble Gilles Binchois på denne plata, som læt klangleg overtydande. Toppstemma i den firestemmige satsen blir sungen av den lyriske kontratenoren Andreas Scholl, som då innspelinga blei gjort, var på sitt beste, medan den stabile bassen Jacques Bona gjev solid harmonisk støtte til ensemblet. Saman får dei fint fram den jamne, lette flyten hjå Machaut, den som ikkje berre kom til å prega renessansens vokalpolyfoni dei neste to hundreåra, men vart eit ideal for kormusikken fram til vår tid.
Sjur Haga Bringeland
Sjur Haga Bringeland er musikar og fast musikkmeldar i Dag og Tid.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?
Teikning: May Linn Clement
17. mai-pengar
«Mor mi viser meg telefonen og at ho har vipsa Oskar og Tomas. Det er irriterande å sjå på ein mobil som andre held i.»
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.