Demokratisk teknologiutforsking
100% Electronica leverer musikkopplevingar i den virtuelle røynda for distanseringsalderen.
Internettkonsert
Ymse artistar:
Virtual Utopia 2
100% Electronica
Den første internettkonserten eg gjekk på i koronatida, var det amerikanske vaporwave-labelen 100% Electronicas Virtual Utopia, som gjekk av stabelen i den virtuelle røynda i starten av april. Nyleg blei oppfølgjaren, Virtual Utopia 2, livestrøymd.
Med VR-brillene på fekk eg sjå FM Skyline framføre fredsæl synthmusikk i eit himmelsk krystalltempel omgjeve av platonske lekamar. Esprit musiserte i dataspelet Grand Theft Auto: San Andreas’ framstilling av Los Angeles’ strandsone frå 2004, medan Negative Gemini handterte samplaren sin blant digitale dinosaurar.
Innimellom innslaga, som òg inkluderte Equips spelinspirerte fantasimusikk og ein ny VR-video frå death’s dynamic shroud, DJ-a nederlandske Cat System Corp. i eit folketomt kjøpesenter. Innslaget til brasilianske Windows96, som gjekk føre seg i ein virtuell EDB-sal frå rundt tusenårsskiftet, understrekar korleis denne teknologiske tilnærminga på same tid er både nostalgisk og framtidsretta.
VR er ikkje allemannseige enno, men det går heldigvis fint an å få med seg dette utan slik kostbar og stadig ung teknologi. Konserten ligg arkivert på Youtube, der ein kan sjå han på vanleg skjerm og drage biletet rundt i alle sine 360 grader.
På same kanal ligg ein livestraum der sjåarane kan taste inn enkle kommandoar som til dømes styrer fargen på ljoset i lageret til labelen, og under konsertstrøyminga blei det avslørt at gratisvideoar om korleis ein sjølv kan lage 360-graders innhald, er på veg. 100% Electronica driv med ei svært relevant og demokratisk utforsking av teknologiske mogelegheiter.
Rasmus Hungnes
Rasmus Hungnes er musikar, kunstnar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Internettkonsert
Ymse artistar:
Virtual Utopia 2
100% Electronica
Den første internettkonserten eg gjekk på i koronatida, var det amerikanske vaporwave-labelen 100% Electronicas Virtual Utopia, som gjekk av stabelen i den virtuelle røynda i starten av april. Nyleg blei oppfølgjaren, Virtual Utopia 2, livestrøymd.
Med VR-brillene på fekk eg sjå FM Skyline framføre fredsæl synthmusikk i eit himmelsk krystalltempel omgjeve av platonske lekamar. Esprit musiserte i dataspelet Grand Theft Auto: San Andreas’ framstilling av Los Angeles’ strandsone frå 2004, medan Negative Gemini handterte samplaren sin blant digitale dinosaurar.
Innimellom innslaga, som òg inkluderte Equips spelinspirerte fantasimusikk og ein ny VR-video frå death’s dynamic shroud, DJ-a nederlandske Cat System Corp. i eit folketomt kjøpesenter. Innslaget til brasilianske Windows96, som gjekk føre seg i ein virtuell EDB-sal frå rundt tusenårsskiftet, understrekar korleis denne teknologiske tilnærminga på same tid er både nostalgisk og framtidsretta.
VR er ikkje allemannseige enno, men det går heldigvis fint an å få med seg dette utan slik kostbar og stadig ung teknologi. Konserten ligg arkivert på Youtube, der ein kan sjå han på vanleg skjerm og drage biletet rundt i alle sine 360 grader.
På same kanal ligg ein livestraum der sjåarane kan taste inn enkle kommandoar som til dømes styrer fargen på ljoset i lageret til labelen, og under konsertstrøyminga blei det avslørt at gratisvideoar om korleis ein sjølv kan lage 360-graders innhald, er på veg. 100% Electronica driv med ei svært relevant og demokratisk utforsking av teknologiske mogelegheiter.
Rasmus Hungnes
Rasmus Hungnes er musikar, kunstnar og fast musikkmeldar i Dag og Tid.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.