Bugge Wesseltoft i trioformat
Samarbeidet med Dan Berglund og Magnus Öström fungerer på alle plan.
Jazz
Rymden:
Reflections And Odysseys
Bugge Wesseltoft, piano; Dan Berglund, bass; Magnus Öström, trommer. Jazzland Recordings 377 920 6
Når dei to attlevande medlemmene av Esbjörn Svensson Trio (e.s.t.) slår seg saman med vår eigen tangentpioner Bugge Wesseltoft, stig forventningane. Trioen Rymden har alle kjenneteikn på ein all star-konstellasjon. Om nokon har hatt forventningar om at dette skulle bli eit nytt kapittel e.s.t., så har dei gjort opp rekning utan vert. Wesseltoft har for vane å driva med alt anna enn epigoneri. Likevel kan ein finna likskapstrekk. Låtar som «Bergen» og «Homegrown» har ei stram form og kan minna om den heilsvenske trioen.
Wesseltofts initiativ
Trioen har kome i stand på initiativ frå Wesseltoft. Han hadde lyst å spela i ein jazztrio att. Han skal alt ha spelt inn ei plate med amerikansk bassist og trommeslagar, og no altså Reflections And Odysseys med komposisjonar frå alle tre. Dei spenner frå finurlege miniatyrar til mektige, rocka manifestasjonar der dei brukar Svenska Grammofonstudion i Stockholm i fullt mål.
Melankolsk
Plata inneheld også melankolske balladar som gjev rikeleg rom for solistisk utfalding som i «The Lugubrious Youth Of Lucky Luke» og den klangleg søkjande «The Celestial Dog And The Funeral Ship» – sistnemnde med eit overveldande parti strykebass av Berglund og ditto frå Wesseltoft på piano. Han serverer også det mest delikate koret på plata i Berglunds «Pitter Patter». Det er ikkje mange som får så grom lyd av ein Fender Rhodes som Wesseltoft. Det norsk-svenske samarbeidet fungerer på alle plan. Reflections And Odysseys er blitt nett så variert og inspirert som ein kunne vona på.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Rymden:
Reflections And Odysseys
Bugge Wesseltoft, piano; Dan Berglund, bass; Magnus Öström, trommer. Jazzland Recordings 377 920 6
Når dei to attlevande medlemmene av Esbjörn Svensson Trio (e.s.t.) slår seg saman med vår eigen tangentpioner Bugge Wesseltoft, stig forventningane. Trioen Rymden har alle kjenneteikn på ein all star-konstellasjon. Om nokon har hatt forventningar om at dette skulle bli eit nytt kapittel e.s.t., så har dei gjort opp rekning utan vert. Wesseltoft har for vane å driva med alt anna enn epigoneri. Likevel kan ein finna likskapstrekk. Låtar som «Bergen» og «Homegrown» har ei stram form og kan minna om den heilsvenske trioen.
Wesseltofts initiativ
Trioen har kome i stand på initiativ frå Wesseltoft. Han hadde lyst å spela i ein jazztrio att. Han skal alt ha spelt inn ei plate med amerikansk bassist og trommeslagar, og no altså Reflections And Odysseys med komposisjonar frå alle tre. Dei spenner frå finurlege miniatyrar til mektige, rocka manifestasjonar der dei brukar Svenska Grammofonstudion i Stockholm i fullt mål.
Melankolsk
Plata inneheld også melankolske balladar som gjev rikeleg rom for solistisk utfalding som i «The Lugubrious Youth Of Lucky Luke» og den klangleg søkjande «The Celestial Dog And The Funeral Ship» – sistnemnde med eit overveldande parti strykebass av Berglund og ditto frå Wesseltoft på piano. Han serverer også det mest delikate koret på plata i Berglunds «Pitter Patter». Det er ikkje mange som får så grom lyd av ein Fender Rhodes som Wesseltoft. Det norsk-svenske samarbeidet fungerer på alle plan. Reflections And Odysseys er blitt nett så variert og inspirert som ein kunne vona på.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Små-ulovleg: Godtet er smått, men er denne reklamen retta mot små eller store menneske? Det kan få alt å seie dersom ei ny forskrift vert vedteken.
Foto: Cornelius Poppe / NTB
«Om høyringsinnspela frå Helsedirektoratet vert inkluderte, risikerer ein å kriminalisere heilt vanleg mat.»
To unge mormonmisjonærar, søster Paxton (Sophie Thatcher) og søster Barnes (Chloe East), blir tvinga til å setje trua si på prøve i møtet med herr Reed (Hugh Grant).
Foto: Ymer Media
«Mange av skrekkfilmane no til dags liknar meir på filmar frå syttitalet»
I tillegg til å vere forfattar er Kristina Leganger Iversen også litteraturvitar, samfunnsdebattant og omsetjar.
Foto: Sara Olivia Sanderud
Nedslåande sanning
Kristina Leganger Iversen leverer eit grundig studium av noko som burde vere opplagt for fleire.
Teikning: May Linn Clement
«Me har ikkje grunnlag for å seia at bokmålsbrukarar har kvassare penn enn andre, men nokre av dei evnar å kløyva kvass i to.»
Gjennom Hitlers progagandaminister Joseph Goebbels får vi eit innblikk i sanninga bak Nazi-Tysklands propagandamaskin.
Foto: Another World Entertainment
Propaganda på agendaen
Fører og forfører er ein drivande historietime om tidenes skumlaste skrønemakar.
Papiravisa