Brennheite afrobeats
Burna Boy kokar i hop medrivande og viktig afro-fusion.
Burna Boy er ein afrikansk gigant, seier han sjølv.
Pressefoto
Afrobeats
Burna Boy:
African Giant
Spaceship / Bad Habit / Atlantic / Warner Music
Allereie i Nok-kulturens tid (ca. 1500 fvt. – 500 evt.) fanst det handelsruter mellom Nigeria og Europa. Den nigerianske artisten Burna Boys’ første utkast til utsida av Afrika var fjorårets Outside, men det er først no, med fjerdeplata African Giant, at det byrjar å demre her nord kor heit denne guten frå Vest-Afrika faktisk er.
Afrikansk gigant
Han lét sjølv vesten få høyre det på sosiale medium tidlegare i år, etter at han blei lista med medium små eller store bokstavar på Coachella-festivalens lineup: «I am an AFRICAN GIANT and will not be reduced to whatever that tiny writing means.» Sånn skal det låte. «If it’s positive energy it’s positive energy, you know... It doesn’t matter what it is you’re saying in your songs», seier han i eit videoklipp på lyrikknettstaden Genius.com. «I kinda just enjoy the entertainment.»
Og underhaldande er musikken hans definitivt – eg blir stadig trekt tilbake mot dansegolvet her. Men tekstane er òg svært interessante. Levert på ei blanding av engelsk, naija, yoruba og mogelegvis andre nigerianske språk, handsamar dei eit breitt spekter av personlege og politiske tema, mellom anna i Different, ein trio om forskjellar med sjølvaste Damian Marley og Angelique Kidjo.
Brennaktuelt
I grunnen verkar alt her politisk og brennaktuelt, men samstundes er det ekstremt moro. Til sist får vi høyre opptak av mamma Burna Boy som tar imot ein pris på vegner av sonen: «The message from Burna, I believe would be that every black person should please remember that you were Africans before you became anything else.» Det same burde i grunnen alle andre òg hugse på.
Rasmus Hungnes
Rasmus Hungnes er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Afrobeats
Burna Boy:
African Giant
Spaceship / Bad Habit / Atlantic / Warner Music
Allereie i Nok-kulturens tid (ca. 1500 fvt. – 500 evt.) fanst det handelsruter mellom Nigeria og Europa. Den nigerianske artisten Burna Boys’ første utkast til utsida av Afrika var fjorårets Outside, men det er først no, med fjerdeplata African Giant, at det byrjar å demre her nord kor heit denne guten frå Vest-Afrika faktisk er.
Afrikansk gigant
Han lét sjølv vesten få høyre det på sosiale medium tidlegare i år, etter at han blei lista med medium små eller store bokstavar på Coachella-festivalens lineup: «I am an AFRICAN GIANT and will not be reduced to whatever that tiny writing means.» Sånn skal det låte. «If it’s positive energy it’s positive energy, you know... It doesn’t matter what it is you’re saying in your songs», seier han i eit videoklipp på lyrikknettstaden Genius.com. «I kinda just enjoy the entertainment.»
Og underhaldande er musikken hans definitivt – eg blir stadig trekt tilbake mot dansegolvet her. Men tekstane er òg svært interessante. Levert på ei blanding av engelsk, naija, yoruba og mogelegvis andre nigerianske språk, handsamar dei eit breitt spekter av personlege og politiske tema, mellom anna i Different, ein trio om forskjellar med sjølvaste Damian Marley og Angelique Kidjo.
Brennaktuelt
I grunnen verkar alt her politisk og brennaktuelt, men samstundes er det ekstremt moro. Til sist får vi høyre opptak av mamma Burna Boy som tar imot ein pris på vegner av sonen: «The message from Burna, I believe would be that every black person should please remember that you were Africans before you became anything else.» Det same burde i grunnen alle andre òg hugse på.
Rasmus Hungnes
Rasmus Hungnes er musikar og fast musikkmeldar i Dag og Tid.
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?
Papiravisa