For ti år sidan, i februar 2010, gav Gil Scott-Heron ut I’m New Here, studioalbum nummer tretten frå den kanten, og det som skulle vise seg å verte hans siste utgiving. Då Scott-Heron gjekk i studio i New York med Richard Russell på nyåret i 2008, hadde det gått 14 år sidan Spirits, førre plate, kom ut. Brått var han tilbake, med ei meir raspete røyst, noko som også gjorde uttrykket råare. Tolkinga av Robert Johnsons «Me and the Devil» må jo vere ein av dei tøffaste versjonane som er laga, og tittelsporet, Bill Callahan-låten «I’m New Here» (laga under Smog-namnet), er funnen opp på nytt, for orda får nye tydingar og implikasjonar i munnen på Scott-Heron.
Slik er det både logisk og spennande at I’m New Here dermed også eignar seg særleg godt for endå meir nytolking, og det skjer no, med We’re New Again – Makaya McCraven har like godt teke tak i materialet og gjort ein ny versjon av heile plata i sitt eige studio i Chicago (ni år etter at Jamie xx remiksa albumet og kom ut med We’re New Here).
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
