Alveland-draumar
Olav Aukrust og Arne Garborg møter The Mamas and the Papas.
Svevngangarane er Kjetil Schjander Luhr (t.v.), Jo Hegle Sjøflot og Marte Gauneb.
Foto: Julia Marie Naglestad
VISER
Svevngangar:
Av natt, av ljos
TA:LIK
Nemninga vise er ikkje moterett – kven lanserer seg i dag som visesongar? –?men sjangeren blømer, no med debutalbumet til trioen Svevngangar. Likar du viser frå 1960-åra, som «California Dreamin’» (1965)? Av di The Mamas and the Papas toppa hitlistene, gløymer me gjerne at dei og andre populære folk- og folkrock-artistar hadde eit sterkt historisk medvit om folkemusikktradisjonane dei vidareutvikla.
Vene harmoniar
Svevngangar minner oss om det. Den på mange vis skulerte trioen har dei same vene vokalharmoniane, tidlause melodiane og sorgmuntre livskjenslene – og det musikkhistoriske medvitet. Instrumenteringa liknar òg: banjo, tamburin, dobro, trekkspel, trøorgel, indisk sitar. Legg til langeleik og nykelharpe og ein har Svevngangar-ljoden: nordic folk – sett bort frå at folk på norsk heiter vise.
Tekstleg medvit har Svevngangar òg – det høyrer til sjangeren. Frå den rike tradisjonalismen i norsk lyrikk presenterer dei kjende og ukjende dikt av Arne Garborg, Tor Jonsson, Olav Aukrust og Olav H. Hauge – i lag med eigne og andre sine attdiktingar frå engelsk poesi og kyrkjehistoria.
Trus- og målmedvit
Trua er endå ein tradisjon Jo Hegle Sjøflot, Marte Gautneb og Kjetil Schjander Luhr grev fram. At dei har musikalsk og annan bakgrunn frå eit dominikanarkloster i Oslo, gjer dei annleis. Visegjennombrotet i Vesten for 60 år sidan hang i hop med eit politisk medvit. Den religiøse dimensjonen i folkemusikktradisjonen vert no her heime på uvant vis fornya av menneske frå Majorstua.
Difor må målmedvitet nemnast òg. Svevngangar syng ikkje på dialekt eller engelsk, men på sobert nynorsk. Opplysingane i tekstheftet berrlegg at dei ikkje har rappa ynskedikt frå øvste hylle, men at dei har seriøs kjennskap til norsk poesi. Av natt, av ljos er Alveland-draumar.
Håvard Rem
Håvard Rem er journalist i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
VISER
Svevngangar:
Av natt, av ljos
TA:LIK
Nemninga vise er ikkje moterett – kven lanserer seg i dag som visesongar? –?men sjangeren blømer, no med debutalbumet til trioen Svevngangar. Likar du viser frå 1960-åra, som «California Dreamin’» (1965)? Av di The Mamas and the Papas toppa hitlistene, gløymer me gjerne at dei og andre populære folk- og folkrock-artistar hadde eit sterkt historisk medvit om folkemusikktradisjonane dei vidareutvikla.
Vene harmoniar
Svevngangar minner oss om det. Den på mange vis skulerte trioen har dei same vene vokalharmoniane, tidlause melodiane og sorgmuntre livskjenslene – og det musikkhistoriske medvitet. Instrumenteringa liknar òg: banjo, tamburin, dobro, trekkspel, trøorgel, indisk sitar. Legg til langeleik og nykelharpe og ein har Svevngangar-ljoden: nordic folk – sett bort frå at folk på norsk heiter vise.
Tekstleg medvit har Svevngangar òg – det høyrer til sjangeren. Frå den rike tradisjonalismen i norsk lyrikk presenterer dei kjende og ukjende dikt av Arne Garborg, Tor Jonsson, Olav Aukrust og Olav H. Hauge – i lag med eigne og andre sine attdiktingar frå engelsk poesi og kyrkjehistoria.
Trus- og målmedvit
Trua er endå ein tradisjon Jo Hegle Sjøflot, Marte Gautneb og Kjetil Schjander Luhr grev fram. At dei har musikalsk og annan bakgrunn frå eit dominikanarkloster i Oslo, gjer dei annleis. Visegjennombrotet i Vesten for 60 år sidan hang i hop med eit politisk medvit. Den religiøse dimensjonen i folkemusikktradisjonen vert no her heime på uvant vis fornya av menneske frå Majorstua.
Difor må målmedvitet nemnast òg. Svevngangar syng ikkje på dialekt eller engelsk, men på sobert nynorsk. Opplysingane i tekstheftet berrlegg at dei ikkje har rappa ynskedikt frå øvste hylle, men at dei har seriøs kjennskap til norsk poesi. Av natt, av ljos er Alveland-draumar.
Håvard Rem
Håvard Rem er journalist i Dag og Tid.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?