Alternativ korpsmusikk
Multitalentet Øyvind Skarbø har gjort det igjen.
Jazz/country/R & B ... og ein del anna
Skarbø skulekorps:
Skarbø skulekorps
Øyvind Skarbø, trommer, perkusjon, vibrafon og banjo; Stian Omenås, trompet, Signe Emmeluth, altsaks og elektronikk; Erik Hegdal, C-melodi-saks og klarinett; Anja Lauvdal, orgel og synth; Johan Lindström, pedal steel og gitar; Chris Holm, bass og synth; Jørgen Sandvik, Ivar og David Chelsom Vogt, vokal (1); Møhlenpris foreldrekorps.
HUBRO LC49093
Dei som knyter Øyvind Skarbø til improvisasjonsprosjekta 1982, BMX, Bly The Blyant og Inland Empire, vil få seg ei overrasking. Skarbø skulekorps er alt dei nemnde prosjekta ikkje er. Likevel har ikkje Skarbø late att improvisasjonsdøra. Med eit så flott band ville det vore stor synd.
Lappeteppe
Skarbø har spelt i skulekorps, og han grunngjev namnet og konseptet Skarbø skulekorps med den ekstreme hummar-og-kanari-tenkinga som ligg til grunn for repertoarvalet i korpsmusikken, der ein går frå John Philip Sousa til Lionel Ritchie utan å blunka. Visst er plata eit lappeteppe av sjangrar og stiluttrykk, og Skarbø legg mykje arbeid i å lekamleggjera gimmicken, men avkledd all staffasje, er dette Skarbøs sveineprøve som komponist, arrangør og produsent. Til det siste har han fått god hjelp av Jørgen Træen.
Tesla-hylling
Plata opnar med Nikola Tesla-hyllinga «1-555-3327» der Real Ones-trioen gjev til beste vokalharmoniar i beste C,S,N&Y-stil. «Turnamat» er ein funklåt som hentar inspirasjon frå Herbie Hancocks Headhunters-univers, med eit lyrisk mellomspel før korte, men fine kor av Omenås og Lauvdal. Ein klarinettintro sjøset «Pilabue», den flottaste låten på plata. Lindström understrekar dette poenget med eit strokent pedal-steel-kor. I «Farrier And The Hoof» viser komponisten Skarbø seg frå ei meir intrikat side der han blandar stilelementa elegant saman til det som står fram som det mest heilstøypte på plata.
Ikkje alt begeistrar like mykje, men Skarbø har ofte ein kompositorisk vri eller eit arrangementsgrep som gjer at ein er med på ferda til siste slutt. Sveineprøven er gjennomført, og Skarbø har bestått på laudabelt vis.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz/country/R & B ... og ein del anna
Skarbø skulekorps:
Skarbø skulekorps
Øyvind Skarbø, trommer, perkusjon, vibrafon og banjo; Stian Omenås, trompet, Signe Emmeluth, altsaks og elektronikk; Erik Hegdal, C-melodi-saks og klarinett; Anja Lauvdal, orgel og synth; Johan Lindström, pedal steel og gitar; Chris Holm, bass og synth; Jørgen Sandvik, Ivar og David Chelsom Vogt, vokal (1); Møhlenpris foreldrekorps.
HUBRO LC49093
Dei som knyter Øyvind Skarbø til improvisasjonsprosjekta 1982, BMX, Bly The Blyant og Inland Empire, vil få seg ei overrasking. Skarbø skulekorps er alt dei nemnde prosjekta ikkje er. Likevel har ikkje Skarbø late att improvisasjonsdøra. Med eit så flott band ville det vore stor synd.
Lappeteppe
Skarbø har spelt i skulekorps, og han grunngjev namnet og konseptet Skarbø skulekorps med den ekstreme hummar-og-kanari-tenkinga som ligg til grunn for repertoarvalet i korpsmusikken, der ein går frå John Philip Sousa til Lionel Ritchie utan å blunka. Visst er plata eit lappeteppe av sjangrar og stiluttrykk, og Skarbø legg mykje arbeid i å lekamleggjera gimmicken, men avkledd all staffasje, er dette Skarbøs sveineprøve som komponist, arrangør og produsent. Til det siste har han fått god hjelp av Jørgen Træen.
Tesla-hylling
Plata opnar med Nikola Tesla-hyllinga «1-555-3327» der Real Ones-trioen gjev til beste vokalharmoniar i beste C,S,N&Y-stil. «Turnamat» er ein funklåt som hentar inspirasjon frå Herbie Hancocks Headhunters-univers, med eit lyrisk mellomspel før korte, men fine kor av Omenås og Lauvdal. Ein klarinettintro sjøset «Pilabue», den flottaste låten på plata. Lindström understrekar dette poenget med eit strokent pedal-steel-kor. I «Farrier And The Hoof» viser komponisten Skarbø seg frå ei meir intrikat side der han blandar stilelementa elegant saman til det som står fram som det mest heilstøypte på plata.
Ikkje alt begeistrar like mykje, men Skarbø har ofte ein kompositorisk vri eller eit arrangementsgrep som gjer at ein er med på ferda til siste slutt. Sveineprøven er gjennomført, og Skarbø har bestått på laudabelt vis.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?