Vakkert, vondt og varmt
Denne Cannes-vinnaren er eit nært og nyansert drama om tenåringen som vil bli ballerina og kvinne.
Filmen om Lara (Victor Polster) er inspirert av ei sann historie.
Drama
Regi: Lukas Dhont
Girl
Med: Victor Polster, Arieh Worthalter, Oliver Bodart
Den belgiske tenåringen Lara (Polster) har store ambisjonar og vil satse alt på å bli ballerina. Samstundes tar ho hormonkur og ventar på kjønnsoperasjon. Utfordringane Lara står overfor, er store. Heldigvis har ho ein støttande far (Worthalter) og ein skjønn liten bror (Bodart), og det verkar som helsevesenet er til hjelp.
Under huda
Innanfor realistiske rammer ber Girl eit poetisk uttrykk. Ljoset er dust, og heime gjerne dunkelt. Kameraet er nært, intimt og vart, og flyt tett på den intense på dansetreninga. Lyden er full av små detaljar, gjerne av suset rundt Laras stillferdige, stilige framtoning. Ho observerer oftast stille kva folk rundt ho seier og gjer.
Tenåringsmiljø kan vere harde. Vi kjenner uroa og tiltrekkinga Lara føler blant dei andre. Ho er annleis og står utanfor i vanskelege situasjonar. Figuren er truverdig som sta og utolmodig kjekk tenåring full av motsetningar. Livet står spent på vent. Kjensler og planar passar ikkje kroppen. Ikkje enno. Kampen om kroppen toppar seg på fleire vis. Fysisk fokus i puberteten er vanskeleg nok. Ein kjønnsoperasjon er ikkje risikofri. Ballettverda er òg hard. Krava er store. Å teipe tærne og ta hòl i øyra er ikkje det verste. Vår helt kan vere nådelaus mot eigen lekam. Ho høyrer mykje på andre, men kan òg velje å ta sjansar for å nå måla sine.
Over par
Hovudpersonen passar ikkje inn i tropen «tragisk transe», men det er nok motstand. Det kan vere vetle Milo som kallar ho Victor i sinne, eller umogelege amorøse eventyr. Uro og omsorg i den vetle familien er vakkert skildra. Klassekameratane har vore på ferie i Roma og Cannes, medan ho bur i blokk, men ho har ein trygg heim.
Girl er god på mange måtar. Dansaren Victor Polster debuterer med strålande spel som Lara. Regidebutant Lukas Dhont blei inspirert av ei sann historie. Båe fekk gjæve prisar i Cannes. Filmen er visuelt vakker. Han får fram nyansar mellom vanskar og varme. Utan å røpa for mykje synest eg slutten er problematisk. Likevel sit eg igjen med nye tankar og ei filmoppleving over og utanom normalen.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Lukas Dhont
Girl
Med: Victor Polster, Arieh Worthalter, Oliver Bodart
Den belgiske tenåringen Lara (Polster) har store ambisjonar og vil satse alt på å bli ballerina. Samstundes tar ho hormonkur og ventar på kjønnsoperasjon. Utfordringane Lara står overfor, er store. Heldigvis har ho ein støttande far (Worthalter) og ein skjønn liten bror (Bodart), og det verkar som helsevesenet er til hjelp.
Under huda
Innanfor realistiske rammer ber Girl eit poetisk uttrykk. Ljoset er dust, og heime gjerne dunkelt. Kameraet er nært, intimt og vart, og flyt tett på den intense på dansetreninga. Lyden er full av små detaljar, gjerne av suset rundt Laras stillferdige, stilige framtoning. Ho observerer oftast stille kva folk rundt ho seier og gjer.
Tenåringsmiljø kan vere harde. Vi kjenner uroa og tiltrekkinga Lara føler blant dei andre. Ho er annleis og står utanfor i vanskelege situasjonar. Figuren er truverdig som sta og utolmodig kjekk tenåring full av motsetningar. Livet står spent på vent. Kjensler og planar passar ikkje kroppen. Ikkje enno. Kampen om kroppen toppar seg på fleire vis. Fysisk fokus i puberteten er vanskeleg nok. Ein kjønnsoperasjon er ikkje risikofri. Ballettverda er òg hard. Krava er store. Å teipe tærne og ta hòl i øyra er ikkje det verste. Vår helt kan vere nådelaus mot eigen lekam. Ho høyrer mykje på andre, men kan òg velje å ta sjansar for å nå måla sine.
Over par
Hovudpersonen passar ikkje inn i tropen «tragisk transe», men det er nok motstand. Det kan vere vetle Milo som kallar ho Victor i sinne, eller umogelege amorøse eventyr. Uro og omsorg i den vetle familien er vakkert skildra. Klassekameratane har vore på ferie i Roma og Cannes, medan ho bur i blokk, men ho har ein trygg heim.
Girl er god på mange måtar. Dansaren Victor Polster debuterer med strålande spel som Lara. Regidebutant Lukas Dhont blei inspirert av ei sann historie. Båe fekk gjæve prisar i Cannes. Filmen er visuelt vakker. Han får fram nyansar mellom vanskar og varme. Utan å røpa for mykje synest eg slutten er problematisk. Likevel sit eg igjen med nye tankar og ei filmoppleving over og utanom normalen.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Fleire artiklar
Eit større forsvar treng fleire folk. Neste år vil regjeringa tilføre Forsvaret 300 nye årsverk, i overkant av 400 fleire vernepliktige i førstegongsteneste og i overkant av 600 fleire reservistar. Biletet viser unge som tok del i ei opptaksprøve til bachelorutdanning i Forsvaret på Sessvollmoen i fjor.
Foto: Amanda Pedersen Giske / NTB
Mangel på personell kan bremse Forsvaret
Forsvaret er budsjettvinnar i år, men manglar fagfolk. – Vi er på grensa til ei krise, seier forbundsleiar Torbjørn Bongo.
Firda på Sandane i Nordfjord er ein av få vidaregåande skular som tilbyr både drama-, dans- og musikkfag. Elevar frå 21 kommunar søker seg hit. Likevel heng trusselen om nedlegging av linjer over han.
Foto: Firda vgs / Vestland fylkeskommune
Slaktar skular med sparekniv
Når fylkeskommunane må kutte, går det hardt ut over den vidaregåande skulen. Fag, linjer og heile skular forsvinn.
Moses i bokhandelen ved San Antonio University der han arbeider når han ikkje studerer psykologi.
Alle foto: Håvard Rem
Sekstiåttarkryptonitten
SAN ANTONIO: Unge ikkje-vestlege vert lett konservative.
Dei kjem frå tradisjonstru kulturar som ikkje dreg på vestleg skuld.
Teikning: May Linn Clement
Kommunale kvelartak
Den romslegare økonomien til folk flest vert eten opp av dei økonomiske problema til kommunane.
Dette er dei 97 gislane tekne av palestinarar 7. oktober 2023 som framleis er sakna.
Kjelde: «Hostages and Missing Families Forum»
I hendene på Hamas
For eitt år sidan bortførte terroristane meir enn 240 menneske frå Israel. Nokre er sette fri og kan fortelje om grufulle opplevingar. Andre har døydd i tunnelane til Hamas.
Papiravisa