Tru mot Dylan i tekst og temperament
Eg likar framsyninga av di ho ikkje gjer Dylan til noko han ikkje er.
Heidi Gjermundsen Broch syng «Ein kopp til med kaffi (ned i neste dal)» (Desire, 1976). I bakgrunnen perkusjonisten Erik Nylander.
Foto: Erik Berg
DET NORSKE TEATRET
Dylan på nynorsk
Vikla inn i blått
Attdikting: Tom Roger Aadland
Regi: Eirik Stubø
Institusjonsteatera treng populærmusikken. Skodespelarar med utanåtlæring som del av yrket lærer seg utanåt songar publikum alt kan utanåt. Bowie, Cohen, deLillos, Bjella, Ropstad, Eidsvåg og Tønes vert teaterkonsertar, gjerne sceniske festar.
Heidi G. Broch
Bob Dylan er ingen fest. Vikla inn i blått har ein regi like nøysam som ein av konsertane hans i Spektrum, med eit orkester av handplukka, eminente instrumentalistar, men utan prat mellom songane, utan kronologi, med gamle og mindre gamle songar om kvarandre, utan annan scenografi enn det naudsynlege, utan plot og rammeforteljing, anna enn litt spel på alder, utan publikumsfrieri og høg stemninga. Det kjennest rett.
Til skilnad frå i Spektrum er det på scenen ikkje éin, men åtte vokalistar, i sum med eit like vidt og ujamt vokaluttrykk som Dylan sjølv, frå resitasjon og revy til kabaret og musikal – og stundom konsert: Når Heidi Gjermundsen Broch står berrføtt fremst på scenekanten og syng «Ein kopp til med kaffi (ned i neste dal)» (1976), med «hebraisk» frasering som i originalen og skjelving i kroppen, er det ikkje berre verdt dei to timane pluss pause, men langt meir rocka enn songar så tungt arrangerte at attdiktinga forsvinn.
Mimmi Tamba
Lanois-Dylan, Jesus-Dylan og Sinatra-Dylan er valde bort til fordel for ei greatest hits-tilnærming. Om Dylan hadde døydd av motorsykkelulukka i 1966 eller hardkjøret i 1976, kunne framsyninga stort sett vore som ho er. I eit år då 79-åringen gjev ut eit album rekna mellom hans beste, og for fyrste gong får ein fyrsteplass på singellista til Billboard, er tre av fira songar frå 60-talet, med foto og video dominert av ein hip 25-åring.
Det er nok eit rett val, det òg. Dylan er for sær og svær til djupdykk. Og når Mimmi Tambas «Nett som ei kvinne» (1966) tek oss inn i dei store svartkvitt-fotografia frå Manhattan på bakveggen, tek ho oss samstundes med til utgjevingsåret.
Tom Roger Aadland
Ein føresetnad for framsyninga er Tom Roger Aadland, som alt har attdikta Dylan på albuma Blod på spora (2009) og Blondt i blondt (2016). Resitasjonspartia til ein suveren og personleg fraserande Bjørn Sundquist berrlegg rett nok eit og anna halvgodt, naudsynt kompromiss mellom innhald, takt og rim.
Men som artist veit Aadland å gjera Dylan songleg. «Idiot Wind» vert «Vind utan vit». Som songpoet er han av dei ytst få som ikkje nyttar dialekt eller engelsk, men skriftnorm – meisterleg. Utan han kunne framsyninga ha gått heilt gale eller helst ikkje vorte noko av.
HÅVARD REM
Håvard Rem er journalist i
Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
DET NORSKE TEATRET
Dylan på nynorsk
Vikla inn i blått
Attdikting: Tom Roger Aadland
Regi: Eirik Stubø
Institusjonsteatera treng populærmusikken. Skodespelarar med utanåtlæring som del av yrket lærer seg utanåt songar publikum alt kan utanåt. Bowie, Cohen, deLillos, Bjella, Ropstad, Eidsvåg og Tønes vert teaterkonsertar, gjerne sceniske festar.
Heidi G. Broch
Bob Dylan er ingen fest. Vikla inn i blått har ein regi like nøysam som ein av konsertane hans i Spektrum, med eit orkester av handplukka, eminente instrumentalistar, men utan prat mellom songane, utan kronologi, med gamle og mindre gamle songar om kvarandre, utan annan scenografi enn det naudsynlege, utan plot og rammeforteljing, anna enn litt spel på alder, utan publikumsfrieri og høg stemninga. Det kjennest rett.
Til skilnad frå i Spektrum er det på scenen ikkje éin, men åtte vokalistar, i sum med eit like vidt og ujamt vokaluttrykk som Dylan sjølv, frå resitasjon og revy til kabaret og musikal – og stundom konsert: Når Heidi Gjermundsen Broch står berrføtt fremst på scenekanten og syng «Ein kopp til med kaffi (ned i neste dal)» (1976), med «hebraisk» frasering som i originalen og skjelving i kroppen, er det ikkje berre verdt dei to timane pluss pause, men langt meir rocka enn songar så tungt arrangerte at attdiktinga forsvinn.
Mimmi Tamba
Lanois-Dylan, Jesus-Dylan og Sinatra-Dylan er valde bort til fordel for ei greatest hits-tilnærming. Om Dylan hadde døydd av motorsykkelulukka i 1966 eller hardkjøret i 1976, kunne framsyninga stort sett vore som ho er. I eit år då 79-åringen gjev ut eit album rekna mellom hans beste, og for fyrste gong får ein fyrsteplass på singellista til Billboard, er tre av fira songar frå 60-talet, med foto og video dominert av ein hip 25-åring.
Det er nok eit rett val, det òg. Dylan er for sær og svær til djupdykk. Og når Mimmi Tambas «Nett som ei kvinne» (1966) tek oss inn i dei store svartkvitt-fotografia frå Manhattan på bakveggen, tek ho oss samstundes med til utgjevingsåret.
Tom Roger Aadland
Ein føresetnad for framsyninga er Tom Roger Aadland, som alt har attdikta Dylan på albuma Blod på spora (2009) og Blondt i blondt (2016). Resitasjonspartia til ein suveren og personleg fraserande Bjørn Sundquist berrlegg rett nok eit og anna halvgodt, naudsynt kompromiss mellom innhald, takt og rim.
Men som artist veit Aadland å gjera Dylan songleg. «Idiot Wind» vert «Vind utan vit». Som songpoet er han av dei ytst få som ikkje nyttar dialekt eller engelsk, men skriftnorm – meisterleg. Utan han kunne framsyninga ha gått heilt gale eller helst ikkje vorte noko av.
HÅVARD REM
Håvard Rem er journalist i
Dag og Tid.
Fleire artiklar
Nicolas Leirtrø, Øyvind Leite og Amund Storløkken Åse utgjer trioen med namnet I Like to Sleep.
Foto: Sigrid Erdal
Spanande klangunivers
Trondheimstrioen har laga ei mangfaldig plate.
Isbilar er ikkje noko nytt, men heller ikkje nokon garanti for kvalitet.
Foto via Wikimedia Commons
Isbilen spelar høgt, men taper på kvalitet.
Kor mykje vatn er det eigentleg mogleg å ha i ein iskrem og framleis få han til å likne ein fløyteis?
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.