Kraftfull innsats i bagatell
Agnes Ravatns instruksjonsbok heller mot pretensiøst teater, men er framleis vittig.
Kjersti Aas Stenby framfører monologen på Det Norske Teatret.
Foto: Dag Jenssen
Det Norske
Teatret, Scene 3
Agnes Ravatn:
Operasjon Sjølvdisiplin
Dramatisering og regi:
Ingrid Weme Nilsen
Sceneansvarleg:
Ola Erik Blæsterdalen
Boka til Agnes Ravatn om den maktstelande digitale folkesjuka har vore eit velretta spark til det moderne kvardagsmennesket, eit tiltrengt korrektiv for nokon kvar av oss. Boka er jo faktisk artiklar frå Dag og Tid, og det er det grunn til å vere nøgd med. Mange lurte nok på korleis ei slik bok, eigentleg eit foredrag i bokform, kunne bli teater, i utgangspunktet heilt utan episk handling og dramatisk effekt.
Framsyninga som no går på Det Norske Teatret, har òg hatt ein trong fødsel. Tre veker før premieren heiv både regissør og opphavleg skodespelar inn handduken. Ingrid Weme Nilsen, som hadde dramatisert boka, tok over regien, og den unge Kjersti Aas Stenby overtok skodespelarjobben. For dette er, naturleg nok, eit monologstykke.
Tredelt
Framsyninga er tredelt, og vi får vite at det er vitskapleg prova at arbeids- og konsentrasjonsevna vår er best i berre 25 minutt om gongen. Difor får vi fem minutt pause to gonger i framsyninga, båe gonger etter 25 minutt. Og da får vi lov, seier kvinna på scena, å leike så mykje vi vil med mobilane våre. I fyrste delen er ho (Stenby) mest autoritært læraraktig, der ho kjem med monsterhanskar på hendene (for at ho ikkje skal taste på noko) og elles heilt vanlege klede, medan scenebakgrunnen er eit slags drivhusaktig planterike, stikkord natur kontra kultur. I andre delen finn ho seg i eit stoveinteriør der det bognar av freistingar og distraksjonselement som ho sjølvsagt vert overstyrt av, samstundes som ho framleis føreles frenetisk om det viktige i å sjølvstyre seg. I tredje og siste delen opptrer ho pantomimisk, medan filosofen Senecas brev om sjølvkontroll kjem i brokkar på bakveggen.
Uttrykksfullt talent
Både verbalt og plastisk syner Kjersti Aas Stenby eit stort og uttrykksfullt talent i formidlinga av teksten til Ravatn, som i det heile er godt ivareteke i dramatiseringa. Det einaste som vantar, og som til slutt likevel gjer framsyninga mindre viktig enn boka, er at forfattaren har ein tilbakelent ironi som berre er hennar. Denne dimensjonen går eigentleg tapt, og da er det stundom fare for at formuleringane går mot det pompøse meir enn mot det morosame. Men keisam er framsyninga i alle høve ikkje.
Bent Kvalvik
Bent Kvalvik er filmarkivar og fast teatermeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Det Norske
Teatret, Scene 3
Agnes Ravatn:
Operasjon Sjølvdisiplin
Dramatisering og regi:
Ingrid Weme Nilsen
Sceneansvarleg:
Ola Erik Blæsterdalen
Boka til Agnes Ravatn om den maktstelande digitale folkesjuka har vore eit velretta spark til det moderne kvardagsmennesket, eit tiltrengt korrektiv for nokon kvar av oss. Boka er jo faktisk artiklar frå Dag og Tid, og det er det grunn til å vere nøgd med. Mange lurte nok på korleis ei slik bok, eigentleg eit foredrag i bokform, kunne bli teater, i utgangspunktet heilt utan episk handling og dramatisk effekt.
Framsyninga som no går på Det Norske Teatret, har òg hatt ein trong fødsel. Tre veker før premieren heiv både regissør og opphavleg skodespelar inn handduken. Ingrid Weme Nilsen, som hadde dramatisert boka, tok over regien, og den unge Kjersti Aas Stenby overtok skodespelarjobben. For dette er, naturleg nok, eit monologstykke.
Tredelt
Framsyninga er tredelt, og vi får vite at det er vitskapleg prova at arbeids- og konsentrasjonsevna vår er best i berre 25 minutt om gongen. Difor får vi fem minutt pause to gonger i framsyninga, båe gonger etter 25 minutt. Og da får vi lov, seier kvinna på scena, å leike så mykje vi vil med mobilane våre. I fyrste delen er ho (Stenby) mest autoritært læraraktig, der ho kjem med monsterhanskar på hendene (for at ho ikkje skal taste på noko) og elles heilt vanlege klede, medan scenebakgrunnen er eit slags drivhusaktig planterike, stikkord natur kontra kultur. I andre delen finn ho seg i eit stoveinteriør der det bognar av freistingar og distraksjonselement som ho sjølvsagt vert overstyrt av, samstundes som ho framleis føreles frenetisk om det viktige i å sjølvstyre seg. I tredje og siste delen opptrer ho pantomimisk, medan filosofen Senecas brev om sjølvkontroll kjem i brokkar på bakveggen.
Uttrykksfullt talent
Både verbalt og plastisk syner Kjersti Aas Stenby eit stort og uttrykksfullt talent i formidlinga av teksten til Ravatn, som i det heile er godt ivareteke i dramatiseringa. Det einaste som vantar, og som til slutt likevel gjer framsyninga mindre viktig enn boka, er at forfattaren har ein tilbakelent ironi som berre er hennar. Denne dimensjonen går eigentleg tapt, og da er det stundom fare for at formuleringane går mot det pompøse meir enn mot det morosame. Men keisam er framsyninga i alle høve ikkje.
Bent Kvalvik
Bent Kvalvik er filmarkivar og fast teatermeldar i Dag og Tid.
Både verbalt og plastisk syner Stenby eit stort og uttrykksfull talent i formidlinga av teksten til Ravatn.
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?