Ein tragedie med smil i
Nationaltheatret byr på ei vemodig–sjarmerande klassikarfortolking.
Bjarte Hjelmeland og Andrea Bræin Hovig spelar hovudrollene i stykket.
Foto: Nationaltheatret
Nationaltheatret
Edmond Rostand:
Cyrano (Cyrano de Bergerac)
Omsett av Olav Torbjørn Skare
Tilrettelegging og regi: Kjetil Bang-Hansen
Scenografi: John-Kristian Alsaker
Ein kan nok undre seg på kvifor Beauty and the Beast-motivet alltid har fengsla oss så sterkt, heilt frå eldgamle eventyr og legender til nyare romanar, skodespel og filmar. Men vi kjem vel ikkje unna at det overflatisk vakre kan villeie oss den dag i dag, og at vi ved det kan verte blinde for mykje anna vi burde sjå. Og samstundes er utsjånad meir enn berre overflate. Det er kroppsspråk, det er utstråling. Tilsvarande dette er skodespelet Cyrano de Bergerac gamalmodig på overflata, men aktuelt når det gjeld innhald og appellerande til alle tider. Det er det òg no, på Nationaltheatret.
Tre tidsaldrar
Den franske adelsmannen og offiseren Cyrano de Bergerac er eit intellektuelt, fysisk og kjenslevart overskotsmenneske. Han kan fikse alt, berre ikkje få kvinna han elskar. Eit handikap, for stor nase, gjer at han ikkje reknar med å kunne elskast. I staden legg han alt til rette for at ho han elskar, skal få den ho sjølv er forelska i. Det vert eit mangslunge drama med ein hjarteskjerande slutt. Men Cyrano går ut av det med ære.
Det er minst tre tidsaldrar som skal møtast når ein i 2018 speler eit stykke frå 1897 som går føre seg på 1600-talet. På Nationaltheatret har ein teke denne utfordringa bokstaveleg, ikkje eigentleg med tanke på teksten, men i scenografi og kostyme får vi litt av dette og litt av hint, noko gamalt, noko nytt. Det fungerer stort sett godt, unnateke musikkbruken, som ofte er for openlyst klisjéaktig. Vi treng ikkje høyre franske viser og slagerar frå 60-åra for å skjøne at vi er i Frankrike. Men scenebiletet, som bryt mellom folkeleg og høgborgarleg stil, er heile tida fint.
Gode skodespelarar
Elles merkar ein endå ein gong i kva grad Kjetil Bang-Hansen er skodespelarane sin instruktør. Med ein finslipt sceneartist som Bjarte Hjelmeland i tittelrolla kan det heller ikkje gå gale. Her er det mange store ord og høge fakter, men ikkje ei einaste overdriving. Ein bråvakker – ja, nett vakker – prestasjon. Poetisk ljos er det òg over Andrea Bræin Hovig som den elska Roxanne og Kristian Støvind som kjærasten hennar. Komisk krydder får vi elles frå Kim Haugen, Anne Krigsvoll og andre.
Ei frisk, ny omsetjing av Olav Torbjørn Skare gir ei gledeleg påminning om at gode aleksandrinar på norsk ikkje døydde med André Bjerke og Halldis Moren Vesaas.
Bent Kvalvik
Bent Kvalvik er filmarkivar og fast teatermeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Nationaltheatret
Edmond Rostand:
Cyrano (Cyrano de Bergerac)
Omsett av Olav Torbjørn Skare
Tilrettelegging og regi: Kjetil Bang-Hansen
Scenografi: John-Kristian Alsaker
Ein kan nok undre seg på kvifor Beauty and the Beast-motivet alltid har fengsla oss så sterkt, heilt frå eldgamle eventyr og legender til nyare romanar, skodespel og filmar. Men vi kjem vel ikkje unna at det overflatisk vakre kan villeie oss den dag i dag, og at vi ved det kan verte blinde for mykje anna vi burde sjå. Og samstundes er utsjånad meir enn berre overflate. Det er kroppsspråk, det er utstråling. Tilsvarande dette er skodespelet Cyrano de Bergerac gamalmodig på overflata, men aktuelt når det gjeld innhald og appellerande til alle tider. Det er det òg no, på Nationaltheatret.
Tre tidsaldrar
Den franske adelsmannen og offiseren Cyrano de Bergerac er eit intellektuelt, fysisk og kjenslevart overskotsmenneske. Han kan fikse alt, berre ikkje få kvinna han elskar. Eit handikap, for stor nase, gjer at han ikkje reknar med å kunne elskast. I staden legg han alt til rette for at ho han elskar, skal få den ho sjølv er forelska i. Det vert eit mangslunge drama med ein hjarteskjerande slutt. Men Cyrano går ut av det med ære.
Det er minst tre tidsaldrar som skal møtast når ein i 2018 speler eit stykke frå 1897 som går føre seg på 1600-talet. På Nationaltheatret har ein teke denne utfordringa bokstaveleg, ikkje eigentleg med tanke på teksten, men i scenografi og kostyme får vi litt av dette og litt av hint, noko gamalt, noko nytt. Det fungerer stort sett godt, unnateke musikkbruken, som ofte er for openlyst klisjéaktig. Vi treng ikkje høyre franske viser og slagerar frå 60-åra for å skjøne at vi er i Frankrike. Men scenebiletet, som bryt mellom folkeleg og høgborgarleg stil, er heile tida fint.
Gode skodespelarar
Elles merkar ein endå ein gong i kva grad Kjetil Bang-Hansen er skodespelarane sin instruktør. Med ein finslipt sceneartist som Bjarte Hjelmeland i tittelrolla kan det heller ikkje gå gale. Her er det mange store ord og høge fakter, men ikkje ei einaste overdriving. Ein bråvakker – ja, nett vakker – prestasjon. Poetisk ljos er det òg over Andrea Bræin Hovig som den elska Roxanne og Kristian Støvind som kjærasten hennar. Komisk krydder får vi elles frå Kim Haugen, Anne Krigsvoll og andre.
Ei frisk, ny omsetjing av Olav Torbjørn Skare gir ei gledeleg påminning om at gode aleksandrinar på norsk ikkje døydde med André Bjerke og Halldis Moren Vesaas.
Bent Kvalvik
Bent Kvalvik er filmarkivar og fast teatermeldar i Dag og Tid.
Fleire artiklar
Teikning: May Linn Clement
Å forveksla aggressor med forsvarar
«Etter at Putin kom til makta hausten 1999, har Russland ført ei heil rad med krigar.»
Den nyfødde kalven.
Foto: Hilde Lussand Selheim
Ei ny Ameline er fødd
Vårsøg – også kalla Tripso sidan ho var så skvetten som ung, spissa øyro for ingenting og trippa med beina inn og ut av fjøset – fekk ein ny kalv natt til 13. mai.
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.