Signe Seim (1929–2023)
Signe Seim.
Foto: Privat
I dag vert lyrikaren Signe Seim gravlagd frå Vangskyrkja på Voss. Ho ville ha fylt 94 år i mai.
Signe Seim debuterte i 1960 med diktsamlinga Trø varleg, min fot. Samlinga kom ut på Fonna Forlag. Ho kom deretter ut med åtte diktsamlingar, men ho gav òg ut barnebøker, ein roman og korte skodespel.
Signe Seim var utdanna lærar og var i fleire år ved barneskulen i Leveld i Ål i Hallingdal. Elevar eg kjenner som hadde Signe Seim frå 1. klasse, fortel at dei ikkje kunne hatt ein tryggare skulestart enn gjennom henne. Lærarbakgrunnen var medverkande til at ho gav ut emnehefte både om Per Sivle og Ivar Aasen.
Diktopplesing med Signe Seim var mitt fyrste møte med lyrikk. Om eg ikkje alltid skjøna djupna i dikta, greip dei meg. Framføringa kom innanfrå, rett frå kjelda. Ein måtte høyra etter, også som rastlaus tenåring. Signe Seim hadde ei mild framtoning og samstundes ein styrke både personleg og i dikta ho skreiv.
I 1997 kom Åleine med orda. Dikt i samling. Lyrikaren Magne Myhra har skrive etterordet. Han skriv: «I si dikting vil ho verna det veike og stillferdige, gje ord til det tagale og lidande, protestera mot det urettferdige og hylla det enkle og jordnære. I hennar diktarverd lyder ei uskriven etisk lov: Du skal vera tru mot mennesket.»
Ein annan diktar, Olav H. Hauge, skriv i dagboka i 1966, då Signe Seim kom med samlinga I stillaste timen: «Fine dikt! Dei verkar so ekte, so ekte.»
Då eg var ung, sende eg inn eit dikt av Signe Seim til Ønskediktet i NRK og fekk det opplese. Det er eit dikt frå ei mor til ei dotter. Når eg les diktet, vil eg alltid kunna høyra den varme røysta til Signe Seim.
Ingvild Bryn
Gråt vesle dotter
Gråt vesle dotter, eg held kring deg.
Tårene dine skal renna
til kjelda i brystet har tømt sitt mål.
Sorga er vond å kjenna.
Dagen har rispa ditt vare sinn.
Kvelden legg svie i såret,
og natta som inga miskunn veit om
kan ikkje turka ei tåre.
Døra er stengd til ditt inste rom
og stengd må ho også få vera,
for det som høgg tungt i hjarta ditt no,
einaste du kan bera.
Kunne eg trøysta deg no i kveld
med ord som var mjuke og linne
og velja dei finaste som er til,
kviskra dei stilt mot kinnet.
Sjølv har eg ein gong vore som du.
Gråt vesle dotter, eg teier.
Kjærleik og sorg har så audmjuke ord,
slike me sjeldan seier.
Gråt vesle dotter, eg græt med deg.
Frå Sju frostnetter, Samlaget 1979
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I dag vert lyrikaren Signe Seim gravlagd frå Vangskyrkja på Voss. Ho ville ha fylt 94 år i mai.
Signe Seim debuterte i 1960 med diktsamlinga Trø varleg, min fot. Samlinga kom ut på Fonna Forlag. Ho kom deretter ut med åtte diktsamlingar, men ho gav òg ut barnebøker, ein roman og korte skodespel.
Signe Seim var utdanna lærar og var i fleire år ved barneskulen i Leveld i Ål i Hallingdal. Elevar eg kjenner som hadde Signe Seim frå 1. klasse, fortel at dei ikkje kunne hatt ein tryggare skulestart enn gjennom henne. Lærarbakgrunnen var medverkande til at ho gav ut emnehefte både om Per Sivle og Ivar Aasen.
Diktopplesing med Signe Seim var mitt fyrste møte med lyrikk. Om eg ikkje alltid skjøna djupna i dikta, greip dei meg. Framføringa kom innanfrå, rett frå kjelda. Ein måtte høyra etter, også som rastlaus tenåring. Signe Seim hadde ei mild framtoning og samstundes ein styrke både personleg og i dikta ho skreiv.
I 1997 kom Åleine med orda. Dikt i samling. Lyrikaren Magne Myhra har skrive etterordet. Han skriv: «I si dikting vil ho verna det veike og stillferdige, gje ord til det tagale og lidande, protestera mot det urettferdige og hylla det enkle og jordnære. I hennar diktarverd lyder ei uskriven etisk lov: Du skal vera tru mot mennesket.»
Ein annan diktar, Olav H. Hauge, skriv i dagboka i 1966, då Signe Seim kom med samlinga I stillaste timen: «Fine dikt! Dei verkar so ekte, so ekte.»
Då eg var ung, sende eg inn eit dikt av Signe Seim til Ønskediktet i NRK og fekk det opplese. Det er eit dikt frå ei mor til ei dotter. Når eg les diktet, vil eg alltid kunna høyra den varme røysta til Signe Seim.
Ingvild Bryn
Gråt vesle dotter
Gråt vesle dotter, eg held kring deg.
Tårene dine skal renna
til kjelda i brystet har tømt sitt mål.
Sorga er vond å kjenna.
Dagen har rispa ditt vare sinn.
Kvelden legg svie i såret,
og natta som inga miskunn veit om
kan ikkje turka ei tåre.
Døra er stengd til ditt inste rom
og stengd må ho også få vera,
for det som høgg tungt i hjarta ditt no,
einaste du kan bera.
Kunne eg trøysta deg no i kveld
med ord som var mjuke og linne
og velja dei finaste som er til,
kviskra dei stilt mot kinnet.
Sjølv har eg ein gong vore som du.
Gråt vesle dotter, eg teier.
Kjærleik og sorg har så audmjuke ord,
slike me sjeldan seier.
Gråt vesle dotter, eg græt med deg.
Frå Sju frostnetter, Samlaget 1979
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?