Prisdryss til musikalMusikalen The Book of Mormon fekk tre heddaprisar.TeaterEva Aalberg Undheimeva@dagogtid.no

Den satiriske musikalen The Book of Mormon er tildelt heddapris for årets framsyning, beste mannlege medspelar og beste scenetekst. Heddaprisen, som er bransjeprisen til teatra, vart delt ut på Oslo Nye Teater sundag.

The Book of Mormon har gått for fulle hus på Det Norske Teatret sidan premieren i september i fjor, og billettar blir no selde fram til januar og februar 2019. Musikalen har òg hatt suksess i byar som New York og London, men den norske oppsetninga som får prisen, er langt meir enn ei tilpassing av den internasjonale suksessen, ifølgje juryen for Heddaprisen.

Det er Trey Parker, Robert Lopez og Matt Stone som har laga musikalen, og Vidar Magnussen som har regi.

Are Kalvø fekk prisen for beste scenetekst for omsetjinga av musikalen frå amerikansk til norsk. Preben Hodneland, som spelar mormonaren eldste McKinley, fekk prisen for beste mannlege medspelar.

Heddaprisen er delt ut årleg sidan 1998, og han kan delast ut i inntil tolv kategoriar i tillegg til ein ærespris. Ragne Grande fekk prisen for beste kvinnelege hovudrolle for rolla som Laura Wingfield i Glassmenasjeriet på Trøndelag Teater. Herman Sabado fekk pris for beste mannlege skodespelar, for rolla som Prior Walter i Engler i Amerika på Nationaltheatret.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare