Utilslørt og tilbakelent
Rosalía lagar silkemjuk avantgardepop iført dundyne.
Rosalia då ho song på Saturday Night Live.
Skjermdump
Pop
Rosalía:
Motomami
Columbia Records
Då den spanske artisten Rosalía nyleg opptredde på Saturday Night Live, stilte ho iført ei kåpe som likna ei dundyne og med eit dusjsklimatteaktig slør. Motomami er det tredje albumet hennar.
Komposisjonane bruker element frå pop-, tradisjons- og dansemusikk og blir til tidsriktige, meiningsfylte collagar ved hjelp av eksperimentell produksjon. Legg til dømes merke til frijazzsamplingane i songen «Saoko» og den hektiske perkusjonen mot slutten av balladen «Hentai». «Delirio de Grandeza» spelar på flamencotradisjonen, og på «G3N15» deler ei eldre kvinne livsvisdom om familie og kultur – trur eg.
Rosalías stemmeprakt er gedigen, og ho brukar autotune og andre effektar ein kan kjenne att frå samtidig musikk, på svært smakfullt vis. Sjølv lydar som normalt ville bli kategorisert som digitale «feil», er sette i høgsetet her og blir brukte på kreativt, velklingande vis.
I sin omgang med klisjear knytte til at kvinnelege popartistar ofte blir skulda for å «spele på» sex, minner dei snedige musikkvideoane om Megan Thee Stallions framifrå antiperverse kvinnemaktpopkunstverk frå i fjor, «Thoth Shit»: Det heile ser ut til å ha noko med makt og tryggleik å gjere.
Sjølv om eg ikkje er stødig i spansk, får eg med meg ord som transformacione og hentai (japansk: pervers), og etter to år med sosial distanse i ei tid då uretten i det globale samfunnet blir stadig tydelegare, får sidestillinga av motiv som heim, kultur, tryggleik og tilhøyrsle nye lag av meining.
Og kva er ei dyne? Omsluttande, varm og tung, iallfall den typen dobbel dundyne Rosalías SNL-kåpe, utan trekk, ser ut som, utilslørt og blottlagd: Alle desse adjektiva passar til meisterverket Motomami.
Rasmus Hungnes
Rasmus Hungnes er tromme-
slagar, dj, kunstnar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop
Rosalía:
Motomami
Columbia Records
Då den spanske artisten Rosalía nyleg opptredde på Saturday Night Live, stilte ho iført ei kåpe som likna ei dundyne og med eit dusjsklimatteaktig slør. Motomami er det tredje albumet hennar.
Komposisjonane bruker element frå pop-, tradisjons- og dansemusikk og blir til tidsriktige, meiningsfylte collagar ved hjelp av eksperimentell produksjon. Legg til dømes merke til frijazzsamplingane i songen «Saoko» og den hektiske perkusjonen mot slutten av balladen «Hentai». «Delirio de Grandeza» spelar på flamencotradisjonen, og på «G3N15» deler ei eldre kvinne livsvisdom om familie og kultur – trur eg.
Rosalías stemmeprakt er gedigen, og ho brukar autotune og andre effektar ein kan kjenne att frå samtidig musikk, på svært smakfullt vis. Sjølv lydar som normalt ville bli kategorisert som digitale «feil», er sette i høgsetet her og blir brukte på kreativt, velklingande vis.
I sin omgang med klisjear knytte til at kvinnelege popartistar ofte blir skulda for å «spele på» sex, minner dei snedige musikkvideoane om Megan Thee Stallions framifrå antiperverse kvinnemaktpopkunstverk frå i fjor, «Thoth Shit»: Det heile ser ut til å ha noko med makt og tryggleik å gjere.
Sjølv om eg ikkje er stødig i spansk, får eg med meg ord som transformacione og hentai (japansk: pervers), og etter to år med sosial distanse i ei tid då uretten i det globale samfunnet blir stadig tydelegare, får sidestillinga av motiv som heim, kultur, tryggleik og tilhøyrsle nye lag av meining.
Og kva er ei dyne? Omsluttande, varm og tung, iallfall den typen dobbel dundyne Rosalías SNL-kåpe, utan trekk, ser ut som, utilslørt og blottlagd: Alle desse adjektiva passar til meisterverket Motomami.
Rasmus Hungnes
Rasmus Hungnes er tromme-
slagar, dj, kunstnar og fast musikkmeldar i Dag og Tid.
Fleire artiklar
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.