Underlege idear
John Jenkins’ gambemusikk krev sitt både av utøvarar og lyttarar.
Phantasm spelar gambemusikk av engelske John Jenkins (1592–1678).
Foto: Marco Borggreve
CD
John Jenkins:
Four-Part Consorts
Phantasm. Linn 2022
Sidan den kritikarroste debuten med Henry Purcells Fantasias på det norske plateselskapet Simax i 1995 har det engelske ensemblet Phantasm kome med to dusin album. Utgjevingane held eit imponerande jamt høgt teknisk nivå. Karakteristisk for programmeringa er at det meste er engelsk repertoar, at heile verkgrupper eller verksamlingar av einskildkomponistar blir presenterte, og at innføringstekstane i plateomslaga er skrivne med vitskapleg presisjon.
Skribenten er ensemblets primus motor: gambespelaren Laurence Dreyfus, som også er professor i musikkvitskap i Oxford. Han er ein utprega perfeksjonist med sans for systematikk i musikken. Også på den nye plata presenterer han komposisjonar der det rasjonelle styrer uttrykket, nemleg komplisert polyfoni (fleire sjølvstendige stemmer) av John Jenkins, som levde i England på det politisk og kulturelt omskiftelege 1600-talet.
Fantasiar
Phantasm er eit såkalla gambeconsort, eit omgrep som – til liks med strykekvartett – kan tyda to ting: For det fyrste ei ensembleform med strykeinstrumentet gambe (eigentleg viola da gamba, «beinfele» på italiensk), som var særs populær i England frå slutten av 1500-talet til slutten av 1600-talet. Og for det andre komposisjonar for denne ensembleforma.
Jenkins’ firestemmige consortstykke er sett saman av enkeltsatsar kalla Fantasy, ei komposisjonsform som opphavleg var instrumentale versjonar av 1500-talskormusikk. Dei strukturelle ideala i vokalpolyfonien lever vidare i Jenkins’ gambefantasiar frå 1620-åra, for dei fire einskildstemmene blir handsama likeverdig. Innsatsane kjem i tur og orden etter kvarande og utfaldar seg i jamn, roleg puls.
Stutte tema
Denne rolege flyten får Phantasm godt til. Jenkins’ musikalske tema er underleg stutte og lite songlege. Dette er langt frå seinbarokkens ideal når det gjeld gode fugetema (hjå seinare komponistar som Vivaldi, Händel og J.S. Bach er det jo ofte tale om ordentlege melodiar). Jenkins’ tema er derimot ofte berre sett saman av fire–fem tonar; dei er meir som melodiske og harmoniske figurar eller motiv å rekna, og det er kombinasjonen av stemmer som er det kompositoriske poenget. Å få til god flyt i framføringa er altså krevjande. Det krev også sitt av lyttaren, for på overflata er det er noko monotont ved Jenkins’ stil. Eg, i alle høve, trong litt tid for å venna meg til toneverda hans og oppfatta nyansane skikkeleg. Men Phantasms avvekslingsrike artikulasjon – evna musikarane syner til å poengtera det viktige gjennom frasering og dynamikk – opnar dørene til byggverk fulle av originale og vakre detaljar.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
CD
John Jenkins:
Four-Part Consorts
Phantasm. Linn 2022
Sidan den kritikarroste debuten med Henry Purcells Fantasias på det norske plateselskapet Simax i 1995 har det engelske ensemblet Phantasm kome med to dusin album. Utgjevingane held eit imponerande jamt høgt teknisk nivå. Karakteristisk for programmeringa er at det meste er engelsk repertoar, at heile verkgrupper eller verksamlingar av einskildkomponistar blir presenterte, og at innføringstekstane i plateomslaga er skrivne med vitskapleg presisjon.
Skribenten er ensemblets primus motor: gambespelaren Laurence Dreyfus, som også er professor i musikkvitskap i Oxford. Han er ein utprega perfeksjonist med sans for systematikk i musikken. Også på den nye plata presenterer han komposisjonar der det rasjonelle styrer uttrykket, nemleg komplisert polyfoni (fleire sjølvstendige stemmer) av John Jenkins, som levde i England på det politisk og kulturelt omskiftelege 1600-talet.
Fantasiar
Phantasm er eit såkalla gambeconsort, eit omgrep som – til liks med strykekvartett – kan tyda to ting: For det fyrste ei ensembleform med strykeinstrumentet gambe (eigentleg viola da gamba, «beinfele» på italiensk), som var særs populær i England frå slutten av 1500-talet til slutten av 1600-talet. Og for det andre komposisjonar for denne ensembleforma.
Jenkins’ firestemmige consortstykke er sett saman av enkeltsatsar kalla Fantasy, ei komposisjonsform som opphavleg var instrumentale versjonar av 1500-talskormusikk. Dei strukturelle ideala i vokalpolyfonien lever vidare i Jenkins’ gambefantasiar frå 1620-åra, for dei fire einskildstemmene blir handsama likeverdig. Innsatsane kjem i tur og orden etter kvarande og utfaldar seg i jamn, roleg puls.
Stutte tema
Denne rolege flyten får Phantasm godt til. Jenkins’ musikalske tema er underleg stutte og lite songlege. Dette er langt frå seinbarokkens ideal når det gjeld gode fugetema (hjå seinare komponistar som Vivaldi, Händel og J.S. Bach er det jo ofte tale om ordentlege melodiar). Jenkins’ tema er derimot ofte berre sett saman av fire–fem tonar; dei er meir som melodiske og harmoniske figurar eller motiv å rekna, og det er kombinasjonen av stemmer som er det kompositoriske poenget. Å få til god flyt i framføringa er altså krevjande. Det krev også sitt av lyttaren, for på overflata er det er noko monotont ved Jenkins’ stil. Eg, i alle høve, trong litt tid for å venna meg til toneverda hans og oppfatta nyansane skikkeleg. Men Phantasms avvekslingsrike artikulasjon – evna musikarane syner til å poengtera det viktige gjennom frasering og dynamikk – opnar dørene til byggverk fulle av originale og vakre detaljar.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Fleire artiklar
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Foto: Hatem Khaled / NTB
Krasnik og eg
Dei som følger debatten, kan sjå to ulike haldningar til Israel og Palestina utfalde seg.