Truverdige tolkingar
Mezzosopranen Marianne Beate Kielland er suveren i Sibelius’ orkestersongar.
Mezzosopranen Marianne Beate Kielland.
Foto: Liv Øvland
CD
Jean
Sibelius:
Orchestral Songs
Marianne
Beate Kielland, mezzosopran; Kringkastingsorkesteret; dir.: Petr Popelka. Lawo 2022
Jean Sibelius er Finlands nasjonalkomponist. Eg spurde for nokre år sidan ein kompetent finne om han er like viktig for dei som Grieg for oss. «Viktigare», svarte han, for sjølv om Grieg òg kjempa for nasjonalt sjølvstende, høyrde han 1800-talet til og døydde to år etter unionsoppløysinga. Den drygt 20 år yngre Sibelius kjempa òg for sjølvstende på 1800-talet, men han levde så skammeleg lenge, heilt til slutten av 1950-åra. Det at han verka over fleire generasjonar, og at der framleis finst folk som møtte han personleg, gjer at finnane har ei heilt anna kjensle av å «kjenna» han, fekk eg vita.
Effektiv orkestrering
Sibelius kom til verda i 1865 i det som den gong var Storfyrstedømmet Finland, ein del av det russiske keisardømmet. Han voks opp i ein svenskspråkleg familie, noko som syner seg i repertoaret på Marianne Beate Kiellands album med 18 orkestersongar. Her er nemleg berre to av songane på finsk, og resten på svensk, med poesi av mellom andre Johan Ludvig Runeberg (1804–1877), Finlands nasjonalskald.
Sibelius skreiv over 100 songar, dei aller fleste med klaverakkompagnement, men somme arbeidde han seinare om for orkester. Seks slike «originalorkestreringar» er med på plata, resten er gjorde av andre. Generelt kan ein seia at teksturen i orkesterparten er økonomisk og effektiv og langt slankare instrumentert enn til dømes hjå Gustav Mahler. Kringkastingsorkesteret under tsjekkaren Petr Popelka er eit godt medium. Saman målar dei inntrykksmetta klangbilete av lyse draumar i polare sommarnetter, og samsamspelet og intonasjonen – spesielt i soloinstrumenta – sit jamt over som dei skal.
Suveren mezzo
Men det er mezzosopranen som gjer plata verkeleg god. Kielland har uvanleg jamn og konsentrert klangkvalitet gjennom heile registeret. Vibratobruken hennar er sparsam, noko som i kombinasjon med den tydelege diksjonen gjer orda skjønelege. Tolkingane verkar truverdige, for ho er ein intelligent songar som har sett seg inn i både språka og poesien. Somme av dikta i omslagsheftet har ho sjølv omsett.
Medan eg lytta til albumet, blei eg merksam på kor kjenslevar Sibelius var for poesien, og det overraskar korleis han ofte overlèt det musikalske til songaren. Orkesteret er gjerne berre eit bakteppe, og knapt nok det, som i Höstkvell frå op. 38 (1903), der lange parti er heilt solistiske. Orkesteret kjem berre inn med nokre akkordar her og der for å støtta harmonisk opp under melodien, eller det bivrar svakt på akkordtonar i bakgrunnen. Framdrifta lyt solisten sørga for. Dette gjev Kielland høve til å briljera med sin finaste fraseringskunst.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
CD
Jean
Sibelius:
Orchestral Songs
Marianne
Beate Kielland, mezzosopran; Kringkastingsorkesteret; dir.: Petr Popelka. Lawo 2022
Jean Sibelius er Finlands nasjonalkomponist. Eg spurde for nokre år sidan ein kompetent finne om han er like viktig for dei som Grieg for oss. «Viktigare», svarte han, for sjølv om Grieg òg kjempa for nasjonalt sjølvstende, høyrde han 1800-talet til og døydde to år etter unionsoppløysinga. Den drygt 20 år yngre Sibelius kjempa òg for sjølvstende på 1800-talet, men han levde så skammeleg lenge, heilt til slutten av 1950-åra. Det at han verka over fleire generasjonar, og at der framleis finst folk som møtte han personleg, gjer at finnane har ei heilt anna kjensle av å «kjenna» han, fekk eg vita.
Effektiv orkestrering
Sibelius kom til verda i 1865 i det som den gong var Storfyrstedømmet Finland, ein del av det russiske keisardømmet. Han voks opp i ein svenskspråkleg familie, noko som syner seg i repertoaret på Marianne Beate Kiellands album med 18 orkestersongar. Her er nemleg berre to av songane på finsk, og resten på svensk, med poesi av mellom andre Johan Ludvig Runeberg (1804–1877), Finlands nasjonalskald.
Sibelius skreiv over 100 songar, dei aller fleste med klaverakkompagnement, men somme arbeidde han seinare om for orkester. Seks slike «originalorkestreringar» er med på plata, resten er gjorde av andre. Generelt kan ein seia at teksturen i orkesterparten er økonomisk og effektiv og langt slankare instrumentert enn til dømes hjå Gustav Mahler. Kringkastingsorkesteret under tsjekkaren Petr Popelka er eit godt medium. Saman målar dei inntrykksmetta klangbilete av lyse draumar i polare sommarnetter, og samsamspelet og intonasjonen – spesielt i soloinstrumenta – sit jamt over som dei skal.
Suveren mezzo
Men det er mezzosopranen som gjer plata verkeleg god. Kielland har uvanleg jamn og konsentrert klangkvalitet gjennom heile registeret. Vibratobruken hennar er sparsam, noko som i kombinasjon med den tydelege diksjonen gjer orda skjønelege. Tolkingane verkar truverdige, for ho er ein intelligent songar som har sett seg inn i både språka og poesien. Somme av dikta i omslagsheftet har ho sjølv omsett.
Medan eg lytta til albumet, blei eg merksam på kor kjenslevar Sibelius var for poesien, og det overraskar korleis han ofte overlèt det musikalske til songaren. Orkesteret er gjerne berre eit bakteppe, og knapt nok det, som i Höstkvell frå op. 38 (1903), der lange parti er heilt solistiske. Orkesteret kjem berre inn med nokre akkordar her og der for å støtta harmonisk opp under melodien, eller det bivrar svakt på akkordtonar i bakgrunnen. Framdrifta lyt solisten sørga for. Dette gjev Kielland høve til å briljera med sin finaste fraseringskunst.
Sjur Haga Bringeland
Sjur Haga Bringeland er musikar, musikkvitar og fast musikkmeldar i Dag og Tid.
Fleire artiklar
Penélope Cruz i rolla som mor til Adriana eller Andrea, spelt av Luana Giuliani.
Foto: Wildside
Roma – ein lukka by
Filmmelding: Italiensk oppvekstdrama sveipt i 70-talet skildrar tronge kjønnsnormer og fridomstrong.
Studentar på Universitetsbiblioteket på Blindern i Oslo.
Foto: Håkon Mosvold Larsen / NTB
Ja til skule, nei til studentfabrikk
Diverre er samarbeidet mellom skulen og høgre utdanningsinstitusjonar ofte dårleg.
Ein soldat ber eit portrett av den drepne våpenbroren og aktivisten Pavel Petrisjenko i gravferdsseremonien hans i Kyiv 19. april. Petrisjenko døydde i kamp mot russiske okkupantar aust i Ukraina. Han er tidlegare omtalt i denne spalta fordi han arbeidde for å stogge pengespel som finansiering av det ukrainske forsvaret.
Foto: Valentyn Ogirenko / Reuters / NTB
Hagen til Kvilinskyj finst ikkje lenger
Alle historier, det gjeld òg dei som ser ut til å ha nådd slutten, har eit framhald.
Christine Hope, Thomas Bye og Gisle Børge Styve står på scenen i revyen om E16.
Foto: Andreas Roksvåg
Syltynt
E16 Dødsvegen er ei framsyning som har lite å melde – og som melder det i over halvannan time.
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.