Tidløysa lækjer sjela
Den svenske popdivaa Zara Larsson tek for seg høgtid og minne på ein ny EP.
POP
Zara Larsson
Honor the Light
Epic Records
«So I walk myself down memory lane», song Zara Larsson medan ho sprada sjølvsikkert ned og opp catwalken på svenske Idol førre helg. Sjølv vann den svenske popartisten talentshowet Talang som 10-åring, og ho har blitt ein artist av det heilstøypte slaget – ho står ikkje tilbake for sitt eige idol, Beyoncé.
«Memory Lane» er opningslåten på Larssons nye EP, Honor the Light. Dette er ein durkdriven poplåt i kryssingspunktet mellom elektropop, R&B og høgsong, ei sakral sak om tilfeldig sex på tåkete heimefestar og andre gode og vonde minne, ei hyllest til opplevingane som formar oss.
Honor the Light er ei slags juleplate – Larssons «Silent Night» er den mest medrivande tolkinga av tradisjonssongen eg har høyrt (tett følgd av Cartmans framføring i South Park), men tematikken – det er mogeleg å lækje skadar på sjela og kome gjennom kriser med større klårleik – er tidlaus. Det er den ultramoderne produksjonen òg.
Larssons stemmeprakt, nærvære, koreografi og profesjonalitet er knallsterk. Sjølv snubla eg tilfeldigvis gjennom forsamlinga framom hovudscena på den siste Törebodafestivalen i fjor sumar – følgjet skulle rekke ein eller annan rockekonsert på ei av dei mindre scenene, men eg, eg blei trollbunden av dette popfyrverkeriet som med eitt dukka opp på platået, og kunne ikkje anna enn stoppe og hoppe i veg med massane, tverrsnittet av folket. Denne popartisten har beint fram stålkontroll, og band og dansarar med. Sanneleg, det var litt av eit show, og eg kom på at ingenting er som god pop.
Eg – og mange andre småjenter med meg – ser fram til albumet Venus, etter planen ute i februar, med stjerner i augo.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
POP
Zara Larsson
Honor the Light
Epic Records
«So I walk myself down memory lane», song Zara Larsson medan ho sprada sjølvsikkert ned og opp catwalken på svenske Idol førre helg. Sjølv vann den svenske popartisten talentshowet Talang som 10-åring, og ho har blitt ein artist av det heilstøypte slaget – ho står ikkje tilbake for sitt eige idol, Beyoncé.
«Memory Lane» er opningslåten på Larssons nye EP, Honor the Light. Dette er ein durkdriven poplåt i kryssingspunktet mellom elektropop, R&B og høgsong, ei sakral sak om tilfeldig sex på tåkete heimefestar og andre gode og vonde minne, ei hyllest til opplevingane som formar oss.
Honor the Light er ei slags juleplate – Larssons «Silent Night» er den mest medrivande tolkinga av tradisjonssongen eg har høyrt (tett følgd av Cartmans framføring i South Park), men tematikken – det er mogeleg å lækje skadar på sjela og kome gjennom kriser med større klårleik – er tidlaus. Det er den ultramoderne produksjonen òg.
Larssons stemmeprakt, nærvære, koreografi og profesjonalitet er knallsterk. Sjølv snubla eg tilfeldigvis gjennom forsamlinga framom hovudscena på den siste Törebodafestivalen i fjor sumar – følgjet skulle rekke ein eller annan rockekonsert på ei av dei mindre scenene, men eg, eg blei trollbunden av dette popfyrverkeriet som med eitt dukka opp på platået, og kunne ikkje anna enn stoppe og hoppe i veg med massane, tverrsnittet av folket. Denne popartisten har beint fram stålkontroll, og band og dansarar med. Sanneleg, det var litt av eit show, og eg kom på at ingenting er som god pop.
Eg – og mange andre småjenter med meg – ser fram til albumet Venus, etter planen ute i februar, med stjerner i augo.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Foto: Dag Aanderaa
Pyntesjuke og luksuslov
Christian Kvart ville styre pynten, krydderet og konfekten.
Miridae, ei bladtege med oval form.
Foto: via Wikimedia Commons
Levande innsikt om døyande insekt
Ein optimistisk tone råder i ei tettpakka faktabok om dystre utsikter for insekta.
Moss–Horten-ferja er den mest trafikkerte i landet. Skjer det noko uføresett, som då dei tilsette blei tatt ut i LO-streik i fjor, veks køane på begge sider av fjorden.
Foto: Terje Bendiksby / AP / NTB
Pengegaloppen i ferjetoppen
Det står ei Norled-ferje her og ei Torghatten-ferje der – innstilte. Ferja, ein livsnerve for mange, er eigd av folk vi ikkje aner kven er, utanfor vår kontroll.
Yrka med det høgste sjukefråværet er kvinnedominerte med relasjonelt arbeid og høge emosjonelle krav, skriv Lill Sverresdatter Larsen.
Foto: Gorm Kallestad / NTB
Langvarig overbelastning gir rekordhøyt sykefravær
«Vi har lenge drevet en dugnad for å holde skuta flytende.»
Teikning: May Linn Clement
Papiravisa