Stor robotmusikk
Nyinnspelinga av «Grendizer»-musikken er eit ekko av fantasien om å hamle opp med eksistensielle trugsmål.
Filmmusikk
Marcin Przybylowicz, Magda Urbanska:
UFO Robot Grendizer – The Feast of the Wolves
Microids Records
Som vanleg starta året med eit smell, og det nyleg utgitte soundtracket til spelet UFO Robot Grandizer – Feast of the Wolves manar fram ein urovekkjande nostalgi. Kjeldematerialet er ein japansk teiknefilmserie frå syttitalet om ein heltemodig pilot som med lekamen i cockpiten styrer ein robot med bein og rakettskytande armar i djerv kamp mot urett og overmakt.
UFO Robot Grandizer er ikkje verdas beste spel, men musikken er det schwung over og smell i. Japanske Isao Sasaki og Shunsuke Kikuchis opphavelege TV-lydspor har blitt oppdatert av komponistane bak musikken til dei polske storspela Witcher 3: Wild Hunt og Cyberpunk 2076, og blir framført av eit eklektisk storband.
Lyden av hemningslause elgitarar ular over hektiske, storslege strykar- og hornarrangement; orgel skjelv som jordi sjølv; rytmeseksjonen liknar Curtis Mayfields’ klassiske funksoundtrack til blacksploitation-filmen SuperFly.
Her finst innslag av felemelodiar med austleg preg, og det heile blir drive av ein melankolsk energi som manar fram ei kjensle av heftig storleiksforskjell mellom oss menneske og fælslege, sivilisasjonsutslettande, monstrøst krigsmaskineri – musikken til Godzilla-filmane har same stil. Uneasy listening, kan ein kalle det, lik Love Boat-såpeoperavignetten på høggir.
Det at depersonifiserte dronar og åtaksmål genererte av den kunstige intelligensen Habsora (evangeliet på norsk) skulle stå sentralt i krigføring i framtida – vår tid – stod nok fram som ein lite plausibel profeti den gong serien blei kokt i hop, men metaforen om monstrøse våpen som jamnar sivilisasjonar med jorda, er diverre stadig aktuell.
Rasmus Hungnes
er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Filmmusikk
Marcin Przybylowicz, Magda Urbanska:
UFO Robot Grendizer – The Feast of the Wolves
Microids Records
Som vanleg starta året med eit smell, og det nyleg utgitte soundtracket til spelet UFO Robot Grandizer – Feast of the Wolves manar fram ein urovekkjande nostalgi. Kjeldematerialet er ein japansk teiknefilmserie frå syttitalet om ein heltemodig pilot som med lekamen i cockpiten styrer ein robot med bein og rakettskytande armar i djerv kamp mot urett og overmakt.
UFO Robot Grandizer er ikkje verdas beste spel, men musikken er det schwung over og smell i. Japanske Isao Sasaki og Shunsuke Kikuchis opphavelege TV-lydspor har blitt oppdatert av komponistane bak musikken til dei polske storspela Witcher 3: Wild Hunt og Cyberpunk 2076, og blir framført av eit eklektisk storband.
Lyden av hemningslause elgitarar ular over hektiske, storslege strykar- og hornarrangement; orgel skjelv som jordi sjølv; rytmeseksjonen liknar Curtis Mayfields’ klassiske funksoundtrack til blacksploitation-filmen SuperFly.
Her finst innslag av felemelodiar med austleg preg, og det heile blir drive av ein melankolsk energi som manar fram ei kjensle av heftig storleiksforskjell mellom oss menneske og fælslege, sivilisasjonsutslettande, monstrøst krigsmaskineri – musikken til Godzilla-filmane har same stil. Uneasy listening, kan ein kalle det, lik Love Boat-såpeoperavignetten på høggir.
Det at depersonifiserte dronar og åtaksmål genererte av den kunstige intelligensen Habsora (evangeliet på norsk) skulle stå sentralt i krigføring i framtida – vår tid – stod nok fram som ein lite plausibel profeti den gong serien blei kokt i hop, men metaforen om monstrøse våpen som jamnar sivilisasjonar med jorda, er diverre stadig aktuell.
Rasmus Hungnes
er kunstnar, musikar og fast musikkmeldar i Dag og Tid.
Fleire artiklar
Sofi Oksanen er av dei forfattarane som har fått flest prisar i Norden. Bøkene hennar er omsette til 46 språk. Biletet er frå bokmessa i Wien i 2022.
Foto: Nicola Montfort / Wikimedia Commons
Vald mot kvinner som våpen
Sofi Oksanen ønskte å skrive ei bok som er tilgjengeleg for vanlege lesarar, som kan lesast utan kart og utan at ein treng følgje krigsnyhenda dag for dag. At essayet Putins krig mot kvinner skulle bli så skremmande, såg ho ikkje heilt for seg.
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
Studentar mot politi ved Columbia- universitetet 30. april, då Palestina- aktivist-leiren skulle rivast.
Foto: Caitlin Ochs / Reuters / NTB
Ekko frå sekstiåra
Demonstrasjonane mot Israel og Gaza-krigen på universitet i USA vekkjer til live minnet om studentoppstandane i seksti- og syttiåra.
Eit portrett av filosofen Germaine de Staël, ein sveitsisk filosof som levde og virka 17- og 1800-talet. Ho er ei av fleire kvinnelege filosofar som har fått meir merksemd dei siste åra, ikkje minst takka vere arbeidet til filosof Kristin Gjesdal.
Filosofiske forviklingar
Professor Tove Pettersen meiner filosofifaget har eit likestillingsproblem.