Små- og storgodt for fot og øyre
Alison Goldfrapps solodebutalbum er ein luftig godtepose fylt med øyre- og dansefotsnop.
Pop
Alison Goldfrapp:
The Love Invention
Skint
Den britiske songaren Alison Goldfrapp er kjend frå synthpopduoen Goldfrapp, som har halde på sidan tusenårsskiftet, og som samarbeidde med norske Röyksopp så seint som i fjor. The Love Invention er den 57 år unge artistens første album som soloartist, og her er det durkdriven dancepop som står på menyen.
Alison Goldfrapps stemme er ljos og fyldig med eit usedvanlig breitt register. Her kombinerer ho spennvidda si på over tre oktavar med elektronisk prosessering, og hennar korsong med seg sjølv er luftige saker prega av ein krystallklar og kontrollert, nærast tverrfløyteaktig intonasjon.
Rett som det er, vert grensa mellom pust og perkusjon viska (eller kviskra) ut: Innpust og utpust sklir over i silkemjuke skarptrommepiskeslag og tørre, musserande hi-hat-kastekyss; låta «Digging Deeper Now» vert driven av eit suggererande sugemotiv.
Friske, flytande melodiar vert understreka av overraskande grunntoneskift, medan boblande synthostinato, rivande basslydar og store, kompakte basstrommer sprett av garde over lag på lag av svevande teksturar.
Det skal godt gjerast å ikkje late seg rive med i spretten: Albumet er ein elektronisk popgodtepose fylt med øyresnop som gir assosiasjonar til 80- og 90-tals housepop og dance, disco, Kate Bush, new wave, Donna Summers’ «I Feel Love», Madonna og moderne hyperpop.
I songen «The Beat Divine» snik likegodt eit islett James Bond-aktig dramatikk seg inn i miksen.
The Love Invention er eit heilstøypt dancepopalbum fullt av livsglede, melankoli og eufori i skjønn harmoni som taktfast får dansefoten og smilebanda til å rykke og nappe om kapp.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop
Alison Goldfrapp:
The Love Invention
Skint
Den britiske songaren Alison Goldfrapp er kjend frå synthpopduoen Goldfrapp, som har halde på sidan tusenårsskiftet, og som samarbeidde med norske Röyksopp så seint som i fjor. The Love Invention er den 57 år unge artistens første album som soloartist, og her er det durkdriven dancepop som står på menyen.
Alison Goldfrapps stemme er ljos og fyldig med eit usedvanlig breitt register. Her kombinerer ho spennvidda si på over tre oktavar med elektronisk prosessering, og hennar korsong med seg sjølv er luftige saker prega av ein krystallklar og kontrollert, nærast tverrfløyteaktig intonasjon.
Rett som det er, vert grensa mellom pust og perkusjon viska (eller kviskra) ut: Innpust og utpust sklir over i silkemjuke skarptrommepiskeslag og tørre, musserande hi-hat-kastekyss; låta «Digging Deeper Now» vert driven av eit suggererande sugemotiv.
Friske, flytande melodiar vert understreka av overraskande grunntoneskift, medan boblande synthostinato, rivande basslydar og store, kompakte basstrommer sprett av garde over lag på lag av svevande teksturar.
Det skal godt gjerast å ikkje late seg rive med i spretten: Albumet er ein elektronisk popgodtepose fylt med øyresnop som gir assosiasjonar til 80- og 90-tals housepop og dance, disco, Kate Bush, new wave, Donna Summers’ «I Feel Love», Madonna og moderne hyperpop.
I songen «The Beat Divine» snik likegodt eit islett James Bond-aktig dramatikk seg inn i miksen.
The Love Invention er eit heilstøypt dancepopalbum fullt av livsglede, melankoli og eufori i skjønn harmoni som taktfast får dansefoten og smilebanda til å rykke og nappe om kapp.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.