Seks og eit halvt par hits
Roisin Murphys sjette soloalbum er ein forvitneleg og leiken varieté av ei plate.
Pop/Elektronisk
Roisin Murphy:
Hit Parade
Ninja Tune
Irske Roisin Murphy starta songkarrieren i elektronikaduoen Moloko i 1994, og i 2005 kom Ruby Blue, den første soloutgjevinga hennar. Det nye albumet Hit Parade er det sjette soloalbumet, og låtrekka passar tittelen som fot i hose.
Hit Parade er ei variert skive. Det vil seie: Kvaliteten er jamn; stilartane ho leflar med, er mangfaldige. I brorparten av spora kan tydelege merke etter sprettent tilbakelent groovy 70-talssoul, ein stor dose Motown-musikk og eit islett Prince og Lou Reed høyrast, medan den tretti sekund lange snutten «Spacetime» hamnar på den meir avantgardistiske sida med eksistensialistisk, knurrande messing av Tadhg Properzi, ein råtass av ein småtass og son til Murphy.
Med spor nummer sju, «Free Will», gjennomfører Murphy og medprodusenten DJ Koze ein lur glidande overgang til meir dansegolvvenleg materie via disco- og sambaliknande rytmar og tydeleg elektroniske basstrommer. På neste song, «You Knew», er turen inn i den elektroniske sfæren komplett: Frå minutt nummer tre er den utkropne sampleklippinga deira umiskjenneleg.
Biletmaterialet på omslaget er signert den kanadiske Mexico-baserte biletkunstnaren Beth Frey, som det skal seiast at underteikna har ein akvarell av frå 2019 hengande over sofaen, og i det området kjem han til å bli så lenge eg går rundt på denne planeten – stor fan, med andre ord.
Sidan har Frey eksperimentert med kunstig intelligens-assistert kunst, og den småpsykotiske, leikne og fargerike stilen hennar understrekar Roisin Murphys småforskrudde tilnærming: Låta «Crazy Ants Reprise» er den einaste «Crazy Ants» på denne fredsæle berg-og-dalbaneturen av eit album.
Rasmus Hungnes
Rasmus Hungnes er biletkunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop/Elektronisk
Roisin Murphy:
Hit Parade
Ninja Tune
Irske Roisin Murphy starta songkarrieren i elektronikaduoen Moloko i 1994, og i 2005 kom Ruby Blue, den første soloutgjevinga hennar. Det nye albumet Hit Parade er det sjette soloalbumet, og låtrekka passar tittelen som fot i hose.
Hit Parade er ei variert skive. Det vil seie: Kvaliteten er jamn; stilartane ho leflar med, er mangfaldige. I brorparten av spora kan tydelege merke etter sprettent tilbakelent groovy 70-talssoul, ein stor dose Motown-musikk og eit islett Prince og Lou Reed høyrast, medan den tretti sekund lange snutten «Spacetime» hamnar på den meir avantgardistiske sida med eksistensialistisk, knurrande messing av Tadhg Properzi, ein råtass av ein småtass og son til Murphy.
Med spor nummer sju, «Free Will», gjennomfører Murphy og medprodusenten DJ Koze ein lur glidande overgang til meir dansegolvvenleg materie via disco- og sambaliknande rytmar og tydeleg elektroniske basstrommer. På neste song, «You Knew», er turen inn i den elektroniske sfæren komplett: Frå minutt nummer tre er den utkropne sampleklippinga deira umiskjenneleg.
Biletmaterialet på omslaget er signert den kanadiske Mexico-baserte biletkunstnaren Beth Frey, som det skal seiast at underteikna har ein akvarell av frå 2019 hengande over sofaen, og i det området kjem han til å bli så lenge eg går rundt på denne planeten – stor fan, med andre ord.
Sidan har Frey eksperimentert med kunstig intelligens-assistert kunst, og den småpsykotiske, leikne og fargerike stilen hennar understrekar Roisin Murphys småforskrudde tilnærming: Låta «Crazy Ants Reprise» er den einaste «Crazy Ants» på denne fredsæle berg-og-dalbaneturen av eit album.
Rasmus Hungnes
Rasmus Hungnes er biletkunstnar, musikar og fast musikkmeldar i Dag og Tid.
Fleire artiklar
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.