Rolling Stone Blues
Om Hackney Diamonds vert siste plate frå The Rolling Stones, så går dei ut med stil.
Ronnie Wood, Mick Jagger og Keith Richards då det nye albumet vart lansert i London 6. september.
Foto: Dave Hogan / Hogan Media / Shutterstock
Rock
Rolling
Stones:
Hackney Diamonds
Universal
«He’s going to be a rollin’ stone», syng Mick Jagger i «Rolling Stone Blues», idet det dagsferske albumet til The Rolling Stones tonar ut. Avslutninga er alt anna enn tilfeldig. Muddy Waters (1913–1983) spela inn låten, ein vri på «Catfish Blues», i 1950, og det har ikkje vore uvanleg å spore «Rollin’ Stone» tilbake til Mississippi-deltaet på 1920-talet.
Når Hackney Diamonds heilt på tampen feirar tradisjon og kontinuitet, skjer det med eit nikk til inspirasjonskjeldene som har vore viktige for bandet heilt sidan dei først kom saman for meir enn seks tiår sidan.
Det lyder som det skal, og «Rolling Stone Blues» kunne passa greitt inn mellom tolkingane på Blue & Lonesome (2016), førre plate frå bandet, men det som verkeleg gjer årets utgiving til stort nytt, er jo at dei for første gong sidan 2005 byr på nyskrivne songar. Korleis er kvaliteten?
Treffer blink
Rockaren «Angry» og gospelballaden «Sweet Sound of Heaven» har fungert som smakebitar, og førsteinntrykket desse gav, held seg i møtet med Hackney Diamonds: Om dette altså vert siste utgiving med nye songar frå denne kanten, og det vert det vel, går karane ut med stil.
Albumet er vesentleg betre enn A Bigger Bang, som altså kom for nesten to tiår sidan, og eg føretrekker det også framføre Bridges to Babylon (1997). Når det er sagt, er eg neppe åleine om på sikt å ville føretrekke å setje på nesten kva som helst slags plate The Rolling Stones laga på 1960- og 1970-talet framfor Hackney Diamonds. Det er eigentleg påfallande kor sentral plass bandet har hatt trass i kor lite nytt dei har kome med sidan 1980-talet – materialet frå gullalderen har vorte resirkulert endelaust og halde seg godt. Dermed ligg alt til rette for ein generisk reproduksjon av ein klassisk Stones-estetikk, med alt det inneber av tropar, riff, og fakter, og med det som mål treffer årets album blink.
Mick Jagger (80) syng som han skal, Keith Richards (79) er umiskjenneleg med gitararbeidet, og Ronnie Wood (76) leverer som forventa – om ein av dei to første skulle falle frå, gir det ikkje lenger meining å gjere bruk av bandnamnet. Steve Jordan erstattar trommis Charlie Watts, som døydde for to år sidan, men Watts rakk å vere med på eit par låtar her. Og jammen dukkar ikkje også Bill Wyman (no 86 år), som var med i bandet til litt utpå 1980-talet, opp på ein song.
Oppsummerer
I det heile har Hackney Diamonds noko oppsummerande ved seg, der gamle og nye venner kjem innom, mellom dei Stevie Wonder, Paul McCartney og Elton John. Ei vel så viktig rolle spelar likevel produsent Adrian Watt, som også trakterer ei heil rekke instrument og faktisk eit par stader er kreditert som medforfattar og medkomponist – han er overalt her.
Det gnistrar verkeleg av gitarane på «Get Close», og låten får eit lite løft når James King får rom til å kline til med ein saksofonsolo.
«Dreamy Skies», der Benmont Tench er med på hammondorgelet, er ein ganske uimotståeleg Exile on Main Street-pastisj.
Sjølv har eg alltid vore svak for Keith Richards-balladane, denne gong representert ved «Tell Me Straight», som er hakket meir tilbakelent enn mykje av det riffdrivne materialet her. Eit par stader er Hackney Diamonds litt meir på det jamne, og låtane framstår som anonyme, men hovudgrepet – å reindyrke Stones-essensen, utan for mange fakter og påfunn – viser seg å vere ein velfungerande strategi, no som før.
Øyvind Vågnes
Øyvind Vågnes er forfattar, professor ved Universitetet i Bergen og fast musikkskribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock
Rolling
Stones:
Hackney Diamonds
Universal
«He’s going to be a rollin’ stone», syng Mick Jagger i «Rolling Stone Blues», idet det dagsferske albumet til The Rolling Stones tonar ut. Avslutninga er alt anna enn tilfeldig. Muddy Waters (1913–1983) spela inn låten, ein vri på «Catfish Blues», i 1950, og det har ikkje vore uvanleg å spore «Rollin’ Stone» tilbake til Mississippi-deltaet på 1920-talet.
Når Hackney Diamonds heilt på tampen feirar tradisjon og kontinuitet, skjer det med eit nikk til inspirasjonskjeldene som har vore viktige for bandet heilt sidan dei først kom saman for meir enn seks tiår sidan.
Det lyder som det skal, og «Rolling Stone Blues» kunne passa greitt inn mellom tolkingane på Blue & Lonesome (2016), førre plate frå bandet, men det som verkeleg gjer årets utgiving til stort nytt, er jo at dei for første gong sidan 2005 byr på nyskrivne songar. Korleis er kvaliteten?
Treffer blink
Rockaren «Angry» og gospelballaden «Sweet Sound of Heaven» har fungert som smakebitar, og førsteinntrykket desse gav, held seg i møtet med Hackney Diamonds: Om dette altså vert siste utgiving med nye songar frå denne kanten, og det vert det vel, går karane ut med stil.
Albumet er vesentleg betre enn A Bigger Bang, som altså kom for nesten to tiår sidan, og eg føretrekker det også framføre Bridges to Babylon (1997). Når det er sagt, er eg neppe åleine om på sikt å ville føretrekke å setje på nesten kva som helst slags plate The Rolling Stones laga på 1960- og 1970-talet framfor Hackney Diamonds. Det er eigentleg påfallande kor sentral plass bandet har hatt trass i kor lite nytt dei har kome med sidan 1980-talet – materialet frå gullalderen har vorte resirkulert endelaust og halde seg godt. Dermed ligg alt til rette for ein generisk reproduksjon av ein klassisk Stones-estetikk, med alt det inneber av tropar, riff, og fakter, og med det som mål treffer årets album blink.
Mick Jagger (80) syng som han skal, Keith Richards (79) er umiskjenneleg med gitararbeidet, og Ronnie Wood (76) leverer som forventa – om ein av dei to første skulle falle frå, gir det ikkje lenger meining å gjere bruk av bandnamnet. Steve Jordan erstattar trommis Charlie Watts, som døydde for to år sidan, men Watts rakk å vere med på eit par låtar her. Og jammen dukkar ikkje også Bill Wyman (no 86 år), som var med i bandet til litt utpå 1980-talet, opp på ein song.
Oppsummerer
I det heile har Hackney Diamonds noko oppsummerande ved seg, der gamle og nye venner kjem innom, mellom dei Stevie Wonder, Paul McCartney og Elton John. Ei vel så viktig rolle spelar likevel produsent Adrian Watt, som også trakterer ei heil rekke instrument og faktisk eit par stader er kreditert som medforfattar og medkomponist – han er overalt her.
Det gnistrar verkeleg av gitarane på «Get Close», og låten får eit lite løft når James King får rom til å kline til med ein saksofonsolo.
«Dreamy Skies», der Benmont Tench er med på hammondorgelet, er ein ganske uimotståeleg Exile on Main Street-pastisj.
Sjølv har eg alltid vore svak for Keith Richards-balladane, denne gong representert ved «Tell Me Straight», som er hakket meir tilbakelent enn mykje av det riffdrivne materialet her. Eit par stader er Hackney Diamonds litt meir på det jamne, og låtane framstår som anonyme, men hovudgrepet – å reindyrke Stones-essensen, utan for mange fakter og påfunn – viser seg å vere ein velfungerande strategi, no som før.
Øyvind Vågnes
Øyvind Vågnes er forfattar, professor ved Universitetet i Bergen og fast musikkskribent i Dag og Tid.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?
Teikning: May Linn Clement
17. mai-pengar
«Mor mi viser meg telefonen og at ho har vipsa Oskar og Tomas. Det er irriterande å sjå på ein mobil som andre held i.»
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.