Reindyrka eleganse
Utgangspunktet er folkemusikk. Resultatet er ein stad mellom kammermusikk og pop.
Folkemusikk
Gjermund Larsen Trio:
Tøyen Sessions
Gjermund Larsen, fele; Andreas Utnem, piano: Sondre Meisfjord, kontrabass
Heilo
Gjermund Larsen har lenge vore ein av våre fremste folkemusikarar på vanleg fele. Han har bakgrunn frå eit sterkt folkemusikkmiljø i Verdal i Trøndelag. (Broren Einar Olav Larsen er òg ein framifrå felespelar.) Men på denne plata presenterer han utelukkande eigne komposisjonar. Nokre av dei har tidlegare vore presenterte som delar av ymse tingingsverk, og titlane refererer ofte til naturstemningar.
Folkemusikkpåverknaden er mest tydeleg gjennom frasering og ornamentering på fela. Men elles er det så mykje anna som pregar denne musikken: Klangleg læt det som ein førsteklasses kammermusikktrio, medan harmonikk og bassgangar kunne vore henta frå ei av dei mange velprodusert visepopplatene som kjem ut om dagen. Andreas Utnem har tidlegare spelt trøorgel i denne trioen, men her held han seg berre til piano, noko som er med på å styrka assosiasjonane til akustisk popmusikk.
Det er med andre ord tale om ei polert form for musikk, men i positiv tyding. Alt er utført lett og elegant, heller ikkje i teknisk krevjande passasjar, og det er ingenting som skurrar eller kan verka provoserande.
Formmessig er musikken luftig. Musikarane tek seg god tid og er ikkje redde for å gje kvarandre rom. Det er ingenting hektisk eller masete her, heller ikkje i dei meir energiske partia. Dette er ei form for folkemusikk som ikkje er attendeskodande, men heller ikkje eksperimentell. Det er dyrkinga av det vakre og elegante som står i fokus heile tida.
Sigbjørn Apeland
Sigbjørn Apeland er musikar, musikkvitar og fast meldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Folkemusikk
Gjermund Larsen Trio:
Tøyen Sessions
Gjermund Larsen, fele; Andreas Utnem, piano: Sondre Meisfjord, kontrabass
Heilo
Gjermund Larsen har lenge vore ein av våre fremste folkemusikarar på vanleg fele. Han har bakgrunn frå eit sterkt folkemusikkmiljø i Verdal i Trøndelag. (Broren Einar Olav Larsen er òg ein framifrå felespelar.) Men på denne plata presenterer han utelukkande eigne komposisjonar. Nokre av dei har tidlegare vore presenterte som delar av ymse tingingsverk, og titlane refererer ofte til naturstemningar.
Folkemusikkpåverknaden er mest tydeleg gjennom frasering og ornamentering på fela. Men elles er det så mykje anna som pregar denne musikken: Klangleg læt det som ein førsteklasses kammermusikktrio, medan harmonikk og bassgangar kunne vore henta frå ei av dei mange velprodusert visepopplatene som kjem ut om dagen. Andreas Utnem har tidlegare spelt trøorgel i denne trioen, men her held han seg berre til piano, noko som er med på å styrka assosiasjonane til akustisk popmusikk.
Det er med andre ord tale om ei polert form for musikk, men i positiv tyding. Alt er utført lett og elegant, heller ikkje i teknisk krevjande passasjar, og det er ingenting som skurrar eller kan verka provoserande.
Formmessig er musikken luftig. Musikarane tek seg god tid og er ikkje redde for å gje kvarandre rom. Det er ingenting hektisk eller masete her, heller ikkje i dei meir energiske partia. Dette er ei form for folkemusikk som ikkje er attendeskodande, men heller ikkje eksperimentell. Det er dyrkinga av det vakre og elegante som står i fokus heile tida.
Sigbjørn Apeland
Sigbjørn Apeland er musikar, musikkvitar og fast meldar i Dag og Tid.
Fleire artiklar
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.