Progressiv musikk om personlege so(r)ger
Heimen lagar hypnotisk kunstpop med tekstar om fornorskingspolitikken.
Rock
Heimen:
Historier/Muitalusat – Vi hentes hjem / Mii vižžot ruoktot
Kari Heimen Records
Heimen er eit Tromsø- og Alta-basert band. Musikken, som dei kallar kunstpop, inneheld element frå pop, tradisjonsmusikk og progrock blanda saman med eit aldri så lite islett jazzinspirasjon. Frontfigur Kari Heimen er både trommis og vokalist og kallar seg ein fornorska same. På plata Historier – Vi hentes hjem (eller på samisk Muitalusat – Mii vižžot ruoktot), som kjem ut i dag, 29. oktober, syng ho på norsk og joikar på samisk.
Frode Fjellheim, kjend frå det eksperimentelle jazz-joik-bandet Transjoik, bidreg òg med joik på fire av songane. Bass- og gitarspelet er vove saman med frontfigur Kari Heimens trommespel, norskspråklege song og samiske joik til eit omkransande teppe av lune oddetakter – sjølv når det er utfordrande å telje pulsen, læt det naturleg og stilreint.
Progrock er ofte teatralsk i uttrykket. Musikken til Heimen har eit dramatisk preg, noko som passar godt til tematikken i tekstane. Her får vi høyre personlege soger om konsekvensar av fornorskingspolitikken, og tekstane finst på både norsk og samisk i platecoveret. Det er svært rørande å høyre personlege soger – frå hennar eigen og systera sin oppvekst, om mora som ikkje kunne samtale med besteforeldra på grunn av språkbarrieren, om bestefar som blei tvangssend på kostskule og risikerte fysisk straff dersom han gløymde seg og sa eit samisk ord – om korleis assimilasjonen Noreg hadde som uttala politikk mot samisk folk, kultur og språk, skapte skam og personleg smerte. Dette er ei svært relevant plate.
Rasmus Hungnes
Rasmus Hungnes er musikar, biletkunstnar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock
Heimen:
Historier/Muitalusat – Vi hentes hjem / Mii vižžot ruoktot
Kari Heimen Records
Heimen er eit Tromsø- og Alta-basert band. Musikken, som dei kallar kunstpop, inneheld element frå pop, tradisjonsmusikk og progrock blanda saman med eit aldri så lite islett jazzinspirasjon. Frontfigur Kari Heimen er både trommis og vokalist og kallar seg ein fornorska same. På plata Historier – Vi hentes hjem (eller på samisk Muitalusat – Mii vižžot ruoktot), som kjem ut i dag, 29. oktober, syng ho på norsk og joikar på samisk.
Frode Fjellheim, kjend frå det eksperimentelle jazz-joik-bandet Transjoik, bidreg òg med joik på fire av songane. Bass- og gitarspelet er vove saman med frontfigur Kari Heimens trommespel, norskspråklege song og samiske joik til eit omkransande teppe av lune oddetakter – sjølv når det er utfordrande å telje pulsen, læt det naturleg og stilreint.
Progrock er ofte teatralsk i uttrykket. Musikken til Heimen har eit dramatisk preg, noko som passar godt til tematikken i tekstane. Her får vi høyre personlege soger om konsekvensar av fornorskingspolitikken, og tekstane finst på både norsk og samisk i platecoveret. Det er svært rørande å høyre personlege soger – frå hennar eigen og systera sin oppvekst, om mora som ikkje kunne samtale med besteforeldra på grunn av språkbarrieren, om bestefar som blei tvangssend på kostskule og risikerte fysisk straff dersom han gløymde seg og sa eit samisk ord – om korleis assimilasjonen Noreg hadde som uttala politikk mot samisk folk, kultur og språk, skapte skam og personleg smerte. Dette er ei svært relevant plate.
Rasmus Hungnes
Rasmus Hungnes er musikar, biletkunstnar og fast musikkmeldar i Dag og Tid.
Fleire artiklar
Fleire jazzmusikarar i USA mislikte at amerikansk UD nytta dei som «ambassadørar» i Afrika for å få merksemda vekk frå det dei dreiv med.
Foto frå filmen
«Har du illusjonar om politikk og politikarar, vil Soundtrack to a Coup D’Etat drepe dei effektivt på 150 minutt.»
Teikning: May Linn Clement
«Eg har lagt merke til at folk går i ein liten boge forbi den daude grevlingen som ligg i grøfta.»
Endre Ruset er poet og tidlegare kunstnarisk leiar ved Norsk litteraturfestival.
Foto: Heidi Furre
«Dikta til Endre Ruset er ridde av tap og sorg, og med hesten som sentralt motiv.»
Dette er ein bar, men er det ein sjokoladebar til laurdagskvelden eller ein proteinbar til treningsøkta?
Foto via Wikimedia Commons
«Det er høgt trykk på proteinbarfronten for tida.»
Teikning: May Linn Clement
Papiravisa