Overtydande debut
Komponisten Krogstad overraskar stort.
Mona Krogstad har gjeve ut det første albumet i eige namn.
Foto: Anna Rogneby
Jazz
Mona Krogstad:
Virgo Sun
Mona Krogstad, tenorsaksofon; Joakim Rainer Petersen, piano; Bjørn Marius Hegge, bass; Veslemøy Narvesen, trommer. Øra Fonogram
Mona Krogstad debuterer med sju eigne komposisjonar og ein kvartett med kvalitet i alle lekkar. Krogstad har ein kunna høyra i ekspressiv utfalding på plata Young Star (2020) med bandet Juno eller på konsertscenen med Hedvig Mollestad, Heidi Skjerve og Starlight Big Band.
På Virgo Sun står komponisten, orkesterleiaren og tenorsaksofonisten Mona Krogstad i rampeljoset. Det skal seiast at ho deler rundhanda plassen med dei tre andre i bandet. Det beste ein kan seia om denne plata, er at ho er så gjennomført i forma, men likevel så raus med rom for improvisasjon.
Krogstad tenkjer form og heilskap, men i denne heilskapen skjer det leikande og intrikat samspel. I «Song for Solveig» får både Petersen og Narvesen mykje plass. Sistnemnde spelar eit trommekor som er sjeldan velstrukturert. Hegge er hovudperson i «Sailor Man» med ein kjenslevar intro og basslinjer som i stor grad pregar komposisjonen. Hegge har også eit lyrisk kor på tittellåten.
Krogstad har eit velutvikla grep om komponeringa. Alle dei sju låtane har ein klar identitet og til tider overraskande form. Ho har nok henta inspirasjon frå Wayne Shorter på dette området. Som saksofonist kan ein høyra eitt og anna som minner om nemnde Shorter og Joe Henderson. Krogstad er ein spanande saksofonist som me vil få høyra mykje til i framtida. Ved denne krossvegen er det komponisten og orkesterleiaren som skin sterkast.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Mona Krogstad:
Virgo Sun
Mona Krogstad, tenorsaksofon; Joakim Rainer Petersen, piano; Bjørn Marius Hegge, bass; Veslemøy Narvesen, trommer. Øra Fonogram
Mona Krogstad debuterer med sju eigne komposisjonar og ein kvartett med kvalitet i alle lekkar. Krogstad har ein kunna høyra i ekspressiv utfalding på plata Young Star (2020) med bandet Juno eller på konsertscenen med Hedvig Mollestad, Heidi Skjerve og Starlight Big Band.
På Virgo Sun står komponisten, orkesterleiaren og tenorsaksofonisten Mona Krogstad i rampeljoset. Det skal seiast at ho deler rundhanda plassen med dei tre andre i bandet. Det beste ein kan seia om denne plata, er at ho er så gjennomført i forma, men likevel så raus med rom for improvisasjon.
Krogstad tenkjer form og heilskap, men i denne heilskapen skjer det leikande og intrikat samspel. I «Song for Solveig» får både Petersen og Narvesen mykje plass. Sistnemnde spelar eit trommekor som er sjeldan velstrukturert. Hegge er hovudperson i «Sailor Man» med ein kjenslevar intro og basslinjer som i stor grad pregar komposisjonen. Hegge har også eit lyrisk kor på tittellåten.
Krogstad har eit velutvikla grep om komponeringa. Alle dei sju låtane har ein klar identitet og til tider overraskande form. Ho har nok henta inspirasjon frå Wayne Shorter på dette området. Som saksofonist kan ein høyra eitt og anna som minner om nemnde Shorter og Joe Henderson. Krogstad er ein spanande saksofonist som me vil få høyra mykje til i framtida. Ved denne krossvegen er det komponisten og orkesterleiaren som skin sterkast.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Laila Goody, Maria Ómarsdóttir Austgulen, Trond Espen Seim og John Emil Jørgenrud i nachspielet frå helvete som stykket til Edward Albee blir kalla.
Foto: Erika Hebbert
Sterkt om livsløgn og overleving
Gode skodespelarprestasjonar i intens kamp på liv og død.
Den nye statsministeren i Frankrike, Michel Barnier, blir klappa inn av den utgåande, Gabriel Attal, i ein seremoni på Hôtel Matignon i Paris 5. september.
Foto: Stephane De Sakutin / Reuters / NTB
Ny statsminister med gjeld, utan budsjett
No lyt alt skje raskt i fransk politikk for å avverje nye kriser.
Justis- og beredskapsminister Emilie Enger Mehl på veg til pressetreffet om motarbeiding av kriminalitet. Også statsminister Jonas Gahr Støre og finansminister Trygve Slagsvold Vedum deltok.
Foto: Thomas Fure / NTB
– No ser me effekten av færre politifolk
Det er mykje regjeringa kunne gjort som dei ikkje har gjort. Me er ikkje imponerte, seier Helge André Njåstad (FrP).
Den oppdaterte boka om rettens ironi er ei samling av tekstar frå Rune Slagstad gjennom førti år.
Foto: André Johansen / Pax Forlag
Jussen som styringsverktøy
Rettens ironi, no i fjerde og utvida utgåve, har for lengst blitt ein klassikar i norsk idé- og rettshistorie.
Finn Olstad har doktorgrad i historie og er tidlegare professor ved Seksjon for kultur og samfunn ved Noregs idrettshøgskule.
Foto: Edvard Thorup
Det nye klassesamfunnet
Finn Olstads nye bok er eit lettlese innspel til ei sårt tiltrengd innsikt i skilnaden mellom fakta og ideologi.
Papiravisa