Nynorsk musikalsk akvarium
Lena Skjerdal sprudlar på vokal
Lena Skjerdal og Erik Halvorsen under konserten på Marked for Musikk 2020.
Foto: Den kulturelle skolesekken 2020.
Det meste
Kråkebollane
Konrad Kråkebolle og andre fjærefantar
Lena Skjerdal, vokal og perkusjon; Erik Håkon Halvorsen, tangentar og vokal; Knut Lothe, trommer, perkusjon og vokal; Ole Marius Sandberg, bass.
Ingebrigt Daviks Det hende i Taremareby har fått ein arvtakar i Lisbeth Dreyer og Per Ragnar Møklebys Konrad Kråkebolle og andre fjærefantar (Skald, 2014). Lena Skjerdal let seg sjarmera av dette undersjøiske universet og bestemte seg for å setja musikk til tekstane.
Skjerdal, Halvorsen og Lothe har i fellesskap skrive det meste av musikken og arrangert han. To låtar byggjer på tradisjonsstoff. Det har blitt ei framsyning trioen har turnert med i regi av Den kulturelle skulesekken i Vestland. I fjor sommar gjekk trioen i studio for å spela inn materialet, og då tok dei med Sandberg på bass. Det har gjeve musikken, som mest utan unntak inviterer til dans, eit naudsynt og solid fundament.
Alle dei fargerike skapningane blir skildra ved å bruka eit vidt spekter av sjangrar – afrobeat, swing, calypso, rockabilly, vals, tungrock og glatt jazzrock. Dei nyttar hemningslaust ei mengd klisjear – av og til lett karikert og alltid med eit glimt i auga. Dette er først og fremst ei plate for dei yngste i familien. Ho kan lyttast til i selskap med boka til Dreyer og Møkleby, eller ein kan bruka henne til å akkompagnera pantomimedans. Kven er flinkast å gestalta Bella Blåskjel eller Karolius Krabbe? Det er berre å kasta seg ut i det.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Det meste
Kråkebollane
Konrad Kråkebolle og andre fjærefantar
Lena Skjerdal, vokal og perkusjon; Erik Håkon Halvorsen, tangentar og vokal; Knut Lothe, trommer, perkusjon og vokal; Ole Marius Sandberg, bass.
Ingebrigt Daviks Det hende i Taremareby har fått ein arvtakar i Lisbeth Dreyer og Per Ragnar Møklebys Konrad Kråkebolle og andre fjærefantar (Skald, 2014). Lena Skjerdal let seg sjarmera av dette undersjøiske universet og bestemte seg for å setja musikk til tekstane.
Skjerdal, Halvorsen og Lothe har i fellesskap skrive det meste av musikken og arrangert han. To låtar byggjer på tradisjonsstoff. Det har blitt ei framsyning trioen har turnert med i regi av Den kulturelle skulesekken i Vestland. I fjor sommar gjekk trioen i studio for å spela inn materialet, og då tok dei med Sandberg på bass. Det har gjeve musikken, som mest utan unntak inviterer til dans, eit naudsynt og solid fundament.
Alle dei fargerike skapningane blir skildra ved å bruka eit vidt spekter av sjangrar – afrobeat, swing, calypso, rockabilly, vals, tungrock og glatt jazzrock. Dei nyttar hemningslaust ei mengd klisjear – av og til lett karikert og alltid med eit glimt i auga. Dette er først og fremst ei plate for dei yngste i familien. Ho kan lyttast til i selskap med boka til Dreyer og Møkleby, eller ein kan bruka henne til å akkompagnera pantomimedans. Kven er flinkast å gestalta Bella Blåskjel eller Karolius Krabbe? Det er berre å kasta seg ut i det.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Små-ulovleg: Godtet er smått, men er denne reklamen retta mot små eller store menneske? Det kan få alt å seie dersom ei ny forskrift vert vedteken.
Foto: Cornelius Poppe / NTB
«Om høyringsinnspela frå Helsedirektoratet vert inkluderte, risikerer ein å kriminalisere heilt vanleg mat.»
To unge mormonmisjonærar, søster Paxton (Sophie Thatcher) og søster Barnes (Chloe East), blir tvinga til å setje trua si på prøve i møtet med herr Reed (Hugh Grant).
Foto: Ymer Media
«Mange av skrekkfilmane no til dags liknar meir på filmar frå syttitalet»
I tillegg til å vere forfattar er Kristina Leganger Iversen også litteraturvitar, samfunnsdebattant og omsetjar.
Foto: Sara Olivia Sanderud
Nedslåande sanning
Kristina Leganger Iversen leverer eit grundig studium av noko som burde vere opplagt for fleire.
Teikning: May Linn Clement
«Me har ikkje grunnlag for å seia at bokmålsbrukarar har kvassare penn enn andre, men nokre av dei evnar å kløyva kvass i to.»
Gjennom Hitlers progagandaminister Joseph Goebbels får vi eit innblikk i sanninga bak Nazi-Tysklands propagandamaskin.
Foto: Another World Entertainment
Propaganda på agendaen
Fører og forfører er ein drivande historietime om tidenes skumlaste skrønemakar.
Papiravisa